لكيت نفس الشخص الطويل بدون ملامح الي بالحلم واكف بحديقة البيت ويباوع ع الشباك وشفت بأيده نفس السجينه الي شفته بالحلم
كلت: الله يستر شكاعد يصير يارب عدي هالليله ع خير
كالت رهف: شبيك امير ليش وجهك اصفر
كلت: ماكو شي حبيبتي يجوز هَوا لو بزونه ضربت الشباك
ورحت مددت يمها وقريت عليها قرآن ونامت واني ابد منمت بعد المنظر الي شفته بالشباك مستحيل يجيني نوم.....
الساعه 8 الصبح......
كعدت رهف وكالت: صباح الخير
كلت: صباح الورد حبيبتي
كالت: امير اني كلش خفت من هذا البيت بعد مستحيل ابقه بي وديني لاي مكان بعد هذي الليله العشتها مستحيل ابقه هنا
كلت: تدرين اني منمت ابد
كالت: ليش
كلت: تتذكرين من كتلج حلمت بهذا الشخص الطويل يريد يكتلني
كالت: اي
كلت: ومن شفتيني باوعت من الشباك وجهي صار اصفر
كالت: اي ليش
كلت: شفته نفسه.....
واكف بحديقة البيت....
كالت: كول والله
كلت: اقسم بالله
كالت: كوم وديني لاي مكان وجيب شخص يقرا قرآن بالبيت اكيد البيت بي شي بعد كل هاي الاشياء الصارت ويانه تأكدت اكو شي....
: امير يمكن احد حاسدنه ومسوي النه سحر؟
كلت: منو اليسوي سحر مثلا؟
كالت: مادري
كلت: معقوله عبير؟... لان فجأة تغيرت تغير غريب وصارت لطيفه وياي وجابتلي هديه بمناسبة زواجي
كالت: يمكن ليش لا روح شوف الساعه يمكن صدك بيها شي
رحت للمطبخ فتحت الساعة وصدك لكيت السحر........
شلون منتبهنه مكانه واضح كلش
كالت رهف: شفتت كتلك اكو سحر لان الديصير ويانه شي مو طبيعي
كلت: جنت متوقع من عبير تسوي هيج
انتقام لان تزوجت غيرها حسبي الله عليج عبير والله ياويلها مني بس اشوفها
