بعد مرور شهر لم يحدث الكثير فيه سوي ان نور وتبارك يذاكرون ويجتهدون لكي يحصلوا علي الدرجات العليا ويدخلوا الكليه التي يريدونها ونور لم يخلوا منامها من الحلم وادم أيضا واليوم هو اليوم الذي قبل الأخير في الامتحانات
تبارك بفرحه: نور انا مش مصدقه نفسي اخويا جاي زي انتي ماقولتي بالظبط
نور بفرحه لصديقه عمرها فنور وتبارك اصدقاء من الابتدائيه : بجد اخيرا هشوفك فرحانه انا مبسوطه ليكي جدااااااا
تبارك : اول ما نخلص هتيجي عندي علشان نحتفل وبالمره اعرفك علي اخويا بما انك مشوفتيهوش خالص ولا مره غير مره واحده وانتي كنتي لسه في حضانه
نور : اوك هاجي عندك بس لما اقول لبابا الاول انتي عارفه أنه مشدد عليا اني أخرج بره
تبارك : تمام هستناكي ولو باباكي موافقش قوليلي وانا هاجي واكلمه وهخليه يوافق
نور : تمام يلا سولام بقا علشان نلحق نذاكر لآخر ماده بكره بقا يااااه الواحد مش مصدق أنه خلاص خلص الثانويه العامه
تبارك : كانت سنه صعبه علي الكل واهي راحت وخلصنا منها ربنا يعدي الدرجات علي خير وإن شاء الله نجيب مجموع حلو وندخل الكليه الي بنحلم بيها يارب
نور : يارب يا تبارك يارب يلا بقا روحي ذاكري ونامي شويه علشان احنا منمناش من امبارح ناني شويه وقومي ذاكري واستعدي بقا علشان اخوكي الي هاييجي دا انا عارفاكي مش هتعرفي تنامي علشان هو جاي
تبارك : انتي بتقولي فيها انا فعلا مش عارفه هنام ازاي وهو جاي بكره يلا سلام بقا علشان الوقت 👋👋
نور بتعب من قله النوم : سلام ياقلبي 👋♥️
🦋🦋🦋🦋🦋🦋
في نيويورك
ادم في الشركه يعمل بجد فهو يحب العمل جدا فجأه الباب يفتح بهمجيه
ادم بانزعاج : اوف يابني في حاجه اسمها بابا بيتخبط عليه هتفضل كدا همجي طول عمرك مش هتتعلم
(كريم وهو صديق ادم منذ الصغر مرح جدااااااااا ويحب ادم وهو مخزن أسراره ليس لديه عائله والده وأمه توفو في حادث ووالد ادم أخذه رباه مع ادم فهو من سن ادم ذو بشره بيضاء قليلا ولديه عضلات و هو زات عيون عسليه )
كريم : يابني المفروض تكون اتعودت علي كدا اصل مين الي هيدخل عليك كدا غيري المهم سمعت انك نازل مصر الكلام دا حقيقي
ادم ببرود : اه حقيقي انا نازل مصر بكره علشان بابا اتصل عليا وقالي لازم انزل علشان اختي زعلانه وانت عارف مروان مسافر ليتعلم بره وهي مش معاها حد خالص تقعد معاه وكانت متعلقه بيا جدا وانا سافرت انا كمان وبعدين هي هتخلص ثانوي اهي فلازم انزل لان هي وبابا وحشوني جداا
كريم : اه والله عمي خالد واحشني جدااا انا نازل معاك بقا
ادم : تنزل فين يلا اومال مين هيمشي الشركه لحد مرجع فوق كدا ها
كريم : يا آدم احنا بقالنا اكتر من ١٣ سنه منزلناش مصر خالص ولا شوفت عمي وبصراحه بقا عمي خالد وحشني وعاوز اخد اجازه وإذا كان علي الشغل فأنت عارف ان جيسي تقدر تدير الشغل كويس واحنا هنتابع من هناك باللاب واكيد مش هنقعد كتير يعني
ادم بهدوء : اوك تمام اقنعتني
كريم بفرحه أنه اخيرا هياخد اجازه : يعيش ادم يعيش يعيش
ادم: كلمه كمان وهلغي كل حاجه ومفيش سفر
كريم بخوف : لا خلاص الطيب احسن يلا سلاموز بقا اروح احضر الشنط
ادم: غور في داهيه
كريم بسهوكه : واهون عليك يادومي
ادم بغضب وهو يمسك الدفتر الذي أمامه ويلقيه علي كريم : غور يا حيوان قولتلك ميت مره متقولش الاسم دا خاااالص
كريم بضحك وهو يجري : حاضر حاضر يلا سلام
🦋🦋🦋🦋🦋🦋
نور وهي داخله البيت : السلام عليكم ورحمه الله
والده نور : وعليكم السلام ورحمه الله ها عملتي ايه انهارده في الامتحان
نور بتعب : الحمدلله ياماما حليت كويس
والده نور : ربنا يوفقك يابنتي يارب
نور: يارب ياماما ادعيلي كتير قوي
والده نور : بدعيلك والله ياحبيبتي يلا بقا ادخلي نامي شويه وبعدين قومي ذاكري شويه وكلي
ماشي ياماماتي تصبحي على خير
والده نور : وأنتي من اهل الخير ياحبيبتي
🦋🦋🦋🦋🦋🦋
يتبع
أنت تقرأ
بين الحلم والقدر( مكتمله )بقلم نور
Romanceعندما تحلم بشخص لا تعلم عنه اي شيء ولا حتي ملامحه وفجأة يظهر هذا الشخص امامك ويتضح أنه يحلم بك أيضا ماذا ستفعلين وقتها هذه قصتنا عن فتاه اسمها نور والبطل ادم أتمني أن تنال إعجابكم
