بين الحلم والقدر( مكتمله )بقلم نور

الفصل العاشر

ادم لنور : نور تتجوزيني

نور بصدمه وتوتر وهي تنظر في اتجاه آخر : احم انا انا تاخرت لازم امشي

ادم وهو يمسك يدها : لا يا نور مش هسيبك تمشي من غير ماتردي المره دي

نور بارتباك : انا... قطع كلامها دخول تبارك فابتعد ادم عن نور وتركهم وهو يشتم تبارك فسمعت نور ما يقوله وابتسمت عليه وذهب وهو غاضب من تبارك ونور في نفس الوقت

تبارك وهي تنظر باستغراب اتجاه ادم وهو يخرج : ماله هو مش كان كويس دلوقت

نور بتوتر : وانا هعرف منين

تبارك بخبث : انتي تعرفي كل حاجه بس اسكت عليكي انتي

نور بارتباك وهي تنظر في جميع الاتجاهات هربا منها : وانا هعرف ليه هو حر انا همسي بقا ياتبارك علشان اخرت وبابا هيزعق

تبارك بهدوء : بس انا لسه مقعدتش معاكي

نور : مهو انتي لو مكنتيش آخرتي كنتي زمانك قاعده معايا بس مش مشكله مره تانيه بقا

تبارك : خلاص ماشي هنتفق ونخرج اهم حاجه تخرجي من الي كنتي فيه

نور وهي تقوم لكي تذهب : إن شاء الله وفجاه شعرت نور بالدوار وسندت فوق السرير فأسرعت إليها تبارك وهي تقول

تبارك : انتي هتروحي كدا ازاي استني هخلي ادم يوصلك

نور بتوتر في لا تريد أن تراه مره اخري لانه سوف يسألها مره اخري وسيجعلها تاكل غصب : لا لا ادم ايه انا هروح لوحدي هاخد تاكسي واول ما اوصل بابا هينزل ياخدني

تبارك : لا طبعا والله ما هتمشي لوحدك ابدا ادم هيوصلك استني بس و تركتها وذهبت الي ادم

.................

عند ادم

تدخل تبارك تجد ادم ينظر من الشباك وهو شارد ويضع يده في جيبه

تبارك من الخلف : اي الي واخد عقلك اوعي تكون بتحب يا واد يا آدم من ورايه

ادم وهو يلتفت لها : يا شيخه اتلهي وبعدين اي الي جابك سايبه نور لوحدها ليه وانتي عارفه انها تعبانه

تبارك بمكر : وانت خايف عليها كدا ليه

ادم وهو ينظر بعيد : وانا هخاف عليها ليه يعني

تبارك : ماشي هعمل نفسي مش واخده بالي المهم نور ماشيه وانا جايه علشان توصلها

ادم : وهي ماشيه ليه وهي تعبانه كدا

تبارك بمكر: لازم تروح اومال يعني هتبات هنا ولا ايه

ادم بارتباك : اقصد يعني كانت استنت شويه لما تتحسن وبعدين تبقي تمشي

تبارك بهدوء : مهو باباها هيزعق علشان هي مش قائله غير لمامتها المهم هتوصلها ولا اطلب لها اوبر