Part 17
ليث،،،بعد أسبوع اعلن الافتتاحيه لكل الإعلانات
حسويها بقاعه احتفاليه
تقريباً مثل المهرجان
الجامعه هاملها هلفتره
مركز ع تصوير اكثر شي
الشغل حلو كله
مرتاح بي
وكل الكادر متعاون
ماكو اي إشكال. بلموضوع
اله ما اكو خلافات بسيطه
بس عادي
تصير
احنه مركزنا مثل الشركة
بس طابقين فقط
يعني نريد نوسعه اكثر
بعد منسوي افتتاحيه الإعلان
نطور منه
تاج،،،،مشتاق لأمير
صار هواي ممحاجي
ماعرف مستحي منه وخجلان ومتردد
واكف ع شباك الصيدليه وأفكر
رحمة،،،،هلاوووو
تاج،،،درت راسي وابتسمت
هلاووو
ها شجابج
رحمة،،،رجليه جابتني
تاج،،،اممم اخبار أمور
رحمة،،،كونك شريكي بلعمل راح آخذ راحتي واكعد تره
تاج،،،ههه ولو أخذي راحتج
رحمة،،،شبيك أحسك مو ع بعضك
تاج،،،لا مابيه شي
اله واحد يضل مهموم وشايل هم
رحمة،،،اممم تكدر تحجيلي لو متحب
تاج،،،،هيج لتشيلين هم
مجرد خلاف بسيط
رحمة،،،علمود امير ضايج؟
تاج،،،شمدريج
رحمة،،،مو جنت موجودة وياك من صارت المشكلة
تاج،،،ي صحيح
رحمة،،،وهسا بشو دتفكر تسوي
تاج،،،جريت حسرة وكلت
ماعرف رحمة اني دايخ من نفسي
بس لو ابطل تهوري وتسرعي وعصبيتي هاي
امير مو اي احد
امير اخوي الي ماولدته أمي
امير لو هموم الدنيا كلها بي الكا اول الناس بضهري
ماعرف حايرررر
رحمة،،،روح صالحة هسا
من يكبر الموضوع ويطول تخسرون بعض ويكوم يتعود ع غيابك
ومبهمة بعد إذا خسرك أو لا
إذا اعتذرت أو لا
مايهمه وجودك بحياته بعد
تاج،،،،مسحت ع وجهي وكلت
مادري رحمة
ماعرف باي وجه احجي ويا
خجلان
ومتنرفز من نفسي
وكاره روحي
رحمة،،،لتحجي هيج ماكو شي وما اله حل
هونها تهون
صعبها تصعب
تاج،،،الله كريم
رحمة ،،،نعرف الله كريم بعد عيني عينه
بس استعجل بلموضوع
من تبرد المشاعر وتطول السالفه
تقل قيمة الاعتذار ويصير ماله داعي
روح دام السالفه بعدها حاره
احسن مما تبرد
تاج،،،،اليوم بليل امرله ان شاءالله
رحمة،،،ان شاءالله
يلا اني أترخص
تاج،،،وين ضلي
رحمة،،،،لا والله عندي شغل أريد ارتاح شوي واروح اكمل شغلي ما مليت مني مكابلتك كل النهار ومتناكرين
أنت تقرأ
تاج الملكــــــة..."
General Fictionقصة تتحدث عن شاب طموح يدعى بسيد الرجال ،مودل ووسيم يلتقي صدفه بفتاة في مركز تصوير أثناء الحلقه وتبدا رحلتهم بالصدفه . تابعوا معي . الكاتبه#ماري#دراج
