تاج الملكــــــة..."

Part 22

Part 22

رحمة،،،اباوع ع هاي العارضة وعلى مياعتها وعلى جسمها وحركاتها عززة ولبسها اوڤرررررر
تبادلنة النظرات اني وتاج بنفس الوقت بصدمة

ضربت تاج بيدي ع خفيف وصكيت ع اسناني وگلت
تاج هاشنو حتصور وياها؟

تاج،،،باوعلي بنظرة خيبة امل ،انتي شتگولين

رحمة،،،تاج اني صراحة اخاف عليك ابتعد عنها ولتصور وياها وخلي نجيب غير عارض يعني غيرك

تاج،،،باوعتلها بابتسامة خبيثة وگلت
لا اشو الة اني
وگلت بگلبي
لشوف شسوي هاي ام عيون اريد منها شي يبينلي ع قليل انو اكو مشاعر هيه مثل الصخر ماكو بلكت تتحرك مشاعرها غيرتها شوي

رحمة،،،بلش التصوير واني كل شوي اعرگ من التوتر اخاف تلزمة او تسويلة شي واصور بدون تركيز

ليث،،،،رحمة خما اكو مشكلة ؟احسچ مو ع بعضج اذا تعبانه نگدر ناخذ ريست

رحمة،،،لا استاذ ليث عادي مبيه شي

تاج،،،العارضة كلش خفيفه الله يسلمها تتصرف بحركات مرتاحيتلها وفجأ اشوف رحمة گبالي توخر بلعارضة

رحمة،،،، گمت اموت هسا يغمى عليه من مياعتها
متحملت ورحت عليهم

ااا عيني شوي نريد ابتعاد
لان العرض للستايل مو الكم
وخرتها ع صفحة وتاج رحت گرصته ع خفيف وگتله بهمس وخزرتة
توخر منا لا اموتك ماتشوفها شلون مايعه

تاج،،،متت من الضحك ع تصرفاتها كاتم الضحكة گوة واحچي لا وضح كلشي خلاص اعدل بملابسي واحچي بنرفزة
ا ست رحمة ماكو مشكلة عادي تحملي هيه ربع ساعه ونكمل مبقة شي ليش هلتوتر وغمزتلها

رحمة،،،ابتسمت ابتسامة مليانة حقد وگلت هههه تمام گلت بگلبي
يلا بس خلصوني لو باقيه ع روان احسلي

تاج،،،،كل شوي رحمة ع اساس تريد تعدل حركاتنا واني كاتم ضحكتي وكل شوي مطلعه سالفه حته تجي تباعد بيناتنا وهاي العارضة كرهتها ورحمة تصور شوي وتجي تعدل وتبعد بيناتنا
واخيراً كملنة تصوير وكل شخص راح لمكانة رحت ابدل واشوف هاي العارضة اجت يمي

العارضة،،،،جسمك كلش مرتب وحلو ممكن تنطيني طريقة نظامك او اكلاتك او تعلمني ع نظامك

تاج،،،شكراً الچ اا،،،اريد اكمل حچي اجت رحمة وگالت

رحمة،،،واگفة اعدل منظومة التصوير واشوف هاي المصخومة تركض ورا تاج وتسوي حركات مو طبيعيه
عفت البيدي ورحت
واسمعها تحچي ع جسم وذني السوالف
رد تاج يريد يكمل وحچيت

حبيبتي الانترنت ميخلي شي اعتقد وعادي تاج حاله حال اي شخص ومبين محلو ترة يحتاجله هواي اشياء ف ميفيدچ بشي يلا توكلي وابتسمت بخبث

تاج،،،انصدمت من كلامها وضليت بس اضحك هاي تريد تروح دارت ضهرها ورجعت گالت

العارضة،،،،اهااههه الظاهر هاي حبيبتك