تاج الملكــــــة..."

Part 36

Part 36

رجعت للبيت ورجعت صفا لبيتهم صافن بلجو صحيت على صوت شفايفها وهيه تطبع بوسه على خدي وتبتسم وتروح ضليت صافن عليها ومتنرفز ،،،

استفزتني بتصرفها ،،،
حركت السيارة وكل الطريق امسح بخدي عبالك ذبت عليه تيزاب،،،

ماعرف شلون تكدر  تتحملني وتعيش وياي واني مرايدها ولا متقبلها،،،،

وصورة دعاء مانحمت من بالي،،،
صعب من لابيك ترجع خطوة ولا بيك تتقدم وتبقى بلمنتصف المميت،،
هاهيه قررت اعيش حياتي واتركلها حياتها ،،،

مراح تفيد الغيره ولا الحب ولا ممكن ايشي يرجعها بعد ،،،
وطريقي وقسمتي صفا وخلاص لازم اقتنع واحط هلفكرة ببالي وارسخها بعقلي،،،

ومرات احاول اريح ضميري واكول هيه من الاساس محاولت علمودي ولا حاولت حته تسئل وتكول ليش واشوف منها جانب يعاتبني ،،،

ماكو اي وجه مقارنه بينها وبين صفا ،،،من ناحيه حبي ومن ناحية حبهن ،،،
ماعرف ليش دائماً نحب الي ميهتمبينه ونترك الي ميت علينه،،،
معقوله هاي فطرة بالانسان لو غير شي ،،،

بوجود النصيب اقتنعت ماكو اي حب بهلدنيا ،،،
ورفعت الجلسه ،،،

تاج،،،،رحمة تمشي بوريدي اكثر من دمي ،،،
اخاف من خسارتها ،،،
واخاف من اختفائها ،،،

احب حنيتها ،،،
ولطافتها،،،
ورغم صغر سنها بس مبدعه بكلشي وطموحة،،،
تعجبني شخصيتها ،،،
كلشي بيها احبه ،،
طلعت جكارة ادخن واتذكر كل لحظة عشناها سوة والابتسامة ترتسم بملامحي،،،

زفرت نفسي وحجيت بهدوء،،،
ربي اجعلها نصيبي ولا تحرمني منها ولا تشوفني بيها مكروه،،،

رجعت رجيت راسي على الميز وفززرني صوت بنت اخوي وكعدت الاعبها واضحك وياها
ركضت وراها والتطمت رجلي بدرج وتزحلكت ووكعت وصار بيها رضوض ومطلعت للمركز اليوم  اخذت اجازة من المدير
كل   ما اريد اتصل على رحمة اكول لا هسا يضل بالها  واكيد هسا تستغرب لان مرحت عليها اكلني التفكير ونمت دون ماحس
،،،

رحمة،،،،قربت تنتهي العطله وحبلش بلسادس ،،،
هلسنه يمكن من احلى السنين الي مرن بحياتي،،،،

كلش هواي صار بيها اشياء وتغيرات بحياتي،،
واكو منهن الايجابيه ومنهن السلبيه اكيد،،
بس مهما يكون ابقه احب هلسنه لان جمعتني بحب حياتي وعرفتني عليه ،،،

بقالي بس شهر ويمكن اترك المركز او يمكن يخصصولي وقت حسب دوامي ،،
بس هلشكل حيصير ضغط عليه كلش جبير،،،
اووووف ماعرف ياربي،،،

استغربت تاج ما اجة طلعت اتمشا للمركز لان مشتاكة امشي ،،،
ضليت افكر شلون اربط بين دوامي وشغلي لان كلش متعلقه بي ماكدر اتركة ،،،
ومعتمده على نفسي ومصرفي بيدي،،،،