Part 33
امير،،،
اتصلت على روان حته اروح اخذها ولكيتها جاهزة وطالعة تطك بلكاع،،،
اول مشفتها صوفرت بضحك
وهيه خجلت وابتسمت ،،
صعدت بلسيارة وهيه لابسه فستان اسود وبي شذرات كرستال على كتفها ومخصر وبي نفشة بسيطة من جوة ،،
وشعرها مسويته كعكة ع كولتها ،،،
بوست ايدها ومشينه اني هم لابس اسود مطقمين بدون مندري،،،
وصلنه للمطعم ونزلت فتحتلها الباب وباوعتلي بنضرات غريبة وابتسمت ،،،
شبكت ايدها ومشينة فتحت باب المطعم واشتغلت الاضوية وتفاجئت من هدوء المطعم مبي بس مقعدين وميز وورد تمشي عليه وكله من تجهيزات وترتيبات قبل يوم،،،
هيه تباوعلي مصدومة واني ابتسمت وتقربت عليها وبستها من راسها ،،،
اكو سماعه جبيرة على جانب المطعم اشتغل بيها العداد التنازلي من عشرة لل واحد ،،،
واني اعد واصوات جماعتنا ورة المطعم ،،،
جهزت الخاتم وكالو واحددددددددددددد بصوت واحد واني انحنيت على ركبتي وكتلها كل عام وانتي بخيرر،،،
وقدمتلها الخاتم واجو تاج ورحمة وجماعتنا كلهم وشايلين صعادات الشمس ويصيحون كل عاااام وانتيييي بخيررررررر،،،
واني قررت بعيد ميلادها اخطبها
حته تصير الحفله بمرتين ،،،
اجو اهل روان يعني خالتها وزوجها ،،،
وجنت متفق وياهم وهيه متدري،،،
حطت ايدها تبجي واني اكوللها تتزوجيني،،،،
لزمت ايدي وكومتني وحضنتني وهزت راسها وكلها تصفك والبنات يهلهلن ،،،
شلتها وفريتها وهيه مستمرة تبجي وحاطة ايدها على حلكها،،،،
لفت راسها وشافت اهلها وراحت احتضنتهم وخالتها تبجي وتبوس بيها ،،
صاحني زوج خالتها وحضني واني بادلتهم نفس الشي ،،،
التفتت عليهم روان مصدومة وكالت،،،
هاشلووون خططتووو من وراي ،،،
اخذتها وكتلها بضحك عوفي هسا وتعالي كصينا الكيك وطفت الشمع ،،،
لبستها الخاتم وحضنتها وكتلها بعد يومين حفله خطوبتنا وعقدنا ان شاء الله ،،،
اجوي جماعتنا باركولنا،،،
ماعزمت احد غير المقربين واهلها ،،،
وخوات رحمة ،،،
ليث عزمته بس كال عود بلمشية ان شاء الله اجيك وماقصر،،،،
نريد ناخذ صور ورحمة مخبوصة ويانة نفتح الباب ونشوف شخص خلا الرعب بكلوبنا كلنه ومصدومين من جيتة ،،،
رحمة،،،طلعنا اليوم من المركز من وكت لان مخططين لعيد ميلاد روان وكل زملائنا بلشركة حضرو حته المدير ومرتة ،،،
رحت للبيت ولكيت البنات يتحضرن سرى ودعاء،،،
نور رجعت لاربيل هيه وزوجها وبنتها،،،
رحت سبحت ع سريع وبديت اتحضر ومطلعات اغاني ونركص وفرحانات ،،،
أنت تقرأ
تاج الملكــــــة..."
General Fictionقصة تتحدث عن شاب طموح يدعى بسيد الرجال ،مودل ووسيم يلتقي صدفه بفتاة في مركز تصوير أثناء الحلقه وتبدا رحلتهم بالصدفه . تابعوا معي . الكاتبه#ماري#دراج
