تاج الملكــــــة..."

Part 35

Part 35

(بشعور روان) ،،

؛ بعنوان ،،حياةً جديدة،،،
اشرقت شمسي اليوم،،،،
وهي كادت ان تكون على حافه الانهيار،،،
اناظر الى العالم بطريق مختلف،،،
وبكل طريقً اجدك السلام الي ينجيني من عثرات هذا الطريق مهما كان صعباً ،،،

هذه الليلة جديرة بلذكر والامتنان الى كل من كان معي وبقي مستمراً،،

والى كل من غير نفسه لاحلي،،،

والى كل من ساهم ليكون جزءاً من سعادتي،،،

والى نفسي التي كانت دوماً متعبه واجتهدت بان تكون سعيدة وبوجه قوي كل يوم الى ان حققت سعادتها ،،،،،،،

واكفة على شباك  غرفتي واشوف الناس الي تركض وتجهز ليوم خطبتي ،
وامير فرحته تعادل الدنيا باكملها ،،،
واهلي راضين ومرتاحين،،،

امي وابوي اجو حته يشاركوني هليوم  ويروحون وقيس متواجد اكيد ومراح يروح  حيبقى يمي  لمن اتزوج يروح،،،

خوات رحمة الي هنه كفن ووفن ومخلني احتاج شي ونعم الصديقات ،،،

احب حياتي من يوم الي امير نورها،،،
اختارو شخص يكون صحي الكم،،
اختاروا شخص يكون عوض الكم عن كل التعب الي شفتوا بحياتكم،،
اختاروا مثل امير،،

اجت الكوافيرة تساعدني بتجهيزات واني بديت اتجهز بعد مسبحت وشيورت شعري ،،،

مرت ساعتين واني غاطة ويه الكوافيرة ورحمة والبنات يتجهزن ،،،

كملت وشفت نفسي غير عن كل مناسبه،،
عن عن كل تغير صار بحياتي،،
ماعرف الي محليني هليوم لو تغير الميكب ،،،
اتصلت على امير لكيته جاهز واسمع صوت تاج والشباب يهوسوله وهو يضحك،،،

الخطوبه صارت ببيتنا يعني العقد والحفلة نطلع للقاعه شباب وبنات ،،،
امير عزم اصدقائة واني عزمت صديقاتي ،،،
واهل امير قبل بيوم اجو شافوني وكعدو ويه اهلي وتفاهمو ماشاء الله عليهم كلش حبابين ،،،

البنات لوحد والشباب بصالة الضيافة كالو اجة الشيخ ليعقدلكم اخذتني رحمة وامي مو امي الحقيقية اقصد خالتي ،،،

ورحت ورة الباب لزمت ايد رحمة ورجفه ايدي ورجف حسي بهللحضه بكد ماهيه حلوة هيه تخوف،،،
خلاص اني اختاريت شريك حياتي الي حبقى ويا العمر كله،،،

هاي اللحضه تكلف هواي ف احسنوا اختياركم ،،،

نطيت موافقتي والبيت عم بلهلاهل ،،،
وامير انطة موافقته والبيت عم بلهلاهل،،،

رحت كعدت وبعد مطلع الشيخ اجتمعوا اصدقاء امير وصديقاتي وبعض من كرايب امير واهله واني معندي بس خالتي  وزوج خالتي وقيس  والي يتسمون امي وابوي ،،،

اخذتني رحمة لسوي الكهوة ع عادات التركية ،،
كمت وامير اجة كعد والبيت عم بلهوسات وبقية اصدقائنا  والمعازيم ينتظرونة بلقاعه،،،