Part 8
رفعت راسي أشوف تاج واكف ومصدوم حسيت دمي نشف
تاج،،،كعدت الصبح سبحت وبدلت وطلعت كلت امر على امير
أشوفه شسوة بالإعلان
وصلت واشوف من بعيد روان تبجي وتصيح عليه
وامير مدنك وبدون أي صوت تقربت أريد افهم شنو الموضوع
وامير صاحني وروان سكتت وندارت
امير،،،تاج؟
روان،،،منفعله بلحجي وكاعده أبجي واصيح فجاة امير يصيح تاج نداريت وراي واشوفه كبالي تصنمت بدون أي حركة
اساله ببالي هووواي تدور
دخت ردت اخرب فجاه لزمني امير نداريت عليه خفت لا يحجي شي لتاج أموت والله
تاج،،،بصدمة ،
شكو شصاااير ؟؟
روان،،،بعد مابيه حيل احجي شي وخفت لا امير يحجي شي وتنهدم الدنيا فوك راسي
امير،،،باوعت ع وجه روان لونها تخطف صار اصفر وختنكت حسيت بيها داخت لزمت أيدها حيل
ماكو شي حبيبي بس صارت خربطه بالشغل وضاحت ست روان وكامت تصيح
تاج،،، معقوله؟
امير،،،أي والعمل راد يخرب وتعبنا يروح وتلاحكنا تدري انته بعد خاصه من تحس تعبك يروح شلون تنهار (حجيت هيج وباوعت على روان )
تاج،،،،يلا مصار شي سهله
وكفتو كلبي عبالي اكو شي
روان،،،من امير حجة هيج صدمني صدمة عمري ونزلت دموعي بدون ماحس
معقوله اكو هيج بشر نقي
معقوله بعد اكو هيج ناس زينه
باوعتله وعيوني تتشكرة
ماعرف شلون أجازي والله
لو الدنيا كلها امير جان صارت بخير
امير،،،،لا تشغل بالك حبيبي حنحل الموضوع انته لا تهتم
تاج،،،رحت على روان حضنتها وطبطبت ع ضهرها
لاتخافين يعمري انتي ميروح تعبنا ان شالله والله خوفتيني عبالي اكو شي شو باوعي عليه
مسحت دموعها بيدي
هسااا ماعرف ع شنووو هلتحسسس الزايد كافي بنتي ماريد أشوف هلوجه تعبان لتخلين بالي يمج تمام
روان،،،،واكفه يم امير واباوعله ماحس غير تاج يجي يحضني
ضعت تهت نهاريت متتت شعوري ماوصفه الكم بكلام
حضنته قوي وبجيت واتمنى الي بيصير مو حلم واكعد منه لسه ممصدكة تاج مسمع شي
ولسة ممصدكة امير محجة شي
ياررب
وخر مني وباوع بعيوني ومسح دموعي لزمت ايدة الي دتمسح دموعي وهزيت راسي وكتله
ليضل بالك بخير اني دام انته موجود
امير،،،نار شتعلت بصدري
لان أشوف طرف يتعذب وطرف مديحس
تاج ميحبها ويشوفها اخته
وهاي الثانيه مدتتقبل هذا الشي ومصره تعيش بوهم
لزمت راسي ووكفت ع صفحة كملو كلامهم
وتاج صاحين إذا أريد شي هزيتله براسي بمعنى لا
راح تاج وروان أجت لزمت إيدي سحبتها بسرعه ودرت وجهي
روان،،،،امير مشكور
ومتعرف شكد متندمة ع كل لحظة مقدرتك بيها
واتشكرك مرة ثالثه انته أنقى بشر ممكن أشوفه بحياتي
واطلب الي تريدة مني وماقصر وياك ايشي تحتاجة اني موجودة
والله يرضى عنك
أنت تقرأ
تاج الملكــــــة..."
General Fictionقصة تتحدث عن شاب طموح يدعى بسيد الرجال ،مودل ووسيم يلتقي صدفه بفتاة في مركز تصوير أثناء الحلقه وتبدا رحلتهم بالصدفه . تابعوا معي . الكاتبه#ماري#دراج
