#لا الحزن دايم ... ولا الفرح دايم ..

حتما وإن طال الظلام سيأتى الفجر.. ❤

على كل من طال عليه امر أو فرحة أن يصبر، فما اخر الله الفرج إلا لعظيم الاجر.. و حتما ان طال الظلام تذكر دوما إن بعد كل ظلمة اسوان حالك سيأتى نور فجر لا مثيل له فقط اصبر وتوكل وكل شئ سيصبح على ما يرام... ثق أنك يوما ما ستكون القائد الحالم المحقق لما احببت واردت ..

جلست الام بتحكي لوالد نور على ما حدث اليوم حيث قد حل عصر احد الايام القارصه فى شتاء مطير

الام : ما تعرفش انت اه الى حصل النهارده دا انا خلاص هطق من جنابى..

الاب : فيه اه بس صلى على النبى...

الام بغضب بدأ فى الظهور على ملامحها : بنتك رانيا المنيله جات الصبح وبتقولى انها شاكه انها حامل...

الاب بفرحه : تب ما الحمد لله انت زعلانه ليه..

الام بغضب : لا ما هو انا مازعلتش من كدا بنتك المنيله عايزه تسقط الى فى بطنها لو طلعت حامل..

الاب بغضب واضح على ملامحه وصوته :
اما بنتك دى تربيه وسخه.... عايزه تموت روح هى عايزه تدخل النار ولا اه... بس لما تجيلى ...

وبينما الاب والام بتحاكيا معا إذا بنور تدخل عليهم..

نور : السلام عليكم...

الام وقد تذكرت ما حدث معها صباحا بخصوص العريس تتحدث بفرحه :
اهلا يا حبيبتى ادخلى غيرى هدومك وتعال علشان عايزاك فى حاجه..

نور بلهفة : اه يا ماما فيه اه شوقتينى اه اللى حصل..

الام بضحك : ادخلى يا لمضه غيرى هدومك وتعال... الاول.

نور بحزن مصطنع: يوه اما انت يا ماما بتحبى تشوقيني انت اوى.... انا داخله اغير واجى فى دقيقه.

لم تكن الام قد روت ما حدث معها بخصوص نور مع والدها بعد لذا سأل الاب :
فيه اه يا زينب... هتقوليلها اه..

الام : هحكيلك دلوقتى استنى شويه على ما نور تيجى علشان تحكو مره واحده مش كل شويه احكى... استنى علشان احكى مره واحده...

الاب بضحك : اما انت على رأى بنتك بتحبى تخيلنا نتشوق اوى..

نور وقد اقبلت على والديها مبتسمه فى شئ من العجله فى مشيتها...

نور بلهفة.. : ماما... ماما احكيلى بقى انا جيت اه اه الى حصل..

الام بابتسامة : جايلك عريس....

نور فى توتر : مين...

الاب : مين دا ومين الى جايب العريس ده..

الام : الصبح هى واحده صحبتى جات وحكيتلى وقالت ان هى الى قالت للناس دول عليكى وبتقول انه ابن واحد اسمه محمد كشك عارفه يا حج ولا لا...

لم تتحدث نور والتزمت الصمت قليلا وأخدت تفكر...
وقد لاحظ الاب شرودها...

الاب : اه يا نور انت روحتى فان... انت عارفه العريس...