#لا الحزن دايم ... ولا الفرح دايم ..

سمعه... 💔

مرت الايام وقمر على تلك الحالة التى عليها تدعو ربها تصلى وتذاكر وهكذا الايام مرت كما عادتها كروتين ثابت لا يتغير، حتى جاء ذلك اليوم الذى بدأ فيه تغير هذا الروتين.....

بينما كانت رانيا أخت قمر تزورهم فى البيت فإذا بأختها
رانيا تقول : اه يا قمر المذاكره عمله اه....آه الأخبار . .؟

قمر : الحمد لله.. . هيكون أخبار اه يعنى ما زى العاده أدينا بذاكر وسيبه الباقى على ربنا..

رانيا : إن شاء االله ربنا يوفقك وتدخل الكليه الى كلنا نفسنا فيها...

قمر : إن شاء الله.. ادعولى انتم بس..

الام : والله يا بنتى أنا ما ببطلش دعا ربنا يجعله من حدك ومن نصيبك.

قمر :يا رب يا أمى.. يا رب.

نور بإبتسامه : تفائلوا خير هتلقوه يا بت... اقبلى على الحياه انت بس 😆

قمر : هو فيه إقبال أكتر من كدا..... هروح فين بعد كدا.

الاب : ما احسن من واحد ما عندوش من الاحمر ولا نقطه ومش بيفتح كتاب حتى..

رائد ضاحكا على كلام الاب:
يا عم بص أنا معتمد عليك السنه دى.... مش هتظبط لنا اللجان ولا اه..

الاب بنرة سخريه؛:
دا عند أم ترتر هناك... دا أنا ما عملتهاش فى حد من إخواتك وروحتله لجنة الامتحان دى

الام بنرة غضب:
هو انت ما تزاكرش ليه يا فالح... ولا انت وراك شغل أهم...

قمر : لا دا هو وراه البنات اللبس بس ما فيش حاجه فى حياته غير كدا...

رائد بغضب : بنت أنت ما تتكلميش علشان ما زعلكيش..

الاب وقد ظهر على ملامحه الضيق مما يحدث صرخ فى رائد : قوم اضربها بالشبشب يلا.... اقوم إجبهولك.

رانيا بضحك : لا يابا هى البت قمر دى هى الى مستفزه...

نور : هى غلطت فى حاجه ما هى دى الحقيقه...

غضب رائد وخرج من البيت غاضبا بينما الجميع مازالوا يتحدثون معا..... وجاءت سيرة بنت عم قمر (سميره)(( فلقد كان حظها أن تتزوج ورانيا من شقيقين ويعيشان معا فى بيت العيله لم تكن تلك العيله مقتصرة على سميرة وزوجها ، ورانيا وزوجها فقط، بل كان هناك ثلاثة آخرون كل بزوجته وأولاده ولقد كان كل منهم لا يحب الاخر ولا يتمنى له الخير حتى، فلقد كانت رانيا دائما ما تحكى لها ولامها النور ما يحدث معها وما توجهه فى تلك الدار اللعينه.... ))

فإذا برانيا تقول : ما تعرفوش أنتم اه الى حصل... دا أنا هطق من هدومى...

الام : فيه اه يا بت مش عارفين اه... احكى يا أم وش حلو احكى

رانيا : مش ساميه رجعت لعادتها القديمة وفضحانا.... واقسم بالله مش بعرف أرفع راسى فى وش حد من سلايفى بسببها..