.
.
بتهيالي ده اول حلم انا بحلم بيه ويتحققلي
واحد زيي تركيبة عجيبة بين عند وعصبية وطيبة
كان صعب انه يلاقي حبيبة وتكون فهماه
حب تقابله وتكون فعلا حب تقابله
ومامنه ولو لافف حبله وايده مسكاه
عارف العين اللي تطيب بال ساعة حيرة
عارف ابن الشعب اللي بيلقي بقيه في اميرة
عارف المركبة لما تعدي علي تايه عايش في جزيرة
اهو ده بالظبط
زي ما تبقي الايام كرهاني وحبيتني
زي ما تبقي الدنيا مخصماني وصالحتني
انا اخر واحد كان مهتم يحب جديد
مصدوم من الحب والمواعيد
ومصدق انه سراب في سراب
كنت بشوف الحب مجرد احساس نصاب
بيضيع احلي ما في الدنيا ويفضل منه شغل واصحاب
عارفة بعد ما شوفتك صدقت وحسيت بالوقت
اتجمعت في انسان بعد ما كنت اتفرقت
عارفة دورت عليكي في كل مكان
في القهوة اللي انا بشربها الصبح
في القعدة قصاد التليفزيون
في العزلة في اوضتي مع التليفون
وفي احلامي
فتشت عليكي في عصبيتي ودمي الحامي
في الكدب اللي بيتقال عني
في الجملة اللي معلقة عندي لايام مغني
فتشت عليكي وكان ظني انك موجودة وهلقاكي
ولما قابلتك انتي مكنتيش ماشية لوحدك كنت معاكي
شوفتيني قاعد وياكي جنبك في مكان في البلكونة
راجع وياكي في اخر الليل في طريق البيت ميت من الضحك وبحكيلك افيه متحاش
جيتي محملة بكرة بناسه فالقطر اللي استنيته مجاش
الشعر لئيم وعيوبه كتير
اكبرهم لما تعوز توصف حاجة ويتوه القول ازاي يعرف شاعر يوصف ريحة برفان
ازاي يوصف بوح او كتمان
ازاي يشرح تاثير ذوبان قطعة سكر في الشاي
انما هحاول
برفانك مجموعة احسايس بسلام وهدوء بيمر في موكب شايلة نسيم وبيجي عليا
كتمانك شوك انما بوحك بيخلي الورد اذا بلاستيك يقلب حي
تاثيرك تبديل اتجاهات من ماضي حزين لجمال الجاي
وانا بشهدلك انك مش زيي
واتعجب من المية وكام سنتي الطفرة ازاي عرفوا يحلوا الشفرة
ويقوموا بدور صف دكاترة فشلوا فشغلوا
تلفتي نظر الشاب المشغول للدرجة اللي بتمحي مشاغله
ويولي مشاعره اتجاه قلبك ويكف صياح
يا الايد اللي في تعبه اذا مرت بيكون مرتاح
يا عيون يا ايدين يا فضاء يا جناح
يا الخير اللي انا عملتله في مره ولاقيته متساقلي
بتهيالي ده اول حلم انا بحلم بيه ويتحققلي
