مشتاقلك وإذا فاكره اني البعد بيفرق بتهيألك في فعيني مكان شبه اللمعه اتحجر بعد مكان دمعه
لا انا عارف اقوله ولا ابوح للناس ولا عارف اخبيه جوايا
لسه في عيني اجمل واحده
لسه في قلبي اول واحده واخر واحده
لسه في بعدك وانا بين الناس حاسس وحده
اصحابي لاموني عشان حبيت واني اتعلقت
بيقولوا جراح بعدك هتطيب ومسافة وقت
عارفة المشكله ايه في غيابك أن انا حابك اكتر دلوقت
بمشي علي ازاز وجعك حافي وبقول للناس انوا تعافي
مشتاقلك وإذا فاكره اني البعد بيفرق بتهيألك في فعيني مكان شبه اللمعه اتحجر بعد مكان دمعه
لا انا عارف اقوله ولا ابوح للناس ولا عارف اخبيه جوايا
لسه في عيني اجمل واحده
لسه في قلبي اول واحده واخر واحده
لسه في بعدك وانا بين الناس حاسس وحده
اصحابي لاموني عشان حبيت واني اتعلقت
بيقولوا جراح بعدك هتطيب ومسافة وقت
عارفة المشكله ايه في غيابك أن انا حابك اكتر دلوقت
بمشي علي ازاز وجعك حافي وبقول للناس انوا تعافي
وإني بmove on
حاضن سمعتي وتلفوني وصوت مزكتك ومصاحب نوته وكوبايه وشويه بُن
انا بكدب كل اما بقول اني كويس وسليم يومي مجرد يوم متكرر وسط الايام
وكلامي عن الجاي من غيرك ده كلام ف كلام إنما عمري ما حسيت بسلام وبراحه بال غير وانا علي ايدك
وعرفت سكون وانا وياكِ ميعوضهوش ف الدنيا بيوت
اديني اشاره انك سامعه وانا هفضل باقي ع وعودي
اديني اماره انك راجعه وانا هستناكِ لحد م اموت…
الشوق لا بايدي ولا بايدك ولا دخل الناس
والحب اراده رب الحب اللي جمعنا وسط الأحداث
لا في حد بيختار الميله ولا حجم الشيله ولا الاحساس
والعقل ف أي علاقه مجرد مشرف عام !
يكتب تقارير عن فشل القلب وعن أمل الناس ف الآيام
القلب الآمر والناهي والحاكم ف الشوق وف لياليه
وانا قلبي اللي دفعني لحُبِك
دَفعة سبّاح هاوي في موجه
إداكي كاريزما وحسن حضور
وإداني لجوء ليكي وحوجة
وصلابتي وجَلَدي وطول صبري
مضغاهم بجمالك نوجة
و انا مش شاعر وسط الهوجة
و لا جايلي يومين و امشي لحالي
انا شاعر له وزنه و هيبة
و كلامه بيطلع في الغالي
فإذا قولت كلام، يبقى انا قاصده
و اذا قولت ملام، يبقى انا بعنيه
هنا مش درويش رغم قصايده
هنا في انسان و انتي وحشتيه
انا مُشتاقلِك
شوق السارح لرجوع باله
شوق متغرب وحشه عياله
فاقد شغفى ودفا انفاسى
فاقد رغبتى فى البوح حتى
حاسس انى فقدت حواسى بعد غياب الحاسه السادسه
وعشان انساكى عملت جهود كل المفروض لاجل انساكى
والشئ اللى قدرت اوصله ان انا بتعافى وانا معاكى
ودا مش ذنبي
سبحانه ، اللي في سكتي جابك واداکي قبول خلاكي النجم
في ايامي وخلاني اطول
واذا عايزه الشعر يلين ليكي وعايزني اقول اسمعي قولي بيقول الشاعر يا حبيبتي
مش لاقي بنات بعدك .. غيرك
ولا ليا بلاد شبهك .. تاني
بالفعل الخارج من قلبي .. يالكلمة الصادقة على لساني
كل ما تبعدي بيزيد قربك
وشاريكي في عز ما سيبااااني
قولي اتحرك وانا اطير عنډك
قولي استني وهبقي مکاني
طيبي خاطري بكونك جمبي …
كملي ناقصي وشدي عيدااني
الحزن في حضنك يرضيني
والفرحه في بعدك وحشاني
والشعر اللي انا كاتبه بحاله ( لولا ما جيتي .لولا ما جاااني)
لو كان عاجبك شعري يبقي يا بخته
ولو مش عاجبك …هكتب تاااااني
انا مشتاقلك وإذا فاكره
إن انا لحظه نسيتك متهيألك
لسه في عيني والخ والخ…
عندي استعداد افضل احايلك
انشاءالله أسرق سطرين من الجخ
بس تعودي
وبعدها عادي
مهما تجيني صعاب محلوله
مدي ايديكي وخدي ايدي عشان
اخرج من الدايره المقفوله
انا مشتاقلك
واذا فاكره أن لحظه نسيتك
متهيألك…
لسه في عيني اجمل واحده
لسه في قلبي اول واحده
وآخر واحده
لسه في بعدك وانا بين الناس
حاسس وحده
انا مشتاقلك…
انا مشتاقلك
خدت وقت كبير علشان اكتبها
