.
.
في الليل والناس نيام
والكل في حالة سارح .
مر عليا الكلام مسنون
وحزين وجارح .
الست ساعتها غنت
في الراديو لسه فأكر .
والنحلة النائمة طنت
لما صحيوا العساكر .
وعساكري ليل دماغي
في خناق هيجيبوا داغي .
والشوق عمال يلاغي
والقلب ضعيف ولكن .
في الليل والناس نيام
والكل في حالة سارح .
عد عليا الكلام
مسنون وحزين وجارح .
الست ساعتها غنت
في الراديو لسه فأكر .
والنحلة النائمة طنت
لما صحيوا العساكر .
وعساكري ليل دماغي
في خناق هيجيبوا داغي .
والليل عمال يلاغي
والقلب ضعيف ولكن .
أكتب عن وصف ألمي
ولا عن بعد ناسي .
ولا عن حب خدني
وشاغلني وهو ناسي .
الصبح منامه فارقه
خلاه هجر السرائر .
والقلب هيامه سارقه
والعقل نشيط وفايق .
إنا لما كتبت شعري
ووصفت الوحشة ليكي .
رخصت بنفسي سعري
املأ شعري يراضيكي .
ولقيت ولا شعري نافع
ولا قلبي البيت أويكي .
عمال ادفع وأدافع عن
حقي الشخصي فيكي .
مش عارف أقول كرهتك
مش عارف أقول ناسيكي .
كملتك ألف مرة
منقصتش إلا بيكي .
النور شقشق ولالا
والحالة تجر حالة .
والهم اللي في فؤادي
وأصل لله تعالى .
هو العالم بامرئ
وبفعلي طول سنيني .
هو العارف بقلبي كأتم
في الليل أنيني .
كان نفسي تحسي بيا
كان غرضي تفهميني .
تمحي الحزن اللي فيا
تتراضي وتراضيني .
وادي الحزن اللي اخدته
والجرح اللي اعتمدته .
بيقول قلبي بإرادته
بطلتي توحشيني .
أنا أنا ياما سعيت في حبك
أنا ياما سعيت في حبك .
وعملت لبكرا شادر
وانتي مع كل مرة .
تيجي زي اللوادر
بتهدي عليا أملي .
وتحلي بشكل عملي
كنتي بتجيبي أجلي .
وأنا كنت تمام وحاضر
خبطتي فتحت بأبي .
عمري ما قفلته مرة
جرحك فوق استيعابي .
والموجه تملي حارة
العمر في وهمه عدى .
والعدة تجر عدة
إله جاهزة ومعدة .
علشان تقتل عتابي
أنا جاي من الشعب .
عادي وانتي بنت الأكابر
ساكنة قرب المعادي .
ساكن قرب المقابر
حولت الغلطة فيكي .
وعملتي عليا حاكم
وبقيت عايش بقيت عايش .
حولت الغلطة فيكي
وعملتي عليا حاكم .
وبقيت عايش لوحدي
مترمي في المحاكم .
الغلطه تملي عندي
الجرح تملي ليا .
عايش في الشوق بلاكم
بضرب وبتيجي فيا .
العمر بيجري قطرو
والشطر يجر شطرو .
وشتايه في عيني مطروا
ولا واحد حس بيا .
أنا من ساعة ميلادي
وأنا بحكي القصة دية .
هو كان حب هي
مبقاش حابب وديني .
بطلتي توحشيني
من أول حد قالي .
إني موهوم وغافل
من أول حد قالي .
إني موهوم وغافل
ولآخر شخص مالي .
ولقاني عنيد وقافل
وأنا ماسك طوب رجائه .
وبدور طحن في رحايا
واتاري الشوق عصايا .
والضرب شديد وحافل
كان عقلي يقول غثوني .
والقلب يقول تمهل
الدمع يصيد عيوني .
والخد يقول مؤهل
كنت أرفع صبري فيكي .
وأمسح بالحب تحته
قلبك عور براحته .
قلبك خبط براحته
وأنا كنت وحيد وحائر .
بين قطم الشي ونحته
الزرع دا آه فلاحته .
والباب دانا آه فتحته
مش بس قبلت قلبك .
وكمان برأت ساحته
أنا في العالم بحاله .
ما في واحد حب قدي
عشمان في سلام مؤجل .
عشمان في حديد مصدي
الكلمة سخيفه عدي .
المركب شاردة هدي
الدنيا ضبابي لندن .
وشايفها سويسرا وردي
ملكتك نص أرضي .
جرفت سنين في طيني
بطلتي توحشيني .
الحب يعز صاحبه
الحب يزيد مقامه .
ويبان في عينه وصمته
وشكله ونوع سلامه .
ويبان على كل حركة
ويكون فعله وكلامه .
وانتي لو جاي منك
كان بأن في سنين ما بينا .
الزين ينهض ويمشي
والشين يعرف مقامه .
أنا نادر باقي عمري
للي هتصوني بعدك .
عمرك ما وفيتي
عمري ما خلفت وعدي .
عمرك ما وفيتي وعدك
بكرا يقابلني خلي .
وانتي هتموتي وحدك
وأنا ببدا صفحة بيضا .
صفحة واسعة وعريضة
مشتاق لحياة جديدة .
ولبنت تصون هوايا
كان لازم أعيش عذابك .
علشان اعمل بداية
وادي ختام الحكاية .
مريت مريتي مرو
سنوات عمري اللي كرو .
عمر الاشوق ما سرو
فاروا الأوجاع وفروا .
وضاروا الأحباب وضرو
وباروا ساعة ما برو .
وعيروا بهموم وعرو
وغاروا ساعة ما غروا .
وأحلى الإحساس أمره
وأوفى الإحساس اشره .
وأبرد إحساس احره
جارو وببطئ جرؤ .
ونزفوا الدمعات وخروا
واليوم صحيوا واستقرو .
فخلعتك من روتيني
بطلتي توحشيني .
