ဘယ်သောအခါမှ 🌿
အပိုင်း(၂)
....................
" နေ့လည်နေ့ခင်း တစ်ခုခုသောက်နေကြဆိုတော့ အချိန်ကျလာရင် အမြဲသောက်ချင်နေတော့တာပဲ "
" ဟုတ်တယ် budget လည်းကြည့်ရသေးတယ်ဟ လကုန်ခါနီးရင် မီးနီက ပြချင်နေပြီ "
" ကော်ဖီလေးတစ်ခွက်ကို ခင်းရယ်... ငါလှမ်းမှာလိုက်မယ်လေ နော် "
" နင်တိုက်မယ်ပေါ့ ဟုတ်လားစံစံ "
" အနာမ ရတယ်လေ... ငါ့သူငယ်ချင်းကို ကော်ဖီတစ်ခွက်တော့ သဒ္ဓါပါတယ် "
" ယေးးး "
ကလေးလို လက်ခုပ်လက်ဝါးတီးမတတ် ပျော်ရွှင်ပြလိုက်မိသည်။ စံစံက မှာနေကျ ကော်ဖီဆိုင်ကို ဖုန်းဆက်ပြီး လှမ်းမှာ၏။ နားနေချိန်မို့ ဆိုင်မှာ လူရှင်းသော်လည်း အချင်းချင်း စကားပြောဆိုသံများဖြင့် ဆူဆူညံနေတော့သည်။
" အရှေ့မှာ delivery ရောက်နေတယ်ဟေ့ ဘယ်သူကော်ဖီမှာထားလဲ "
" လာပြီ လာပြီ "
အသံကြားလို့ ခင်းအပြင်ထွက်ယူတော့ မှာထားသည်များမဟုတ်။
" မှာထားတာတွေလည်း မဟုတ်ဘူး... ဧကန္တ မှားပို့တာထင်တယ် "
" မဟုတ်ပါဘူးခင်ဗျ ဒီဆိုင်လိပ်စာနဲ့ပဲ မှာထားတာပါ ပိုက်ဆံလည်းရှင်းပြီးပါပြီဗျ "
" ဟင် ဒါဆို လှမ်းမှာတဲ့ဖုန်းကို တစ်ချက်ပြန်ဆက်မေးကြည့်ပေးလို့ရမလားဟင် အားတော့နာပါတယ် "
" ရပါတယ် "
အမှာလာပို့ပေးသည့် ကောင်လေးက ဖုန်းနံပါတ်ပြန်ရှာပြီး ဆက်ပေးရှာသည်။
" မကိုင်ဘူးခင်ဗျ... ဟို မနက်ခင်း ဆိုတဲ့ နာမည်နဲ့ပဲ မှာထားတာပါ၊ အဲ့နာမည်နဲ့ ဒီဆိုင်မှာရှိလားမသိဘူး "
" ရှိပါတယ် "
" ဟုတ် အဲ့ဆို ယူထားလိုက်ပါ ကျွန်တော်သွားပြီနော် "
" ဟုတ် ဟုတ်ကဲ့ "
သူမနာမည်နဲ့ မှာထားသည်ဆိုပဲ။ ဘယ်သူများပါလိမ့်။ စိတ်ထဲထင့်သွားသော်လည်း ဒီတိုင်းပဲ ယူလာခဲ့တော့သည်။
YOU ARE READING
ဘယ်သောအခါမှ 🌿🌿
Romanceလူတစ်ယောက်ကို တိတ်တခိုးစချစ်မိတဲ့ ကောင်မလေးတစ်ယောက်ရဲ့ခံစားချက်၊ အချစ်ဟာ အဓိပ္ပာယ်မျိုးမျိုးသက်ရောက်နိုင်ကြောင်းကို အနည်းငယ်ဖော်ပြပေးသွားမယ့် အချစ်ဇာတ်လမ်းလေးတစ်ပုဒ်ပါပဲ
