قدري الغريب

فصل السابع

فى فيلة الصاوي
عمر بعد ما قام بتجهيز نفسه لسفر ل محافظه الاسماعيليه  اخر مره كان هناك منذ كان عنده ١٠ اعوام فقط و اخذ شاور بتاعه وجهز و نزل الى اسفل حيث ينتظره والده

عمر : يلا يا بابا
رأفت : انا جاهز يلا ، لو عوزتي حاجه يا نيفين صقر  ممدوح موجود اتصلي بيه و هيتصرف احنا صد رد
هنيجي
( ممدوح ايد اليمين لرأفت مساعد بتاعه راجل كويس و طيب جدا فى عمر رأفت تقريبا و لكنه رياضي مثله لا يبان عليه سن ارمل  لم يتزوج بعد وفاة زوجته ولا ينجب اولاد عقيم )
شاهندا تفكر حتى تستغل كل لحظه تقرب فيها من عمر : اونكل ينفع اجي معكم نفسي ازور اسماعيليه عمري ما روحتها بيقولوا فيها مانجا تجنن و فى مباني تحفه على طريقه فرنسية
عمر : شاهي انت كدا عايزه تروحي سياحه واحنا مش فاضيين راحين لناس قريبنا و هنيجي ع طول ورأنا الالتزامات عن اذنك يلا يا بابا علشان نلحق نرجع بدري
نيفين : خلاص يا شاهي مره تانيه عمر هياخدك مخصوص هناك ، مش كدا يا عمر  نظرة له والدته لانها تعلم انه هيوافق حتى لا يزعلها مره ثانيه

عمر يحاول ان يكون ثابت و حتى لا يزعل والدته مره اخرى : حاضر يا ماما افضى بس من حوار شركه اخدكم كلكم
فى طريق اسماعيليه الصحراوي

رأفت : انا عارف يا بني امك بتضغط عليك فى حوار شاهندا بنت خالتك على ترتبطوا و عارف بردو انها مش شبهك ، متزعلش من والدتك يا عمر بتعمل كل دا بدافع الحب يا بني عايز تفرح بيك ، وانا كمان

عمر : عارف يا بابا عارف ما دا الا مصبرني  ، بس صدقني مش دلوقتي لو فكرت مش هتبقا شاهندا خالص مش دى الا تفتح بيت
رأفت : وانا ميهمنيش مين مهم اشوف اولادك و افرح بيك

عمر : ان شاءالله يا حج ، قولى بقا هنروح على مين الاول احنا خلاص وصلنا
رأفت : مش عارف ليه فاطمه بنت خالى بتيجي بالى فتره دى كتير عايز اروحلها كنت بعتبرها فى مقام اختى كبيره هي اكبر مني بس زمن خدني مبقتش اشوفها

عمر : طب فاكر عنوانها بظبط علشان اشوف كدا ال GPS
رأفت : ايوه يا بني مش لدرجاتي و كمان مش محتاجين GPS خليك ماشي على طول و انا معاك
...........
عند اية فى جامعه
اية : اخيرا خلصنا ، غريبه سلمى مجتش مش من عوايدها تغيب ولا واد كريم حتى حازم ما بنش
هبه : اه غريبه طب رني عليهم
قامت ايه بالاتصال على كريم : الووو يا جاموس  انت فين ناوي تسقط سنادي كمان يا بني مش كفايه انت و استاذ حازم عايدين سنتين
كريم :  يا بنتي طولة لسانك دي يخربيتك بكابورت فتح فى وشي ، اديكي قولتي ساقط سنتين يعني اكبر منك لازم تحترميني و كمان انت عارفه سببب
اية : متبررش يا خويا عرفنا انك نجم و فنان موهوب بس ممكن بس تتخرج سنادي على خير بس انت و استاذ حازم و ابقا كملوا مسيره فنيه بتعتكم
كريم : ماااااااشي اتريقي شوفي مين هيعلمك جيتار هاا ، و بعدين مش كنتي عايزنا نعمل اغنيه فى فرح خالك ابقى تفي فى  وشي لو حصل
اية : هههههههه كيمو دا انا بهزر معاك خايفه عليك دا انت اخويا
كريم : لا يا شيخه ، المهم فى حاجه يعني حصلت فى كليه كله تمام ، امبارح سهرنا فى حوار ما صحبنا كدا فى انا و حازم كنسلنا انهارده
اية : لا مفيش جديد هو بس دكتور رخم دا معرفتش احضرك فيه الباقي كتابتك حضور جدعنه مني هههههه
كريم : ماشي يا عم جدعه سلاااام بقا يدوبك افطر و اشوفلك حوار اغنيه دا يدوبك فرح قرب
اية : اشطا باي
هبه بفرح : بت يا اية ياسر ابن عم سلمى حددو معاد كتب كتاب هيبقا على خميس و فرح بعد امتحانات ع طول علشان كدا مجتش بتقولي البيت كان مليان عندهم معرفتش تكلمنا و بتقولى عاملها مفأجاه ليها امبارح
اية : يا بت الا ايه كنت بحسبها عارفه و دارت علينا ، الف مبروووك ربنا يتمملها على خير الواد ياسر دا جدعه  و يستاهلوا بعض اصلا بيحبها و كويس خد خطوه دى
هبه : فعلا
اية : ايوه على جمب هنا ي سطا
هبه : يا بنتي مش بيت جدتك اخر شارع
اية : ايوه بس انا نزلت هنا علشان اروح سوبر ماركت عند عمو ابراهيم نجبلنا شوية شيبسي على حلويات على نسكافيه علشان نقعد فى بلكونه قعده رايقه مع بطه
هبه : يخربيت دماغك طب هسبقك انا
اية : اشطا روحي
فى ذلك الوقت ينزل رأفت من سيارة عمر
رأفت : انا هنزل هنا يا بني علشان مش هتعرف تركن جوا زحمه شارع بوص هي العماره هناك دي دور التاني شوفتها
عمر : ايوه شوفتها تمام روح انت وانا هركن و احصلك
ركن عمر سياره سوداء فاخره و قام باغلاقه جيدا و فى اثناء عبوره طريق جاءت اية حامله الكيس و تنظر بداخله
اية :  يلهووووي يا عم عبده كدا تنسا لبان اخص عليك
فى ذلك الوقت تخبط اية فى عمر و كادت ان تقع ولكنه امسكها من خصرها و رفع نظاراته و كانت عينيه بلون عسلي الفاتح و دقنه سوداء خفيفه و كان يرتدي قميصا يبرز عضلاته و اية مغمضه العينين و كانت ترتدي بنطلون جينس و شميز بينك مفتوح اول ثلاث ازرار و ترتدي تحته تيشرت ابيض كت و رافعه شعرها كحكحه عشوائيه

اية : ينهااااارك اسود نزل ايدك ، انت اعمى ايه مش شايف داخل فيا زي طور كنت هتوقعني

عمر الذي وصل لقمة غضبه فى دى اول مره انثى ترفع صوتها عليه حتى والدته لم تجرأ على ذالك فمن هذه لتفعل ذالك
عمر : اقسم بالله لولا انك بنت لعرفتك طولة لسانك دى ، وبعدين يا محترمه انتى غلطانه ماشيه حطه دماغك جوا كيس معاكي دا و مش شايفه قدامك

اية : والله يعني جبت الغلط كله عليا دلوقتي ما دا طبيعي عندكم محدش بيعترف بغلطه هنقول ايه

سمير صاحب خالها كان معدي سمع صوت مشاجره اية مع شاب دا : اية مالك في حاجه حد ضايقك و كان يوجه نظره ل عمر الواقف الذي كان يريد ان يمسك هذا الشاب و الفتاه غريبه الاطوار هذه يفتك بهم و كان يشطاط غضبا
اية حست ان ممكن موضوع يكبر : لا يا سمير تسلم مفيش حاجه انا ماشيه اصلا
عمر : اقسم بالله مجنونه
اية و هي متجه الى عمارة جدتها على باب عماره
و عمر خلفها و استغرب انها تسكن فى نفس مكان
اية : يادي نيله سودا  ، يا جدع انت ماشي ورايا اقسم بالله ما يغرك عضلاتك دى و شكلك نضيف زي بشوات دا والله اجبلك سمير دا ينفخك
عمر : انتي مجنونه يا بنتي عندك نسبه يعني مش معقول يعني هو مفيش غيرك الا ساكن هنا تجاهله عمر و صعد على سلم قبل حتي ما ترد عليه
اية : والله ما حد مجنون غيرك بس غريبه انا اول مره اشوف جدع دا هنا يا ترى قريب مين هنا تصعد ايه على سلم وصلت الى باب شقه جدتها لقيته واقف عند باب
لف عمر وجهه لقها واقفه وراه ظهره و فرق طول بنهم كبير شويه بس قصر اية
عمر : شوفتي مين بقا اللى ماشي ورا تاني يا حلوه قام خلع نظاره و غمز بعينيه
اية : نعم انا ماشيه وراك ليه ان شاءالله
قطعها عمر فى الحديث حيث قال عمر : مش يمكن علشان بعضلات و شكلي نضيف شبه بشوات و غمز بعينيه
اية : انت اكي.........
فتح باب شقه
...................
كدا فصل سابع خلص ياريت تدعموني بقا 🥺❤