قدري الغريب

فصل العاشر

فى المساء في فيلة عائلة الصاوى دخل عمر  وكان يتحدث فى تليفون
عمر : ايوه عرفت هتعمل ايه يا صقر ، مش عايز ولا غلطه و ياريت تحاول تظبط دنيا خلال اسبوع دا ، تمام سلام
قابل الخادمه امامه
عمر : امال فين نيفين هانم
الخادمه : فى صالون يا فندم
عمر : تمام روحي بلغيهم فى مطبخ يحضروا العشا
دخل عمر الى اوضه صالون
عمر : مساء الخير
نيفين : عمر اخيرا جيتوا ايه اخركم كدا
عمر : لا هي اسمها جيت  مفرد لان انا بس الى جيت
الحج هيقعد هناك حوالى ١٠ ايام كدا و هيجي علشان فى مناسبه عند قرايبنا فرح و عايز يحضره
نيفين : نعممم ، و دا من امتى الاهتمام دا و بعدين احنا مالنا و بقالوا سنين مرحش هناك ايه الاتغير دلوقتي
عمر : امى ممكن تهدي ، وبعدين ايه غلط فى صلة رحم مش فاهم و ايه مضايقك كدا هو انا قولت هخدك اوديكي براحتك اعتبري بابا مسافر سافرية عمل زي كل مره ، بس الى اعرفوه ان بابا كان محتاج سفرية دى من زمان عن اذنك هطلع استريح
نيفين : مش هتتعشا
عمر : مليش نفس و صعد عمر الى غرفته و لكنه لقى غرفة اسيل اضاءه بتاعتها منوره ذهب اليها انه يعلم ان والدته مقصره مع اخته كثيرا تهتم بنفسها و مظهرها اجتماعي و متناسية وجودها و انها اشد الحاجه اليها الان
عمر  خبط على باب
اسيل : ايوه ، اتفضل
عمر بابتسامة : ممكن ادخل لاميرتي صغننه
اسيل بابتسامة وجريت حضنته: ابيه اخيرا رجعت هو دا هتفسحني و هنخرج دا انت ما ساعة ما رجعت ما تلمتش عليك
عمر بزهول : ما تلمتيش عليا جبتي منين الكلام دا
اسيل ببراءه من صحبتي يا ابيه
عمر : من صحبتي يا ابيه ، طب في واحده تقول لاخوها الكبير ما تلمتش عليك
اسيل عيون رغرغرت بدموع : انت زعلت مني والله مش قصدي بهزر
عمر الذي صعب عليه اخته انها تحس بالوحده دائما خصوصا بأنه كان مسافر على طول و آدم ديما فى دراسته لا مسافر بحكم لعبه فى كورة قدم
عمر : اهدي يا روح قلبي ، انا بهزر معاكي انا عارفه اني مقصر والله غصب عني ، طب اقولك على حاجه ايه رئيك بعد اسبوع كدا اخدك و نسافر ل بابا اسماعيليه هناك تحضري فرح ناس قريبا اهو تتعرفي عليهم و تغيري جو كمان
اسيل : ايه دا هو بابا مجاش معاك
عمر : لا هيفضل هناك و قالى روح انت و ابقا تعالى على فرح و تجيبلي اسيل حبيبتي معاك
اسيل : اشطا انا موافقه اهو هغير جو قبل الامتحانات
عمر : ماشي يا حبيبي تصبحي على خير و قام بتقبيل جبهتها
اسيل و انت من اهل خير يا ابيه
...................
فى غرفة عمر بعد ما اخد شاور دفئ خرج من حمام يلف بشكير على خصره و اتجه الى غرفة ملابس يخرج بنطلون قطني مريح و ينام عاري الصدر كما تعود
فرد جسمه على سرير فضل يراجع بذاكرته ما حصل اليوم و سرح فى فتاه الذي تدعى اية غريبه اطوار شخصيتها غير مفهومه
تذكر حديثها مع رفيقتها اثناء تحضيرهم لقهوة عن عملهم فى شركه
عمر ظل يتردد اسمها بين شفتيه : اية ، اية لمه اشوفك اخرك ايه ، بقا انا دراكولا  ف ابتسم عمر
نام فى نوم عميق يسترح من هذا اليوم شاق عليه
..................
فى صباح يوم جديد
نزل عمر سريعا على درج يرتدي نظراته و بدلته الذي جعلته اكثر وسامه
نيفين : رايح فين يا عمر هتمشي من غير فطار و كمان امبارح متعشتش
عمر : معلش يا امي لازم امشي اتأخرت هفطر فى شركة انتى عارفه بابا مش موجود ولازم ابص عليها و بعدين اعدي على مراد
نيفين الذي تعلم جيدا انها مش هتقدر تقنعه و انه هينفذ فى دماغه : خلاص يا عمر بس خلي بالك من نفسك لازم تفطر
عمر : ماشي يا ست الكل باي
فى خارج
عمر : صباح الخير يا صقر ، عملت كل الى قولت عليه ،
صقر : كله تمام يا عمر بيه زي ما طلبت
عمر : تمام اطلع بينا على شركه الاول
قام عمر باتصال علي آدم لانه يبات مع مراد فى مستشفى
آدم : الو يا عموره
عمر : ايه يا حيوان مراد عامل ايه خلصت اجراءات و هتطلعوا امتى
آدم : حيوان بقا كدا طب قولي صباح الخير يلا مسامح كريم خليها عليا ، ايوه يا سيدي خلصنا و مرواحين فى سكه و الحمدالله بقا كويس
عمر : تمام انا طالع على شركه و بعدها هطلع على مراد و يوسف بردو راجع فى طريق من شرم هينزل على بيت يغير و هيطلع على مراد
آدم : تمام انا هروح ارتاح بقا علشان عندي ماتش مهم ولازم اسافر
عمر : ماشي ، امتحاناتك قربت اقسم بالله يا آدم لو اصرت فى دراستك هنسيك يعني ايه كوره من اساس
آدم  : عيب عليك يا معلم من اوائل يابا
عمر : كتك نيله فى الفاظك و قام عمر بقفل سكه فى وجه آدم
آدم : بقااا كدا انا يتقفل سكه فى وشي مش رجوله والله
... .........

فى شركة دخل عمر  و قام الجميع يهرول هنا و هناك لانهم يعلموا ان شخصية عمر صعبه جدا عند شغل عكس والده متهاون شويه
دخل عمر  هرولت اليه اسما سكرتيره خاصه بوالده
اسما : اهلا يا عمر بيه ، حضرتك انا ظبط كل مواعيد انهارده فى اجتماع مع مستر صفوت رزق بخصوص الكمبوند الا عايز يبنه انا بلغت رأفت باشا قال ان حضرتك هتتفق معاه
عمر : ماشي يا اسما حددي معاه معاد بعد ساعه و عرفيه لو اتأخر دقيقه هيضطر يستنى لمه اخلص الى ورايا لان فتره جايه هبقا مشغول فى فرع شركه جديد
اسما : تمام يا افندم عن اذنك
..........
فى منزل جدة اية
بطه : قومي يا بت يا اية اخلصي
اية : يوووو يووو  حتى انتي يا بطه عيب عليكي والله هي وراثه شكلها انا عرفت بنتك طالعه لمين
بطه : اخلصي يا ام لسانين  ، تعالى افطري علشان تروحي تشوفي الفستان زى ما اتفقتي انت و هبه امبارح
اية فطت من على سرير فى ثانيه
ايه : يلهوي ايوه صح طب لوجين اختي عايزه ارن عليها جايه معانا
بطه : جايه فى سكه هي و سناء
اية : طب اقوم انا اغسل و وشي و اعمل ساندوتش افطر راحت بصت الى جدتها و قالت ، انا عارفه انك طبعا فطرتي من بدري
بطه : طبعا ياختي عايزاني استناكي لساعه ٢ من غير فطار و علاجي دا احنا هنحضر الغدا
اية : خلاص  خلاص  ههههههه معاكي حق ، هو ميدو راح شغل
بطه : من بدري علشان هيقفل مطعم و كافيه مده علشان فرح
اية : ايوه صح
بعد مده خرجت من حمام وجدتها  والدتها وصلت هي و لوجين التى باين عليها زعلها من اية و قامت والدتها بغمزها و نظرت لوجين بمعنى زعلانه منك و فهمت اية لانها حست انها زودتها معها
اية : الله بت لولي جت اخيرا  ، يلا يا معلم نروح نشوف فساتين
لوجين : لا روحي انتى انا مش جاية معاكي انا هاخد صحبتي و راحه اتيليه تاني  ، انا جاية علشان اسلم على تيته بطه وحشتني
اية و هي تبتسم و تتجه الى لوجين : ايه دا دا ، ده احنا شكلنا مقموصين بقا ، عرفكره انا مكنش قصدي ازعلك انتى غاليه عليا انتى اختي و بنتي صغيره انا بس خايفه عليكي لاتقصري فى مذاكرتك فهماني و تقوم اية بحتضنها

لوجين : و انا والله بحبك بس انتى بترخمي عليا
اية : اهو طولة لسانك دى  هي بتعصبني
سناء : يعني ياختي هتجيبه من برا، انتم اتنين طينه واحده
اية : على رئيك 😂😂
يلا بقا نمشي احنا يلا يا لوجين عايزين حاجه
سناء : معاكي فلوس 
اية : اه معايا فلوس درس خدتها من عيال اخر شهر و بابا كمان اداني مستوره يا سوسو
بطه : انتى لسه بتشتغلي فى سنتر دروس دا
اية : اه يا بطتي  حاجه بحبها بجانب دراسه واهو بردو يتنفع
بطه : ربنا يعينك يا حبيبتي
ايه : باي
..............
بعد مدة فى فيلة مراد حيث يجتمع ثلاث شباب فى غرفته
يوسف : طب اشمعنا يعني بابك حب يقعد لحد الفرح ما كان ممكن يرجع معاك و بعد كدا يرجع على فرح
عمر : انا قولت زيك كدا ، بس اول مره اشوف ابويا مبسوط و مرتاح كدا وانا صراحه عايزه يرتاح شويه كفايه سنين دى كنت سايبه
مراد : انت مكنتش سايبه بمزاجك انت كنت بتشتغل و تثبت نفسك و هو اكيد كان مبسوط بنجاحاتك دى والمهم انك بقيت فى وسطنا تاني يا كبير هههه
يوسف : المهم ، بس ايه حوار بنت دى بتقول عليها دى
قص عمر ما حصل بينه و بين اية و طبعا محكاش على منادته ب دراكولا
مراد : ههههههههع يا بنت اللعيبه طب والله شوقتني اشوفها
عمر الذي نظر له نظره اخرصته
يوسف : ......
........... .........
وكدا الفصل خلص
ممكن تدعموني 🥺❤
بقلم اية اسامه 📌