بعد ما الكل يروح من عقيقة رحيم إبن خالد...
فى شقة خالد..
منتصـر و سهير..
جميله و عمر..
خالد و زهـره..
خديجه و على..
خالد : عندى ليكم مفجأه حلوه.
خديجه : خير يا خالد فرحنا.
خالد يحاوط زهـره بحب : زهـره حامل.
خديجه بفرحه : بجد مبروك يا خالد مبروك يا زوزو.
زهـره : الله يبارك فيكى يا حبيبتى عقبالك يارب.
خديجه : يارب يارب.
على : مبروك يا خالد.
خالد : الله يبارك فيك عقبالكم.
عمر : مبروك يا خالود.
خالد : الله يبارك فيك يا عمور.
منتصـر : ألف مبروك يا ولاد.
خديجه تخبط جميله فى كتفها : مش هتباركى لأخوك.
جميله : مبروك يا خالد مبروك يا زهـره. ممكن كفايه أخبار حلوه إنهارده.بقلم آيه يحيى الأمير.
خالد و خديجه فى نفس واحد : إيه اللى بتقوليه ده.
جميله تقوم تقف عمر يمسك إيدها : بلاش يا جميله.
جميله تشد إيدها منه : سيبنى يا عمر.
عمر يصك على أسنانه : جميله.
جميله تبص لـ منتصـر : قولتلهم ولا لسه؟
سهير : قالنا إيه؟!..
جميله بعصبيه : تقولهم ولا أقولهم أنا.
خالد بحده : إتكلمى مع بابا بأسلوب كويس يا جميله الله.
جميله تنهج بغضب : بابا متجوز ولينا أخ كمان إسمه بودى يا بابا مش كدا.
صدمه تنزل عليهم كلهم.
وسهير بصدمه : إنتِ بتقولى إيه!!!؟
خالد : إيه الكلام الفارغ ده يا جميله.
جميله بعصبيه : رد عليهم يا بابا قولهم إنك متجوز ساكت ليه....
خديجه بصدمه تقوم تقعد ع الأرض أودام منتصـر وبكفوف إيدها تمسك إيده بدموع : الكلام ده بجد يا بابا حصل وإتجوزت.بقلم آيه يحيى الأمير.
منتصـر بهدوء : ايوه حصل.
خديجه تقف وترجع كام خطوه لورا.
وعلى يحتويها بذراعه...
خالد بصدمه يعلى صوته : ليـه يا بابا.
منتصـر بغضب : إنت هتعلى صوتك عليا.
خديجه بعياط : ليه تعمل فينا كدا يا بابا.
منتصـر بغضب يزعق بعلو صوته : ليه كدا لأنى تعبت ليه كدا لأنى إديت ومأخدش أمكم بنت خالى أبويا اللى جوزهالى صحيح بس حبيتها وقدرتها كل اللى كانت تحلم بيه كنت بنفذهولها طول عمرها شايفه نفسها عليا وأقول معلش حقها تدلع صغيـره كبرت وكل حاجه كبرت معاها عندها تكبرها ولما ولدت خالد بقت أم الواد وعديت وكبرت دماغى.
ويشير بالسبابه لـ سهيـر : عمرك قولتيلى فيك إيه ليه شايل الهم ليه عمرك فكرت تفرحينى عندها لقيت الحضن والراحه معاها لقيت الست اللى بجد اللى بتطبطب عليا وتحتوينى.
تقوم سهير بعياط منهاره تتجه لغرفة نومها وفجأه تقع فى الأرض فاقده الوعى..
#للكـاتبه_الصغيره_آيـه_يحيى_الأميـر .
