حته منى الجزء الثانى
#للكاتبة_الصغيره_آيه_يحيى_الأمير
بطل الجزء الثانى ماجد...
فى بيت صفـوان زيـدان..
ندى نازله تجرى ع السلم يقابلها ماجد فى بوابة البيت.
ماجد بإبتسامه: إزيك يا ندوش عامله إيه؟
ندى تبادله الإبتسامة : بخير يا ماجد إنت عامل إيه؟
ماجد: حلو وزى الفل هو إنتِ رايحه فين؟
ندى: رايحه أنا وحنين و واحده صاحبتها نحجز دروس ثانوى.
ماجد يلاعب حواجبه : بجد يا قطه هتروحى ثانوى.
ندى تضحك بثقه: ليه هو أنا قليله ع الثانوى 💪🏻 أنا قدها وقدود.
ماجد يضحك بإستهزاء : طب عارفه بقا أسامى وعناوين المدرسين ولا أكتبهوملك فى ورقه.
ندى بثقه وهى ماشيه : روح إلعب عند بيتكم يا شاطر.
༺༻ ༺༻ ༺༻
ندى راجعه من الدرس وتدخل البيت.
ماجد يقابلها وهى داخله وهى فى بوابة البيت.
يهتف: أهلاً أهلاً بقطتى الجميله.
ندى بجديه : إزيك يا ماجد ممكن بعد إذنك بلاش قطه وقتطى الله يكرمك.
ماجد يسند على سور السلم : إنت تأمر يا جميل.
ندى تطلع من غيـر رد.
༺༻ ༺༻ ༺༻
فى صباح يـوم الأحـد...
المفروض إن الدراسـه كدا بدأت بقالها أسبوع.
ندى نازله على السلم وهى لبسه الزى الكحلى المناسب لمرحلة الثانـويه وشنطه المدرسـه على ضهرها وترفع الفون تبص فيه تعدل طرحتها البيضه.
تتفجأ بصوت ماجد بتريقه : العريس مش واقف يستناكى على بوابة المدرسه ياختى.
ندى بشهقه: يخرب بيت شيطانك هو إنت بتطلع منين قلبى وقف.
ماجد بدلع : سلامة قلبك يا بيبى.
ندى تضحك : هو إنت لسه مسفرتش ليه مش المفروض تروح كليتك.
ماجد: ايوه ما أنا مسافر دلوقتى.
ندى بجديه : توصل بالسلامه يا ماجد باى وتخرج من البيت قبل ما تسمع رد .
ماجد بتنهيده : جديه إنتِ أوى يا ندى.
༺༻ ༺༻ ༺༻
فى بيت صفوان زيدان.
ندى قاعده فى صالون جدها تذاكر.
ماجد بضحكته السمجه كالعاده يلاعب حواجبه: محتاج مساعده يا جميل.
ندى تزفر بغضب: محتاجه أذاكر يا ماجد.
ماجد يقعد على ذراع الكنبه المجاوره ليها.
اممم أنا ممكن أساعدك.
ندى وهى بتبص فى كتبها زى ما هى تضحك بسخريه : روح يا ماجد ذاكر إنت بس منهجك .
رحاب تهتف: يلا يا ماجد نطلع الوقت إتأخر.
ماجد بتكشيره: حاضر يا ماما. ويتابع بإهتمام : هو إنتِ هتباتى هِنا إنهارده يا ندى.
ندى تهز راسها : ايوه رامى إجى من شويه وكنت هطلع معاه بس نينا مرديتش.
ماجد بإبتسامة : طيب ااا تصبحى على خير يا ندى.
ندى بجديه : وإنت من أهل الخير.
رحاب تنادى : يا ماجد.
ماجد يزفر بغضب : حاضر جيت.
صديقه : تصبح على خير يإبنى.
ماجد : وإنتِ من أهل الخير يا ستى.
