طغيان أزلي"دهَـاليز"
بقلمي نور محمد🤍
لاتنسون التَصويت+التعليق بين الفقرات
+متابعه لحـسابي
وَما المَرءُ إِلّا كَالشِهابِ وَضَوئِهِ
يَحورُ رَماداً بَعدَ إِذ هُوَ ساطِعُ
؞______________________؞
-ماگدر أفتح عيوني الخوف مستحوذ على جسمي
ماريد أكعد واشوف شي مامتوقعتة أريد أغيب
عن الوعي بس صرخات خِيال تمنعني أتگطع من
الخوف وماگدر أساعد نفسي..
"خيـال"
شال راسها على رجليهة ومصدوم مايعرف
شيسوي أنتبه عليـة خزرني وصاح بغضب:
شكووو واگفة!!! أمشي جيبيلي مي بسررررعة!!!!!
-أني رحت أركض بالظلام حتى مادري الطريق
صح لولا بس أني ودموعي التنزل بغزارة.
ركضت بأسرع ماعندي صار الطريق قصير من گد
ماركضت، فتحت السيارة وجبت بطل المي ورجعت
أركض بدون توقف....
-بالگوة فتحتة بسبب رجفة أيدي:
أخ.. أخذة هذا..
-غسل وجهَة وشهگت مختنگة بالگوة تسحب
النفس.. وأني مرتاگة على الشجرة وأباوع متحسرة
الندم والخوف موتني..
-يمسح بهدوء شعرها ويتوسل بيها حتى تگعد::
-لـيالي مابية شي شوفيني؟.. وهاي خيال هم
مابيها شي گومي خلي نرجع للبيت..
-فتحت عيونها وحلگها أبيض يرجف تباوع علية
مصدومة مامصدگة الي تشوفة طخت وجهة
وندارت علية صفنت بعدين رجعت باوعت عليه
وندارت عليـة وحايرة شنو تگول:
خيال گوليلي أني ماجاي أحَلم؟؟ خيال أنتُ
مابيكم شِي لوهذا حِلم؟؟؟
-صوتي يرجف من خوفي وأرتباكي:
والله ماكتلتة بس أنتِ خفتي! بعدة كـُل شي مابي
-گام ومسح ملابسة من التراب ومد أيدة الي
بدون ميباوعلي چان يباوع على خيال:
جيبي سويچ السيارة؟
-ماأنطي
-گتلچ جيبي؟
-وگتلك ماأنطي؟
-صرخ علية متعصب: گتلچ جيبي لاأضربچ؟؟؟؟
-صرت بوجهة أباوع علية باستغراب أعاتبة:
أنتَ شنو من أنسان؟ تهدد أقرب الناس الك!
شحسيت من أستغليت أخواتك علمود مصالحك
وعرضت حياتنا للخطر طول هاي الأيام؟؟
لك احچي!!!!! شنو الشي الي وصلك لهاي المرحلة
فلوس؟ ذهب؟ أملاك!!!!
"لـيالـي"
واكفة بكُل شجاعة گدامة وتجادلة وهيَ بكـامل
قواها العقليـة.. كـُلش قوية خيال لاتخاف من موت
ولاتخاف من الحوادث ولايكسر مشاعرها اي شي
بحيث عافتني وراحت تتجادل وياه وتحاسبة..
أنت تقرأ
دهاليز "طغيان أزلي"
Actionهام الفؤاد بأعرابية سكنت بيتا من القلب لم تمدد له طنبا بيضاء تطمع في ما تحت حلتها وعز ذلك مطلوبا إذا طلبا كأنها الشمس يعيي كف قابضه شعاعها ويراه الطرف مقتربا مرت بنا بين تربيها فقلت لها من أين جانس هذا الشادن العربا؟ بقـلم نَـور محَمـد
