With You

Chapter 7: Engagement Ring

Chapter 7: Engagement Ring

Our contract was a secret. Pareho kaming pumirma na nakalagay din sa kasunduan namin na wala dapat ibang makaalam ng usapan namin bukod lang sa aming dalawa.

"I will talk to your family. Then after that we can plan for the wedding. May gusto ka ba para sa kasal natin? I'll hire some wedding organizers for you." he told me.

At nakikinig lang naman ako sa mga sinasabi niya sa akin. Ang nasa isip ko ay hindi ko na kailangan na pakasalan si Maverick. I sighed my relief. Parang iyon pa ang pinaka-importante sa akin. Because I didn't really like that guy! I hate him. And I don't even want to see his face ever again.

"Let's have dinner out." niyaya niya ako pagkatapos naming pumirma ng contract sa office niya.

"Wala ka na bang meeting?" Napatingin din ako sa malaking salamin na bintana ng opisina niya. Padilim na rin sa labas. Kaya siguro ay tapos na rin ang trabaho niya para sa araw na ito.

"I'm done with work. Shall we head out now?"

Tumango naman ako sa kaniya at sumunod na.

We went to an exclusive restaurant to eat our dinner. At ang mismong chef na siyang may-ari rin ng restaurant ang nag-entertain sa amin. And the food was really good, too.

"Ngayon lang ako nakapunta rito..." nasabi ko lang sa kaniya habang tumitingin-tingin din ako sa interior ng restaurant.

"This place is new." Harrison said.

"At kaibigan mo ang may-ari?" I asked him.

"Chef Ramon? You can say that." aniya lang.

Pagkatapos naming kumain at pagkalabas ng restaurant ay may nakasalubong pa kaming mukhang nakakilala kay Harrison at kakain din sila sa restaurant pagkatapos namin.

"Oh. Mr. Harrison Abella... Who is... this girl?" inusisa rin nito si Harrison.

"She's my fiancée..." and Harrison just answered straightforwardly.

Nanlaki naman ang mga mata ko na bumaling kay Harrison dahil sa sagot niya.

"Really?!" mukhang nagulat din ang nagtanong. "I thought she's just your younger cousin... maybe?"

Umiling si Harrison sa kausap. Pagkatapos ay niyaya na rin niya akong umalis na kami.

At nang nasa loob na kami ng sasakyan ay tiningnan niya ako. Napatakip pa ang mga braso ko sa dibdib ko dahil nakatingin siya sa damit ko. "What is it?" I asked why he's looking at me.

He sighed. "Wear your seatbelt." aniya at sumunod din naman ako agad sa sinabi niya.

Nagsuot na rin ako ng seatbelt at pinaandar na ni Harrison ang makina ng sasakyan niya. "I should've made you change your clothes first..." sabi niyang nakatingin na sa harapan.

Napatingin din naman ako sa damit ko. I'm still wearing my uniform from the university...

Pagkatapos ay hinatid din ako ni Harrison sa bahay. Sa labas lang siya at doon lang din ako nagpababa sa labas ng mataas naming gate. At hindi ko na rin naisip na imbitahin pa siya sa loob ng bahay namin. Wala rin naman siyang sinabi...

Pagkatapos ay nagpasalamat na lang din ako sa kaniya sa paghatid. "Thank you..."

He only nodded at me quickly before he went off. Napatingin pa ako sa sasakyan niya na paalis. Pagkatapos ay bumaling na rin ako sa gate namin at pumasok na sa loob.

But then news about us just suddenly spread right away the next day. Tingin ko ay dahil sa nakausap ni Harrison kagabi sa restaurant. Dahil siya lang naman ang pinagsabihan ni Harrison tungkol sa akin.