اليوم خلصت اول امتحان وبما انو باجر عطله فلاضرر انو انزل بارت طبعا انشكينه شك بالاسئله جانت كلش صعبه كلها طلعت تبجي المهم خل نبدي يله
_________________♡________♡____
دخلو. البيت كلهم و وتين ماجان متعود يبات يم اي احد فشويه جان متوتر
#وتين
دخلنه البيت جان حلو والوانه هادئه ابيض وحليبي الاثاث بسيط كعدنه كلنه بالصاله جنت شويه متوتر لان هاي اول مره ا ابات يم احد وجان البنطرون ميساعد لان جان ضيق قاطع شرودي عمر وهوه يحجي وياي
عمر: وتين تعال انطيك تراك حتى ترتاح اكثر
اني ماعترضن لان جنت متضايق شويه كمت وياه صعدنه فوك ودخلنه لوحده من الغرف طلعلي تيشيرت عريض لونه بنفسجي وبرموده بيضه استحيت اكله اني ما البس الوان ما احبهن
عمر: هذني تريدهن لو اغيرهن؟
وتين: لا هاهيه
عمر: راح اطلع وانت اذا تريد تسبح هذا الحمام محتاج شيء ثاني
وتين: شكرا
عمر: لاتشكر بعد صرت واحد منه انت
طلع عمر ضليت اباوع على الهدوم حسيت بشعر حلو من كلي انت واحد منه اتمنى يطلعون صدك زينين وميعوفوني وره فتره تمشيت للحمام سبحت بسرعه
ولبست هدومي وعفت شعري منكع وطلعت من الغرفه
نزلت لكيتهم ملتمين ومسوين دائره وكاعدين بالكاع وكراتين البيتزا بالنص وقواطي ببسي حاجاني بابل
بابل: ليش شعرك منكع ليش مانشفته
وتين: هسه هوه ينشف
بابل لا تعال انشفه الك
رحت وياه لزم الخاولي وكام ينشف بشعري واني كاعد على الكرسي ويبتسم شويه وكال خلصنه
رجعنه الهم وحجه هشام
هشام: اي هسه طلعت تخبل اكثر من الاسود
مصطفى : اي والله جنه مرة شهيد
ضحكت شويه وكعدت يم بابل انطاني ببسي وقدم كارتونه بيتزا يمي وكعدت اكل ويسولفون واني ماحجي اله يسئلوني وجانو كلش لطيفين خصوصا هشام وبابل كلشويه متناكرين
# راح وتين ويه عمر شويه ونزل عمر وحده كتله
بابل: وينه
عمر: راح يسبح
كعدنه ناكل وره ما وصل الطلب مامر اقل من ربع ساعه
ونزل تصنمت بمكاني واني اشوفه لابس بنفسجي وابيض وفخاذه طالعه بيض يجنن يوميه يصير احلى من قبل هاهيه اخذت قرار بعد ماخليه يلبس اسود كله الوان شعره الاسود نازل على وجهة لاحضت انو شعره منكع كلش فاخذته وجبت انشف شعره وريحته جابت عقلي خلتني اموع كعد على الكرسي واني ووكف كباله
انشف بشعره وهوه هادء مثل الطفل كاعد خلاني ابتسم على الافكار الي براسي شويه وخلصنه
ورجعنه انطيته اكل كعد ياكل ويباوع بعيونه علينه شويه يضحك شويه يحجي بس لو اعرف شبيه ليش هيج هادء اوف وره ما خلصنه اكل اقترح ادهم نلعب صراحه جراءه وكلنه وافقنه شالو عمر البيتزا هوه وزمن ورجعنه التمينه جاب زمن بطل وحطه بالنص
وعمر راح يجيب ورقه وقلم
شاورني وتين وحجه بخجل
وتين: بابل ا اني ماعرف اللعبه
بابل: سهله باوع اذا افتر البطل وراسه اجه عليك ونهايته على علي علي سئلك صراحه لو جراءه انت تختار وحده وبعدين هوه ينطيك اما تحدي او سيئلك سوال وانت لازم تسوي الي يكوله او تجاوبه لان تتعاقب بس
وتين: شكرا فهمت
بابل: لا تشكرني
جاب عمر الورقه وكصكصه واقلام ووزعهن عليهم وكللهم كل واحد خل يكتب اي عقاب يجي براسك
بابل: وتين اكتب اي عقاب لا تكتب شيء بسيط ترى هذوله مايرحموك اذا ماسويت الي تريده
وتين بابتسامه: خوش
كعدو يكتبون وره دقايق طبكوهن وحطوهن بالطاسه
لزم زمن البطل وفره وكف على ادهم وعلي
علي بخبث: صراحه لو جراءه
ادهم بملل من افكار علي: صارحه
علي: كبر يله لعد كم مره بايل على روحك وتذكر القصه بوكتها
ادهم: طيح الله حضك ماتذكر جنا صغير بس اتذكر مره جان عمري 11سنه بلت على روحي باليل كعدت ابجي واهلي عرفو واخواني ضلو اسبوع كامل كل ميشوفوني يضحكون عليه واني اضل ابجي الحمدلله هسه نسوها
كلهم ضلو يضحكون حتى وتين ضحك بقوه
ادهم: هسه ارتاحت دودتك
فور البطل من جديد وضلو يلعبون الى ان وكف البطل على وتين وزمن
باوع زمن بخبث لوتين الي توتر
زمن: اختار جراءه عليك الله
وتين: ليش
زمن: اذا صراحه اسئلك سؤال اخليك تصفن
بابل: ابن الحلو عوفه يختار براحته
زمن: اني معليه
وتين: جراءه
زمن: غني
وتين بتذمر: اهو زمن مو غنيتلكم من جنه برا
زمن: معليه بكيفك تتعاقب اذا ماسويت هيج
هشام: صوته حلو؟
بابل: اذا يطلع صوته حلو هم انجلط
عمر: هسه تسمعون وتشوفون
وتين بتوتر: ماعرف اغني كبالكم
زمن: عادي مو غريبين لا تتوتر هيه كلمات انطقها وهاهيه
تنهد وتين وراد يغني بس قاطعه عمر بسرعه وكله
عمر: لحضه يا اغنيه راح تغني؟
وتين: اصابك عشق
عمر كام بسرعه وراح جاب العود بسرعه ورجع كعد
عمر: خل اعزف اني وانت غني
وتين بتفاجأ: تعرف تعزف
عمر: اي بس مو هواي يله ابدي . كام يعزف ووتين يغني وعلي بسرعه كام يصور فيديو بدون ميدري وتين
