اذا انمسح هذا البارت انتحر
اخيرا خلصنه امتحاناتتت 💃🏻💃🏻💃🏻💃🏻
خل نبلش
ـــــــــــــــــــــ♡ــــــــــــــــــــــــ
بعد ما نزل وتين من سيارة بابل دحل البيت راح سبح وطلع ملابس سود كلعاده نشف شعره ومشطه اخذ فلوس من القاصه حط عطر واخذ الكمامه لبس حذائه وطلع اجر تكسي وراح حيث المكان الي بيه عائلته
نزل من التكسي بعد ما دفع الفلوس قبل لا يدخل اشتره بخور ومي ودخل تمشى بين الكبور وهوه يقره الاسماء اطفال شباب بنات كبار صغار كلهم تحت التراب ضل يتمشى شويه الى ان وكف امام قبرين محفور عليه اسماء ابائه باوع شويه وبعدين ذب المي بهدوء وشغل البخور وكعد كبالهم على التراب وحجه
: اجيتكم مثل كل مره اشتاقيتولي؟ ماما تعرفت على شخص قبل شهر ونص تقريبا اسمه بابل واصدقائه هوه زين وياي بس تدرين ليش كتلج لان هذا الشخص اعترفلي اليوم انو هوه يحبني بس اني ما احبه ما املك اي مشاعر تجاهه اخاف رفضته بس هوه كلي انطيني فرصه واني رفضت بس بعدين قبلت شتكولين؟
ماعرف اذا هم يريد يستغلني بس اني انطيته
ومادري بعد اكبر مني بكم سنه حلو كلش ماعرف ليش حبني او شحب بيه اصلا.......... شلونك بابا مرتاح يم ماما ؟
ليش ما اخذتني وياك اعرف بيكم ما تحبوني بس اضل ابنكم اني تدرين ماما البارحه شفت عائله مجتمعين كلهم بالمتنزه ويضحكون ويسولفون الام حاطه ابنها الصغير بحضنها وتضحك وتحجي ويه ابنها الجبير والاب يلعب وين بنته الصغيره تدرين تخيلت انتو عايشين واني عندي اخوان وهم هيج نضحك ونحجي بس انتو رحتو وعفتوني وحدي ماكو ام تعوف ابنهه وحده
بس انتِ عفتيني وبابا هم لحكج صرتو سوه وما اخذتوني وياكم ليش تكرهوني ليش جبتيني لو ما جابيتني جان هسه انتِ عايشه وعندج ابناء هواي
اسف لان بسببي متي وبابا هم مات بسببي سامحوني لاتكرهون ابنكم والله احبكم كلش واتمنى تجوني اتمنى اشم عطرج واحضنج حتى لو مره وحده حضني بارد يمه حضني بارد محد حضني ماشفت حنانج عليه مالزمتي ايدي ولا انطيتيني فلوس حتى اشتري ولا سبحتيني ولاصيحتي عليه كلشي ماشفت حتى وجهج ماشفته بس بصوره وحده حتى بابا كرهني لان اني كتلتج عليج الله ماما تعاليلي اخذيني يمج احضنيني
ضل يبجي وشويه يحجي وشويه يسكت ويهدء الى ان صارت الساعه 12:30 كام من الكاع ونفض ملابسه ودعهم ومشه رجع للبيت بدل هدوله لبلوز عريض ايود وبجامه سوده على جانبها خط ابيض رفيع راح للمطبخ سواله لفه جبن ورجع للصاله شغل التلفزيون وكعد يباوع ويصفن مر وقت قصير وسمع تلفونه يرن
اخذه باستغراب فتح الخط وحجه بصوت مبحوح شويه اثر البجي
: مرحبا منو؟
: بابل
وتين: ها هلا
بابل: هلا بيك حبيبي شبيه صوتك
وتين: مابيه شي انبح شويه اثر الثلج يمكن
بابل: تاكل ثلج بعز الشته شبيك مخبل راح تتمرض ولك
وتين: .....
بابل: وتيني حبيبي لا تاكل بعد ثلج ابد مو زين والله
وتين: تمام
بابل: وتيني اريد اجي لبيتك وره ما اخلص
وتين بتوتر: لليش
بابل: هيج اكضي الوقت وياك غير راح ترجع لشغلك وين اكدر انفرد بيك بعد
وتين: تمام ادولك الموقع هسه
بابل: فديتك يبو عيون الساحلتني
خجل وتين وحجه: شكرا
بابل: اكله فديتك يكلي شكرا
وتين: يعني شكول ماعرف
بابل: بويه راح اموت. اي شيء منك مقبل حبي
وتين: تمام كمل شغلك اني راح ادزلك الموقع
بابل: طرده مأدبه يله رايح احبك
وتين: مع السلامه
بابل: احبك
وتين: امممم
بابل: على يوم ابتلي بيك امرنه لله مع السلامه
سد الخط وحجه: هسه هذا شلون راح يحبني وهوه كلمتين مايدبر اوفف فديت المايعرف يحجي اني
رحع لشغله يكمله
اما عد وتين فهوه من سد الخط دز الموقع لبابل وراح رتب البيت بسرعه هوه وحط معطر جو وراح سبح مره ثانيه هوه يحب يسبح هواي طلع من الحمام لبس شسور شعره وكالعاده نزله على عيونه وحط عطر خفيف ونزل للمطبخ سوه عصير ورجع للصاله لزم الدفتر مال الرسم مالته وكعد يرسم بعشوائيه بدون مايحدد شيرسم هوه بس حس برغبه جبيره بالرسم رسماته كلهن بالرصاص
او بالجاف مرت ساعه تقريبا وندك الباب كام على السريع فتحه واول ما فتحه صارت بوجهه باقة ورد سمائيه حجه بابل
: مريت من المحل وشفتها وتذكرت عيونك الحلوه
( باقه الورد تشبه الي حاطتها فوك)
ابتسم وتين واخذها وكال : شكرا كلش حلوه تفضل
بابل : شنو شو ماستقبلتني عدل
وتين باستغراب : ها ؟ شنو
بابل: لا حضن لا بوسمه لا صخام شبيك
خجل وتين وحجه: طب طب
تنهد بابل ودخل واول ما سد وتين الباب حضنه قوي وحط راسه برقبته
بابل : مو ريحه مسك ماينشبع منه بويه صارت إدمان
وتين بخجل : بابل وخر
بابل : بس شويه . قوه الحض ولزمه من خصره يقربه اكثر . بويه شهل خصر طركاعه انت طركاعه
وتين بتذمر : بابللل وخر
وخر بابل وباوع بوجه وتين ورفع شعره عن وجهه وحجه : شعرك ارفعه دائما لا تخليه يغطي هل جمال
وتين : يا جمال هذا جني.....
بابل : اششششش بس تحجي كلمه على عيوني ابتلي بيك
وخر وتين ومشه بسرعه بخجل مشه وراه بابل وهوه يضحك
واين بخجل : اكعد هنا هسه اجي راح للمطبخ ورقه بابل يباوع على البيت رغم جان بسيط كلش وصغير جان مرتب لكه الدفتر بصفه كتله الفضول وفتحه لكه بيه رسومات حلوه ضل يكلب بيه اجه وتين وبيده صينيه بيها عصير وكيك
: بابل هذا رسمك كله؟
وتين : اي
بابل : ابدع الله بخلقك يمه ماتحملللل
وتين : مو لهاي الدرجه
بابل : اسكت اسكت ضلو ساكتين شويه بعدين حجه بابل : خل نلعب لعبه شنو رأيك من خلال هاي اللعبه راح نتعرف على بعض اكثر
وتين مال راسه شويه وحجه : اممم اوكي يله
بابل : امي اسئلك وانت تسألني واذا ماجاوبنه واحد يعاقب الثاني متفقين
وتين : متفقين
بابل : امي راح ابدي ميلادك شوكت
وتين : 2/13 2005
بابل : بعني قبل فتره دخلت ال19
وتبن : اي . دوري انت شكد مواليدك
بابل: 1996 1/25
وتين : هاااا اوك
بابل : تشبه منو من أهلك
وتين : امي خل اشوفك عندي صوره
فتح كفر مبايله وطلع صوره مطبوكه فتحها وانطاها لبابل
بابل : واوووو كلش حلوه تخبل ما شاء الله نسخه انثويه منك بس هيه شكره انت ماخذ شعر ابوك
وتين: اي تدري بابا يكلي انت حتى تصرفات امك ماخذه يكول بابا جنه دائما نتعارك اني وياهه لان اني اغار وهيه تحب تغيضني بس نرجع بنفس الساعه نتصالح وجانت هادئه ويه الناس كلش بس ويايه جانت تطلع جانبها الحيوي جانت تسوي شغلات طفويله ومخبله
بابل : الله يرحمهم...
بابل : ليش سموك وتين وشنو معناه
وتين : حسبالهم اني بنيه بس بعدين اتضح انو اني ولد فماحددو الاسم بس اول ماجابتني امي انقطع الشريان الي بقلبها فبابا ضل مصر انو يسميني وتين ومعناه الشريان المتصل بالقلب الي اذا انقطع انقطعت الحياة
بابل: واووو غريب اول مره اسمع هيج
وتين : صح غريب حاله كلش نادره انت ليش سموك بابل
بابل: سياده الوالده تحب آثار بابل من جابتني مافكرت بس بهل اسم بابا ما قبل بس لا كلمه تعلى على السياده فاستسلم وسماني بابل
ضحك وتين شويه وكال : امك مسيطره عليكم
بابل: كلش اقاربكم وين
وتين: اتبرو منه
بابل: ليش
وتين : ميصير سؤالين هسه دوري شنو شغلك اعرف تشتغل ويه ابوك
بابل : اني اكون الرئيس من بعد ابويه وبحاول ابويه جان موجود بالشركه اني اصير ببداله بس من يكون موجود لل اهتم بس بالأمور البسيطه مثلا اسوي فحص على المنتجات وشوف الشغل وهاي الأشياء شركاتنه تختص بالمجوهرات والجنط والحياء وبعد أقسام
وتين : ها اوك
بابل : ليش اتبرو من أهلك
وتين : امي ميراس مسيحيه ومن عائله غنيه وابوي محمد مسلم ومن طبقه متوسطه حبو بعض كلش بالكليه من اول سنه جانو بنفس القسم ضلو يحبون بعض وتمسكين بهذا الحب فاهلهم خيرهم بين هل حب وبينهم وهمه ختاري بعض واتبرو منهم ومن وقتها واحنا منقطعين من الشجره محد زارهم او اتصل حتى محد اجه بعرسهم بس اصدقائهم .
بابل: حلو هل حب
وتين : اجيت اني وخربته
بابل : بيا صف بطلت
وتين : ما كملت ثالث متوسط امتحنت نص السنه وبطلت بس اخذت النتيجه مال نص السنه تريد تشوفها
بابل: بله خل اشوف ذكي لا
راح وتين ركض للغرفة طلع الشهاده ورجع انطاهه لبابل فتح بابل عيونه بتفاجأ وحجه
بابل : ولك هاي شنووووو اقل درجه عندك 95حتى بالانكليزي ماخذ 99
وتين : احب الدراسه اني صح توقفت عن المدرسه بس ماتوقفت عن الدراسه جنت دائما بوقت فراغي اقره بدل ما ارتاح جنت اعشق شيء اسمه دراسه حتى قريت كتاب انكليزي صح جان شويه صعب بس عرفت اقراه واترجمه جنت اذا ما اعرف كلمه اترجمها بالمبايل والرياضيات هم زين بيه اصلا اني قاري مواد الثالث الرابع والخامس وحتى السادس قاريهن وحافظهن
بابل : اول مره اشوف هيج شخص مثلك اني بالثالث بالكوه نجحت والله جلاليق نجحت حتى استحي اكلك درجاتي ضحك
وتين وكال : كسولي
بابل : كلش ...... خلصت اسئلتي
وتين : واني هم
بابل : زين وتين ليش ماترجع للدراسه ومعليك بالفلوس اني اتكفل بكلشي حرامات ذكائك يروح مهب الريح
وتين : لا اني ماريد هسه عود اني اجمع فلوس وادخل
بابل : تيني اني موكلك معليك بالفلوس اني ادفع كلشي
وتين : لا لا ماريد اكلف احد عود اني من اريد ادخل
عرف بابل انو وتين مستحيل يقبل ياخذ فلوس أو أحد يساعده .
بابل : زين عندي فكره والرفض ممنوع
وتين : والي هيه
بابل : احنى مثل ما كتلك شركاتنه تشتغل بالازياء والإكسسوارات والجنط وانت ممتاز بالرسم والانكليزي وهاي الأشياء ليش ماتجي تشتغل يمنه بالشركه باي قسم اني اشوفك قسم يناسبك والراتب راح يكون ضعف الراتب الي تاخذه من الشغلتين ومنها راح تكدر تدرس تمتحن خارجي ثالث وسادس
مال وتين راسه للجانب وبوز شفته بتفكير ( اموت على هاي الحركه) ثواني وتفاجأت بشفتين بابل تمتص شفته
فتح عينه ثواني و وخر بابل
: يعني اني لازم روحي بالكوه وهيه تتحرك من تحجي انوب تجي تبوزهه شيصير بعقلي اني ارحمي
خجل وتين ودار راسه
بابل : اروح فدوه لليخجل
صار وجه وتين احمر
بابل : اخ يمه الحكيني راح اموت
وتين بخجل : بالللل كافي
بابل : اموت على بابل من شفتك
ضربه وتين بخجل على صدره
بابل : حتى الضربه ترفه
وتين : اهووو بابل كافي
بابل : يروحلك بابل فدوه هوه وعشيرته ها شكلت
وتين : غير انت كلت الرفض ممنوع اكدر ارفض؟
بابا: لا اكيد مترفه خوش لعد باجر العصر اكلك بيا قسم تشتغل وشوكت
وتين : .. اوك
ضلو يحجون ويباوعون فلم وطبعا ما تخلص هل كعده بدون محارش بابل بوتين
#هشام
_____________&_______ نهايه البارت
كتبت كل الي اتذكره بالبارت الي انمسح
الله لا ينطيهم اخ يله استمتعوا
سلام
