تدرون بعدني حايره بريان وهشام 🥲 المهم يله نبلش ــــــــــــــــــــــــــــــــــــــــــــــــــــ بعد ما طلع الشخص من المكتب دخلت مريه شابه في عرمها تقريبا 30 شعره طويل نسبيا ضافرته طويله وضعيفه شعرها اسود بيضه وعيونها خضر : مالكيتوه لحد هاي اللحظه؟ : لا بس لكينه طرف خيط ثاني وراح يدورون عليه ببغداد : ترى دورتو الشمال كله وكركوك والانبار والموصل مسحتوهن مسح ولحد هاي اللحضه ماكو اي خبر عنه : شسوي سهاد شسوي كليلي والله تعبت ولج وصاني عليه قبل لا يموت ماعرف هسه وينه شصاير بيه وين عايش والله اذا طلع صايره شيء والله ماتحمل سهاد: علكيفك خويه اسعد تلكوه ان شاءلله اسعد: حتى صورته وهوه حبير ماعندي غير صوره وحده وعمره 10سنين ولج هذا ابنه شلون هيج ضيعته سهاد: دمرت حياتك من وراه وهسه تدور على ابنه اسعد: سهاد اسكتي فدوه اروحلج روحي لشغلج شعدج جايه سهاد: راح ينعقد مؤتمر وره المغرب اكيد ما راح اروح وحدي انت وياي وهسه اني رايحه للبيت احمد مريض اسعد: جا زوجج وين ماله لا حس ولا خبر سهاد: يا ماكتلك؟ مد ايده عليه لان المرگه شويه مالحه ونعنعت عظامه وهسه مادري وينه بس الي اعرفه انو ماراح يرجع للبيت اله واني ميته اسعد: طركاعه الطاحت على راسج شسويتيله سهاد: كلشي ماسويت والله بس كسرت ايده المدهه عليه اسعد: يستاهل ماعاش الي يمد ايده على اخيتي سهاد: بس تدري اول مره احس الجم والملاكمه فادوني اسعد: هههههههه دروحي لابنج وعوفي هذاك النثيه عليه سهاد: اريد اخلعه هاي الفرصه الثالثه والاخيره وهوه ضيعه اسعد: دروحي روحي اخلعه اطلكي وكعدي حالي حالج سهاد: رايحه مع السلامه اسعد: الله وياج ..... طلعت سهاد من مكتب اخوها وهيه تحس بالم على اخوها بسبب هذا الشخص. راحت لبيتها حتى ترتاح شويه قبل المؤتمر اما اسعد فضل يشتغل بالمكتب
اما بالجهه الثانيه فبعد ما ودع بابل وتين وراح دخل وتين رتب الصاله وراح لغرفته بدل ثيابه وصور صوره على المرايه بطريقه ماتبين وجهه ونزلها بوست بالانستا وكتب
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
