تين بهدوء: شحابه تشربين؟
نور: مي يكفي ويوفي
تنهد وتين وجاب المي ورجع انطاهيا وكعد مقابيلها
وتين بهدوء: كلتيلي تريدين تحجين وياي بدون علم بابل؟
نور بابتسامه: اذا انته حتى مامنطيه فكه يتنفس براحه
باوعت عليه بقرف ورجعت كملت كلامهة
نور: ابتعد عن ابني ابني مو لوطي مثلك انت مادري شسويتله
نور: ابني يريد يكون عائله يحب الاطفال وما اعتقد انت تكدر تحمل يعني
وتين ببرود: هاي السالفه حجينه بيها هواي ست نور
وبابل بنفسه كلج ماريد شيء
نور: بس لانه ميريد يكسر قلبك
وتين ببرود: اعذريني ست هاي السالفه ما احجي بيها سالفه انغلقت من اخر مره شفناج بيهه
ونرجس اعرف انت وراها وانت تكليلها تسوي هيج وماتسوي هيج واعرف انت الي تدزيلي هاي الرسايل
والصور
نور بخبث: تريد اشوفك صور تبهركك بس شنو هل مره لڤل اعلى مو بابل الي بالصور هلمره انتَ الي موجود بالصور
انصدم وتين وايده كامت ترجف وكل الي فكر بيه هيه ذيج الفتره حاول يتماسك ورفع راسه
وتين: يا صور مثلا
نور بابتسامه خبيثه فتحت التلفون ووجهته لوتين
الي جسمه كله كام ينتفض وعيونه تهتز من الي شافه
الشيء الي حاول يتناساه حاول يمحي من حياته
بس مو راضيه تروح ومثل ما خربت ماضيه راح تخرب الحاضر وتلحقه للمستقبل
ضل ساكت يباوع على الصوره الى ان سحبت نور التلفون منه بقوه وابتسمت بخبث مكمله كلامها
نور: عندي فيديو اذا ماعجبتك الصور.
نور: قال بريء قال شوف زين مني ماشوفت الصور لبابل لحد هسه وماعتقد اصلا راح تحب انه يشوفهم
قصتك كلها عرفتها يا بريء يا نضيفف من ال* الى ال* وطلعتك وحتى ال*.. اعرف بيها وعندي هواي اشياء تثبت انو الي احجيه صح؟
حجه وتين بهدوء رغم جسمه الي يرجف والارتباك الي واضح على وجهه
وتين: سويتي كل هذا البحث بس علمود تبعديني عن ابنج؟ زين وابنج مافكريتي شنو ممكن يصيرله وانتِ
المفروض اكثر الناس معرفه انو بابل حساس جدا
نور: يا توتو يا حبيبي انت شوكت تفهم هذا الشيء شوكت تفهم انو انت وبابل لا يمكن ان تكونون سوه بابل بالقمه وانت بالحضيض بابل انسان ناجح ومعروف ووريث لشركه ومقامه بالمجتمع راقي اما انتَ فانت لا حسب ولا نسب وفوك هذا ** وبعد ** شفت الفرق الي بينك وبينه؟ ابني لازم يتزوج بنيه حلوه نفسه ويجيبون احفاد الي . انت ويننن وابني وين ماريد ابني يضل ويه وصخ مثلك
نزل الاصغر راسه مايريد يباوع بملامحها الخبيثه
هربت دمعه ووراها شلال حط ايده على عينه يمسح الدموع
نور: والله الصراحه حرت هسه اني ومدا اعرف انت تبجي على بابل لو على الحضيض الي جنت بيه
نور: على كلاً اني حجيت الي عندي و.... قاطع كلامها وتين الي حجه بخفه
وتين: زين انطيني وقت ش شهر وخ خلاله راح ابتعد ع عن ابنج
نور ببرود: شهر الك شهر بس وماريد اشوف خيالك كبالي تطلع برا العراق بكبره وين تروح روح عساك لجهنم
لكن ابني ماريد يشوف خيالك فاهم اما بالنسبه للفلوس اني انطيك الي تريده . جوازك حيوصلك خلال الاسبوع هذا
نور بابتسامه: يله اني اروح مع السلامه
كامت نور طالعه من البيت عايفه الاصغر وحده يرجف من الخوف دموعه وحده تتسابق ويه الثانيه على منو الاسرع قلبه الي من سرعة دقاته يحسه يريد يطلع الم راسه الي كانو تحد يضربه ببسمار
قاطع تفكيره صوت الباب الي اندق للمره الثانيه بهذا الصباح مسح دموعه بأيده الي ترجف ذب مي على وجهه حتى يخفي اثار البكاء وطلع يفتح الباب بخفيه
مستغرب منو الي ممكن يجيه هسه لكنن اول ما فتح
الباب انقلب وجهه للبرود وحجه ببحه
وتين: اذا جاي لنفس الشغله فجوابي معروف كافي كتلكم ماريد شيء عوفوني بحالي اموت وحدي محد يعرف عني شلون ابويه مات ومحد منكم اجه شلون امي ماتت وتدمرت حياة ابوي ومحد منكم اهتم او حتى رفله جفن هسه تذكرتو بعد ما بلعهم التراب
