لَيَتٌ لَوٌ کْآنِ عٌنِدٍيَ آجّنِحًهّ
لَتٌحًررتٌ مًنِ قُيَوٌدٍ آلَآرض
آلَقُآتٌلَهّ
لَيَتٌنِيَ لَوٌ کْنِتٌ طِآئرآ.
لَحًلَقُتٌ فُيَ آلَسِمًآء آلَوٌآسِعٌهّ
دٍوٌنِ خِوٌفُ آلَعٌوٌآقُبً بًعٌدٍهّآ
______♕♡___
اندك الباب فتحه بنعاس بس انصدم من الي واكفه كباله وسع عيونه بصدمه
: عمه نجاة!!
غركن عيونه بالدموع واتقرب منها بسرعه يحضنها ويبجي
: انتِ حيه مابيج شيء و ووين رحتي عني ليش.
جان يبجي ويحجي
نجاة وهيه تبجي حجت: الظروف والله الظروف ياروح عمتك انتٓ
ابتعد عنها وهوه يمسح دموعه باوع وراها شاف ثنين رجاجيل
وتين: عمه منو هذوله
نجاة بابتسامه: شنو ماراح تدخلنه
خجل وتين وابتعد من الباب: تفضلو تفضلو
دخلت نجاة ووياها حسين واحمد
راح وتين سوالهم جاي وطلع مي حطهم بصينيه وراح للصاله حطها كبالهم وكعد
وتين: حسبالي صار عليج شيء لان اختفيتي
نجاة بحزن: مابيه شيء بس الظروف
باوع وتين على الثنين وباوع على نجاة بمعنى منو هذوله
نجاة بهدوء: اسمع للنهايه بدون مقاطعه خوش
وتين باستغراب: خوش
نجاة: اني عمتك...
وتين: اي اعرف غير اصيحلج عمه
نجاة: مو كتلك لتقاطعني. اني عمتك اخت ابوك
يعني عمتك بالحقيقه مو هيج وهذا عمك احمد وهذا جدك حسين
انصدم وتين ونقل عيونه بي التلاثه الي كاعدين مقابيله
تبتسم بسخريه: ههه يا هلا اي والمطلوب؟
احمد: عندك ورث مال ابوك نريدك تجي تعيش ويانه
وتين بسخريه: الورث خلو الكم وزعوه على الفقره
مامحتاجه ولا محتاجكم
حسين: نفسه..... نفس ابوك
احمد: لازم ترجع ويانه تتعرف على عمتك الثانيه وولد عماتك هناك تعيش مرتاح حتى دراستك تكملها بالمكان الي تريده. انت ابنه
وتين ببرود: 20 سنه ناسين عدكم ابن 20سنه ماتدرون ابنكم شصار عليه شبيه شيحتاج وين صار
ولكم وين جنتو من ماتت امي وبقه ابويه حاير شلون يعتني بيه ذبني عد الجيران همه يربوني ومن ايد لايد
وين جنتو من تمرض وجنت صغير جنه راح نموت من الجوع لو ما الجيران يعطفون علينه وينطونه اكل
وين جنتو لمن مات؟ وين جنتو لمن ضل اسبوع جثته بالمستشفى بس لان ماعندي فلوس الدفنه الجيران همه الي دفنوه وين جنتو لمن ضليت وحدي واني عمري 13 سنه هااا..... ضحك بسخريه: اني اكللكم وين جنتو
انتو تبريتو من ابنكم بس لانه ماتزوج الي تريدوها تزوج الي يحبهه وهم لانها من غير ديانه استقرفتم منها
وقللتو منها وطعنتو بشرفها وهيه اشرف من اشرف واحد بيكم بكل بساطه طردتو ابنكم الي من لحمكم بس
لانه ماسوه الي تريدوه ....
باوع على عمته والدمعه بعينه: وانتِ الي سنين وانت تجذبين عليه والله جنتي تعرفين امي بالكليه
زين ليش ابويه ما كلي هاي عمتك انت هم وين جنتي؟
انت مووجنتي تحبيني ليش ليش عفتيني بالوكت الي جنت محتاجج بيه بكل بساطه اختفيتي مثل السراب
هسه تريدون ارجع وياكم؟ بعديش
نجاة: وتين اسم...
وتين ببرود: كتلكم الورث وماريده اشبعو بيه كونت نفسي بدونكم وماحتاجكم وعمري ماراح احتاج اشخاص تخلو عن اهلي.... اذا ماعدكم شيء تكدرون تتفضلون
احمد: راح انعوفك هسه بس مو معناها تنسه عندك عمام نرجعلك من ترتاح شويه امشي بويه
حسين: تعال لحضني قبل لا اروح خليني اشم ريحت ابني
وتين: ابنك مات قبل 20 سنه وريحته اختفت وياه.
كام وتين وراح للباب فتحه كام احمد بهدوء وكوم وياه ابوه ونجاة عيونها مدمعه تقربت من وتين
نجاة بغصه: احبك والله احبك بس الضروف ماسمحتلي اكلك والله العظيم انت اغله انسان بحياتي اغله من روحي حتى
وتين ببرود: الظروف؟ ظروف شنو؟ اخوج وابوج؟ جنتي دائما تجين عليه وولا مره شفتهم وياج ؟ الحجي ميرجع المات تفضلو
طلعوا واندارت نجاة على وتين وعيونها مدمعه
سد الباب ودخل يبجي على الذكريات الي بالموت كدر ينساهن او بشكل اصح يتناساهن كام يبجي وهوه حاضن صورة امه وابوه
: بابا شفت شفت الظلم ه هسه يجون يريدوني اعيش وياهم
شفت بس وداعت عيونك ماروح شفتي ماما مابجيت كبالهم طردتهم اذوج وطعنو بشرفج واني اعرف انت احسن منهم كلهم ما ارجعلهم والله لتخافون عليه..............
مشتاقلكم كلش مشتاقلكم والله
