لَآ يَوٌجّدٍ مًآ يَسِمًﮯ حًبً
فُيَ هّذِآ آلَزٍمًآنِ
بًلَ يَوٌجّدٍ مًآ يَسِمًﮯ آمًوٌآلَ
آلَآمًوٌآلَ هّيَ مًنِ تٌعٌطِيَکْ
کْلَ الحب الي تريده
_________&♡_____
بالمطار
الكل جان موجود محاوطين هشان يحضنون بيه
يودعونه ويشجعونه حتى يبدي بالعلاج
بينما ريان لازم بحضنه وحاط راسه برقبته
هشام بابتسام: شبيكم شباب رجاجيل شكبركم شعرضكم تتبجبجون والله حرام بيكم العضلات هاي
بابل بغصه: انجب انجب راح اشتاق لعركاتك
مصطفى: راح نشتاقلك كلنه
هشام بابتسامه: اني راح اشتاقلكم عود تعالولي مو تنسوني وره اسبوع زوروني بين فتره وفتره
ادم بغصه: كل اسبوع تلكاني فوك راسك والله امللك.
ضلو يسولفون شويه وطول الوقت ريان ساكت وراسه برقبه الثاني الا ان صار موعد الطيران
هشام: ريان نمت شنو خل اشوف وجهك
ريان: امممممم
هشام: حبيبي كوم
بابل اتقدم من هشام وباسه من راسه وابتعد
بابل: راح نروح هسه اول ماتوصل اتصل علينه. يله شباب
ودعوه لاخر مره وابتعدو
وتين: وريان
بابل بهدوء: عوفه وياه هسه يرجع
ادم: خلي ننتظره كلها عشر دقايق ويرجع
هشام: شبيه حبيبي ميريد يحجي ها؟
ريان بغصه: همممم
هشام بهدوء: لا تتعبني لا تخليني اندم لان راح اسافر
ارفع راسك خليني اشوفك
رفع ريان راسه يباوع على هشام بعيون حمره
ريان ببحه: لا تموت عليك الله لاتموت قاوم المرض
ماريدك تموت ميصير تموت لا
هشام بابتسامه: هذا قدري الله كاتبه الي مايصير نعترض عليه بس اني لخاطر عيونك راح اقاومه بكل قوتي بس اذا ما اكلت واعتنيت بنفسك صدكني ما اخذ اي دوه بعد ترى اعرف اخبارك حتى لو اسافر بس احد يكلي انت تعبان ومريض لو ما تاكل اني ما اخذ دوه
ريان كام يبجي ويحجي: لاا لا اكل والله اكل و واعتني ب بنفسي بس ا ا انت تتاخذ الدوه خوش
هشام: ان شاءلله .... يله لازم اروح تاخرت راح تفوتني الطياره
حضنه ريان اكثر وقرب شفتهم يدمجهم لاخر مره
بوسه هادئه ابتعد ومسح دموعه وابتسم
ريان: راح انتضرك لا تطول خوش
هشام: ان شاءلله حبيبي
ريان: احبك
هشام: اعشقك رياني اموت عليم افديلك عمري.
التفت هشام يطلع من غرفه الانتظار ماشي باتجاه الطياره
( اكو غرف خاصه بالمطارات)
ريان بصراخ: هشامممممم دديرربالك تموتتتتتتتت
وقف هشام لثواني وابتسم بحزن هوه يتمنى يرجع
كمل طريقه صاعد الطياره وباله مشوش
طلع ريان خارج المطار رفع راسه لكاهم ينتظرونه
بابل: يله امشينه
اقترب منهم وكعد على الجام يم وتين وبابل على الجامه الثانيه بحيث يصير وتين بالنص وادم يسوق اما البقيه فهم بالسياره الثانيه
حضن وتين ريان وحط راسه على جتفه يطبطب عليه
وتين بهدوء: ان شاءلله يرجع احسن واقوى من قبل
ريان: ان شاءلله
وره فتره وبسبب الطريق الطويل بين البيت والمطار نام ريان بحضن وتين وكذالك الثاني نام
ادم بهدوء: شصاير بينك وبين وتين
بابل بتنهد: مادري
ادم باستغراب: متعاركين؟
بابل بسخريه: انت كول متصالحين مو متعاركين مايمر يوم بدون مانتعارك والسبب نفسه
ادم بهدوء: اكعد وياه احجو بهدوء بدون عركات وصياح تفاهمو صححله الي هوه فاهمه غلط ترى حالتكم حاله والكل ملاحض هذا الشيء صارلكم اكثر من شهر على هل حال
