ثاني يوم الصبح بهذاك البيت الجبير شمال بغداد
مجتمعين كلهم على طاوله وحده والعاملات يصبولهم الريوگ يترأسهم رجال جبير بالعمر قد طغاء على شعره البياض ومن جهتة اليسرى ابنه الجبير اما اليمنه فهيه فارغه وباقي المقاعد كاعدين عليها الاطفال والبنات والشباب
رغد بهمس لوسن: اكلج شو اليوم كلها مشتمعه عكس كل مره احس اكو شيء
وسن بنفس الهمس: خاف على ابن عمنه؟
سدن: اسكتن ريم وين
رغد: نايمه جنها جثه اكعد بيها متكعد
وسن: طبعا اذا هيه داكتها للصبح من حلقه لحلقه يمكن خلصت موسم
ندى: عمي اعتقد عندك حجي لان مجمعنه كلنه بامر منك
حسين (جدهم): اي كملو اكل ونحجي بالصاله
وره ساعه تقريبا كلهم اجتمعو بالصاله ورغد راح كعدت ريم الي بالدفرات ياله كعدت دخلو حسام وديار
حسام: يابه صباح الخير
ديار: صباح الهيل شباب وعجايز
الكل: صباح النور
نجاة : انت ماتبطل هاي الكلمه
ديار: يا عمتي يا حبيبتي شسوي غير انتو عجزتو اني شعليه
احمد: الله يطيح حضك
ديار: جزيل الشكر يابه
حسام: اي شنو هل لمه لا وبعد متريكين ومحد مكعدنه ادري جلاب احنه
ندى: كعدتكم مرتين وانتو مثل الجثث ماشاء الله
رغد وهيه تاشر على ريم: وياج جثه ثالثه
ريم: انجبي
احمد: اكعدو جدكم يريد يحجي وياكم كلكم
ديار: خير ان شاءلله
حسين: انتو عدكم عم ثاني اصغر من احمد بس..
رغد قاطعته: كلنه ندري جدو ندري هوه تزوج وحده مسيحيه اوكف خل اتذكر شسمها
حسام: ميراس
رغد: عفيه اي ميراس وانكطع من الشجره واتبريتو منه
وهممممم عنده ابن بكدنه
ديار بصدمه: جذابهههههه عود صدك عنده ابن شو توني اعرف
حسام: لحضه لحضه وينه هسه؟
حسين بصدمه: انتِ منين تعرفين كل هذا
رغد بتفاخر: خبره جدو خبره
سدن: جذابه سمعتكم تحجون انت وعمو احمد
ندى: اسكتن كافي اي عمي كمل
حسين: اي راح نجيبه يعيش هنا هوه يضل ابن ابني
وشايل دمه
نجاة بهدوء: زين انتو تندلون مكانه؟
احمد: اي عرفنه مكانه من خلالج
نجاة بصدمه: شلون
حسين: روحاتج بالسبوع مرتين شككت حتى الجن بيج
نجاة بهدوء: من شوكت تعرفون؟
احمد: من زمان مده طويله كلش عرفنه بس سكتنه
سدن: ياناس ماجاي استوعب سوعبوني
وسن: يعني عمه نجاة جانت تروحله؟ جانت تعرفه؟
ريم: زين شنو اسمه شلون شكله
نجاة بابتسامه: اسمه وتين ابيض وشعره اسود ضعيف وعنده عيون لونهن سمائي فاتح يشبه الثلجي ماخذ ملامح من ابه وابوه هادء ومؤدب اشوفكم صورته؟
رغد وديار: اي اي اي اي اي
حسام: خل نشوفه بله
نجاة: دقيقه اجيب الصور واجي
سيف: يعني راح يجي يعيش ويانه
احمد: اي
انس: هلا بيه بس هوه الولد يعرف راح تجيبوه هنا لو تسووله سبرايز
سيف: اتوفع راح يسووله سبرايز
احمد بضحكه: اي راح نرولحه نسويله سبرايززز
لؤي: تاخذون منو؟
احمد: اني وجدكم ونجاة واخذ واحد منكم
سيف: اكيد مو اني
انس: اني اني خل اروح
لؤي: واني
حسين: لا ناخذ سيف
سيف: ليش جدي ليششش مو لؤي علساس اول حفيد ومن هاي الكلاوات اني شكو
حسين: شعدنه ماخذينهم يخرعون بالولد واحد اضخم من الثاني جنهم قوم عاد همه وعضلاتهم يخوفون الجن
سيف: جا واني شنو مايخزرن بيك عضلاتي
حسين: لا ميغزرن تجي يعني تجي
انس: مشكور شيخنه ماقصرت
احمد بضحكه: يشاقه وياكم بس يريد ياخذ سيف على عناده
سيف: امرنه لله
رغد تقربت من جدها ولزكت بيه تحضنه وتبوس ايده
: جدو خل اروح وياكم عليك الله
حسين: لا شعدج جايه
رغد: عليك الله عليك الله والله كلشي ما احجي حتى متحسون بوجودي
ديار: حجت الفاره
رغد: غرد الغراب
ديار: شعدج موليه عود اني اروح احسن
رغد: انت شكو
سيف: كافي
رغد وديار بنفس الوقت: انت معليك
سيف ندار على احمد: شوف يابه شفت هسه من اكوم اركع راس براس احد يكلي ليش
احمد: عوفهم سيف وانتو محد يروح منكم لانتِ ولا هوه بس اني ونجاة وجدكم
نجاة: هاي الصور تعالو شوفوه
التمو كلهم داير مداير نجاة
نجاة: هنا جان عمره ست سنين
سدن: يمههههههه يخبللل شنو هاييي شهل حلا
ريم: ملاك هذا
حسام: صلاوات
نجاة: هنا جان عمره 9سنين
لؤي: عود هذا صدك ابن عمنه
نجاة بضحكه: لعد لو تشوفون حركاته هاي ها عمره 11 توه راجع من المدرسه
رغد: صاكك ابن عمي صاك
نجاة: هاي هنا عمره 16 هاي اخر صوره عندي وراها مارحت
حسام: هذا شنو يخبل بس عيونه لونهن حلو بي غريب شويتين
سدن: غير على امه
وسن: ليش كمتي متروحين
نجاة: مابتعدت عنه دائما توصلني اخباره اني بس كمت مارولحه
لؤي التفت على احمد: شوكت تروحون
احمد: اسبوع ونرولحه
رغد : الله متحمسهههه
وسن: وذا ماقبل يجي؟
احمد: هسه منا لسبوع الله كريم يله اطشرو كلمن لشغله
انس: رايح المستشفى اني محتاجين شيء
حسين: سلامتك
احمد: الله وياك
لؤي: اوكف اوكف تعال وصلني سيارتي بالتصليح
سيف: واني هم
انس: يله بسرعه نص ساعه اذا ماخلصتو اروح واعوفكم
كامو بسرعه يبدلون وانس منتظرهم يم السياره
وره ربع ساعه تقريبا نزلو ثنينهم ببدلاتهم العسكريه
سلموا وراحو صعدو بااسياره
انس: والله لو ماجاين جان طلعت وعفتكم
لؤي: الله لا يخلينه على منيتك دكتورنه
حسام: يله بسرعه احنى متأخرين مو وكت مزعطه هسه
حرك انس السياره وراحو لوجهتهم
