" ဟိတ်!! ထ..ထကြစမ်း...မင်းတို့ ညကအဲ့လောက်တောင် သောက်ထားရသလား "
မနက်မိုးမလင်းသေးဘူး အိပ်ကောင်းတုန်းရှိသေးလူကိုလှုပ်ကာနှိုးလာသည့် လူတစ်ယောက်။ ခေါင်းကိုက်တာကတစ်မျိုး အိပ်ရေးမ၀တာကတစ်မျိုး နှိုးတဲ့သူကတစ်မျိုးဖြင့် ရိုက်ချက်တွေက ပျင်းလာတော့ ဒေါသကထောင်းကနဲ ထွက်လာသည်။
" ဘာလဲကွာ!! ဘယ်သူလဲ!! ဘာကိစ္စမိုးမလင်းသေးဘူး လူကိုလာနှိုးနေတာလဲ!! "
မျက်လုံးကိုဖွင့်မကြည့်နိုင်သေးပဲ သူ့ကိုလာအော်နေတဲ့ကိုးကို ခုနကထက် နှစ်ဆလောက် အားပိုထည့်ကာ ရိုက်ချလိုက်သည်။
" ဟျောင့်!! ဇ၀ါ နာတယ်ဟ!! "
" နာအောင်ရိုက်မှတော့ နာမှာပေါ့ ငမူးကောင်ရဲ့...အချိန်လဲတစ်ချက်ရှိုးဦး လခွမ်းကိုမိုးမလင်းသေးတာလား နေကမင်းဖင်ထဲတောင် ထိုး၀င်တော့မယ်...ဟိုဘက်က ကိုယ်တော်လေးလဲ ကျွန်တော်မျိုးရဲ့ ရိုက်ချက်ကို ထပ်ပြီးမခံချင်ရင် အမြန်ထတော် မူပါနော် "
မနေ့က ဒီနှစ်ကောင်ဘယ်လောက်တောင် သောက်ထားသည်မသိ ၀ယ်လာတဲ့ အရက်တွေတော့ အကုန်ပြောင်ပြီ...ဒီတစ်ခါနဲ့ဆို ဒီနှစ်ကောင်ကို နှိုးကြတာ သုံးခါတောင်ရှိပြီ ပထမက ကိုကိုကသွားနှိုးသော်လဲ မထကြ...မမနွေသွားနှိုးပြန်တော့လဲ မရ...အခုတစ်ခါ အကြမ်းနည်းသုံးပြီး နှိုးတော့မှသာ ထကြသည်။
ဒါတောင် ရေချိုးခန်းထဲ အိပ်နေကြဦးမလား မသိ...။
" နိုးသွားပြီလား "
မီးဖိုချောင်ထဲကိုပြန်၀င်လာတော့ မုန့်လုံး,လုံးနေသည့် မမနွေကမေးလာသည်။ ခုံမှာပြန်ထိုင်လိုက်ပြီး လက်ကိုဆီစွတ်ကာ မုန့်လုံးပြန်လုံးရင်းပဲ...။
" နိုးပြီလေ...မနိုးလို့လဲ မရပါဘူး ကျွန်တော့်လက်ကဒီလောက် စွမ်းတာကို ဟင်းဟင်းး "
သူ့လက်ကိုထောင်ပြကာ ပြောလာသည့် ဇ၀ါ့ကြောင့် လုံးနေတဲ့ မုန့်လုံးပင်ပြားသွားရသည်...။
" ဇ၀ါ "
" ပြောလေ မမနွေ "
" တို့ကိုတစ်မျိုးတော့ မထင်ပါနဲ့...တို့တစ်ခုလောက်မေးချင်လို့ "
YOU ARE READING
ဟိုဘက်အိမ်က ကျွန်မရည်းစား
Romanceကိုယ်အီစီကလီ လုပ်ခဲ့ဖူးသူရဲ့ ညီမကလဲ ကိုယ့်ရဲ့အမြတ်နိုးရဆုံး လက်တွဲဖော်၊ ချစ်သူ တစ်ယောက်ဖြစ်လာနိုင်သည်။
