تخيلوا معي ان يروى عن قصه في رمشه عيناك دواء 2
الجزء السادس :-
وريف : العبب يالحماس ..
ضحك الضيم : بنت روفان شنقول عاد
وريف عبست بوجهها بزعل : وش فيها بنت روفان
ضيم ابتسم : عسل
وريف ضحكت : حضن حضن
ضيم بخبث وهو يقفل الباب : خذيه من أيان
وقفت وريف بصدمه وهي كانت تتوقع انه يمزح وراحت عند الباب تدقه بقوه لأجل يفتح لها
وريف : بابا بابا انا اخاف لوحدي
ضيم : والله؟ انا الي اعرفه إنه إذا شفتك مرة باليوم برا غرفتك نعمه
وريف : بابا استوعبت اني بنتك الوحيدة
ضيم : عقد قرانك الليله يا وريف
وريف كانت تنادي ابوها لكن صوته اختفى .. جلست بصمت ومن ثم قامت تدق الباب بقوه لتكمل خطه أبيها ..
دخل البراء للقصر وسمع صوت عند غرفه من الغرف إلي ناسي هي حق مين من الأساس ..
ضيم : قلت ماني فاتح ياوريف
هنا أدرك البراء انها غرفه وريف
روضا : البراء الحق عمي ضيم حبس وريف ويبغى يزوجها أيان اليوم غصب عنها
وريف هجدت يوم سمعت اسم البراء ووقفت دق في الباب .. لكن الجمها رد البراء على روضا
البراء ببرود : اضن انه ابوها وادرى بمصلحتها وبعدين وين الي غصب هي توها كانت تقول مواقفه على أيان قدام الكل .. ودحين يوم تم عقد القران تقول هل كلام
طاحت يدها من الباب بصدمه من الي سمعته وقالت بهمس : البراء وين أيان
البراء ببرود : مدري
أدركت سؤالها عنه وكأنه بيهون عليها وجع قلبها وهي من قبل مادرت عنه حتى والحين جاية تسأل عنه؟!! أمر غريب بالنسبه لها ..
دخل أيان القصر بطلته وثوبه الأسود الي بارز عضلاته الملفته نزع نظارته السوداء بهيبه .. رماها للطاوله إلى كانت بمدخل القصر .. قربت وحدة من الخادمات وشالتها وحطتها في مكانها المخصص .. طلع لفوق بهدوء تام جاهل ماتعافره زوجته من وجع وألم قلب في الأعلى وتطلب مجيئته .. سمع صوت صراخ ضيم على وريف .. ماكان يدري انه يصرخ على وريف من الأساس لكن يوم اقترب للصوت أدرك انها غرفه وريف .. قرب ببطئ ومن ثم اسرع بخطواته يوم سمع وريف تنادي بأعلى صوتها : إيان إيان الحقني
وقف أمام ضيم بهيبه وقال بهدوء : وش فيك ياقلبي
وريف بصوتها كله تستنجد فيه : أيان طلعني من هناا تكفي
فتح ايان الباب لكن كان مقفل لف نظره لضيم وقال بغموض : ليه الباب مسكر ؟
ضيم بكذب : مزاجي وانا عمك
أيان بدون وعي لكلامه صرخ على عمه : عمي اجل !! افتح الباب مالك حق تقفله عليها
ضيم رفع حاجبه : تحلمم .. مالك شوفه لها اليوم
أيان : وانا احب أحلامي تصير حقيقه ولاتنسى إني حفيد شادي
ضيم : ولا تنسى اني ولد شادي
أيان تجاهله وقال موجهه كلامه لوريف : قلبي انا ابعدي عن الباب
ضيم أدرك الي بيسويه أيان وانه من الواضح بيكسر الباب
ضيم طلع المفتاح بسرعه وفتح الباب وأبعد شوي .. لكن يوم كان أيان بيدخل حط ضيم يده على الباب مانعه من الدخول
أيان مسح على وجهه وقال بصوت عالي : وريف انتي بخير .. مدري وش صاير لعمي اليوم
وريف كانت تبكي وسمعوا ضيم وأيان صوت شهقاتها وفزوا الإثنين يدخلون يشوفونها
ضيم بخوف : وريف وش فيك .. كنت امزح ترا وانتي تدري
ناظر أيان لضيم يستأذن منه .. هز راسه بالموافقه .. قرب من وريف بسرعه حضن وجهها بيده ..
أيان : وش فيك ياقلبي تبكين ليه
حضنته وريف بقوه وقالت : اسفه
أيان : على ايش
وريف ابعدت وضحكت بقوه : مادريت اني ممثله ناجحه لهدرجه
وسعت عيون أيان وناظر في ضيم بسرعه ضيم وقف للحظه وثم خرج وقفل الباب وراه ابتسم أيان بخبث وقرب من الباب وقفله بالمفتاح .. فزت وريف بخوف : ليه مقفل الباب
اتجه أيان للسرير وبخبث : ودي انام الصراحه
وريف : ايان بلا غباء اطلع برا
أيان مارد عليها .. قربت منه وهي تقول : أيان أيان ابوي لو شافك هنا وش بيصر .. قوووم
ماكان في رد منه .. دخلت غرفه الملابس بقله حيله وغيرت لبسها ونامت بنومم عميق ..
عند روضا وبرق :-
دخلت روضا الغرفه .. ابتسم برق : قلبي وين كنتي
روضا : صراحه ولا اختها
برق بمزح وحدة مزيفه : روضا اعقلي
روضا : اضحك على غيري انا اعرف يوم تعصب ويوم تتصنع المهم كنت عند ديار
برق بتساؤل : اي هيا وينها فيه مختفيه
روضا : اي مشغوله مرهه لدرجه يوم رحت لها بالقوه اقنعتها تترك شغلها شوي وتجي معانا لفوق
برق : بتطلعين يعني
روضا : اي بنتجمع احنا والبنات
برق راح للسرير ينام : تمام انا بنام عندي دوام الصبح
روضا : تمام تصبح على خير
برق : وانتي من أهل الخير ياقلبي
في السطح كانوا البنات مجهزين جلسه حلوه لهم مع نسيم الهواء .. جلست روضا وهي تدور بعيونها على وريف لكن ماكانت موجودة ..
روضا بإستغراب : وريف وين ؟ وكمان ناي وينها
سندس : شكلك ناسيه انه بكرا احد وعندهم مدرسه
روضا ضربت على رأسها بخفه : اوه نسيت
كملوا سهرتهم وكانت ديار مشغوله بجوالها لحد مااسأذنت ونزلت للمجلس وبعد شوي ضحكت بفرح يوم أنجزت شغلها ونجحت فيه .. لفت الشال على خصرها و قامت ترقص بـ إحتفال وسعادة .. فتح باب المجلس لأجل ياخذ جواله الي نسيه في المجلس وشافها كان مصدوم وهو مو مستعد لهذا اللقاء الي هرب وابتعد عن اهله من أجله
ياترا مين الشخص الي دخل المجلس ؟
وهو هرب لأجل أيش؟
كل الأحداث بنعرفها بالبارت الجاي ان شاء الله .. قراءة ممتعه حبايبي 🥹💕
أنت تقرأ
في رمشه عيناك دواء (2)
Romanceلقد عدت بعد إنتظار لأروي لكم قصه تتحدث عن بينما كان البطل مشهور والبطله طبيبه فماذا سيحدث عندما تكون البطله مديرة أعمال والبطل شرطي .. ؟ في رمشه عيناك دواء 2
