صقر بسخريه: شكلك بتحبي ابوكي جوي وده اللي عايزه، بنت المنشاوي بتقلب قطه لما بتيجي سيره ابوها، انا برضو سمعت ان ابوكي روحه فيك عن بقيت اخواتك، يعني الضربه هتكون قاضيه مش بعيد يتشل فيها.
عطر بصدمه: لا ابوس يدك انا هعيش خدامه عندك لكن بلاش تعمل اكده ابوي صاحب مرض،ويمكن يروح فيها.
صقر ببرود: اطلعي علي الغرفه اللي كنتي فيها وماتخرجي منها واصل فاهمه وخالتي هتجيب لك كل طلباتك.
عطر بحزن: انا عارفه انت واخدني كوبري تنتقم بيه، لكن انا مش هحقق لك غرضك، وابوي لما يعرف هيجي وينقذني منك.
صقر ببرود: مش يمكن يخلص عليكي ويرتاح من عارك، انت لسه ماتعرفي ابوكي صح، لكن هرجع واقول انتي ماتهمني واصل لكن عمرك ما تنسي انك دلوقتي مرتي وعلي ذمتي ولو فكرتي تعملي حاجه تضر اسمي هقتلك فاهمه،انا اتجوزتك عشان اذل ابوكي واحرق قلبه عليكي فاهمه يابنت المنشاوي يالله اطلعي علي قودتك ورجلك ماتعتبي براها واصل .
