ويبقي العشق ❤...

البارت 13...

لا حول ولاقوة الابالله العلي العظيم 🌺 ....

اسفه النت كان فاصل..
وعوضتكوا ببارت كبير 🥺

في دار سالم الابنودي...

سالم بفرحه: اخيرا نورت دار جدك يامحمد، بعد طول غياب.

محمد بحب: انت عارف الظروف ياولد عمي،بعد اللي حصل زمان،حسيت بالخجل و قررت اسافر واستقر وشكلي اكده اتعودت علي الغربه.

رحيق بترحيب: اتفضلي يارباب تعالي سلمي علي الحجه كامله فوق
.
جاسم بأدب: فين كرم ياطنط رحيق؟.

رحيق بحب: اطلع له فوق هو في غرفته تاني غرفه علي الشمال.

جاسم بحب: شكرا ياطنط، انا هطلع اقعد معاه.

جميله بحب: اهلا ياطنط رحيق وحشتني اوي..

تنزل رحيق لمستوي جميله وتضمها لصدرها وتقول بحب: وانتي وحشتيني جوي ياجميله.

جميله بخجل: فين حنين ياطنط عايزه العب معاها.

رحيق بحب: هتلاقيها بره في الحديقه، استني هشيع معاكي هنيه تروح توصلك ليها...وبصوت عالي  تنادي رحيق علي هنيه...

تاتي هنيه مسرعه  تلبي النداء..

رحيق بحب: خدي جميله للجنينه و وصليها لحنين واعملي العصير ليهم وطلعي عصير علي غرفه كرم واعملي حساب جاسم معاه.

هنيه بطاعه: حاضر يارحيق هانم.

ترحل هنيه مع جميله للخارج وتصعد رحيق مع رباب لاعلي لتسلم علي الحاجه كامله في غرفتها.

في الصالون...

سالم بحب: انت اخوي الصغير يامحمد، وانت مالك ذنب واصل باللي حصل من والدتك، لكن انا هملتك براحتك، عشان جدي الله يرحمه وافق علي سفرك، لكن نفسي ترجع تاني ياولد عمي تعيش وسطينا ، وتشتغل في ارضك وتدير مالك، انا عايز اخف الحمل من عليا.

محمد بحب: انا خلاص راجع وناوي استقر اهنا مع ابوي،وخصوصا بعد ماسلمي سافرت.

سالم بحيرة: سافرت فين مش عمي حابسها في المخزن.

محمد بصدمه حابسها في المخزن ليه؟.

سالم بحزن: من كام حوالي شهر ونص جالي خبر من ناس اكده، ان سلمي بتدور علي قاتل يقتل ولدي كرم، وبصراحه انا ماسكت وبعت لها تحذير، لكن عمي لما عرف حابسها في المخزن من يوميها، لكن بعد كده ماسمعت حاجه عن الموضوع ده.

محمد بحزن: هي حصلت للقتل ياسلمي مش كفايه اللي امي عملته قبل سابق وكلام الناس عنا زمان، انا مش عايز اللي حصل زمان يتكرر تاني، ليه حق ابوي يحبسها.

سالم بحزن: انا مش عارف ايه اللي حصل معاها كان طيبه وعمري ماشفت منها حاجه عفشه وكانت عايش مع اخوي كيف السمنه والعسل.