Remember Me

Episode - 1. A Story

Sam , Abhinav , Luna , Dev , Daniel aur April sath me ek cafe me coffee peete hue Ava ke aane ka wait kar rahe .

Apne mobile ko side rakh kar Sam ne sabse kaha " Guys , Ava ne kaha hai vo bas 5 min. me yahan pohoch jayegi ...... Vese tumhe kya lagta hai usne aise achanak hum sabko yahan kyun bulaya hoga??? "

" Lagta hai iska phir kisi se breakup hogya ..... " Luna ne has kar coffee ka sip lete hue kaha.

Abhinav ne time dekha aur kaha " Ye bhi na mera match Miss karwake manegi !!! Aaj itna important match tha humara cricket ka .. Aur vo bhi us Rohan ke group ke sath.... Mujhe match me na dekhkar vo mera bohot mazak udayega "

Dev ne Abhinav ki taraf dekhkar usse haste hue kaha " Tujhe tere gali ke cricket ki padi hai. Bhul gya kal hume apne assignment jama karne hain college me nhi to vo Mr. Vampire kal phir humara khoon piyenge aur sath me taane bhi marenge ' Tumlog college ke 3rd year me ho phir bhi tumhe apni zimmedariyo ka ehsaas nhi hai
" Dev ne apne teacher ki nakal karte hue kaha.

Dev ko aisa karte dekh sabhi hasne Lage . Tabhi wahan Ava bhagti hui aayi . Usne table per rakha Pani Piya aur kaha " GUYSSS.......... DEKHO MUJHE KYA MILA !!!!!!! " Usne sabhi ko ek purana sa kaagaz dikhaya jisper kisi jagah ka naksha bana hua tha .

Daniel ne kaagaz uske hath se liya aur kaha " Ye tumhe kahan se mila ???? Ye to shayd usi secret gate ka naksha hai...... " Daniel ne map per Bane ek darwaze ki taraf ungli rakh kar kaha. Us darwaze ke dono taraf do bade bade daant bane hue the. Vo dikhne me Aisa tha mano kisi ka muh hi ho ... "

Ava ne hairan hoker Daniel ki taraf dekhkar kaha " Tumhe kese pata ???? "

Daniel ne kaha " Mene is darwaze ke bare me apne dada ji se suna tha .... Uske baad mene isper Boht research bhi ki . Kaha jata hai ki Aaj se 200 saal pehle ye darwaza kisi ne khola tha tab lekin iske bare mein kisiko kuch pata nhi tha . Ye darwaza humari duniya se chupa hua tha . Kehte hain ki ye darwaza humari duniya ko Vampires ki duniya se jodta hai . Jisne ye darwaza khola tha vo paas ke hi kisi gaon ki ek simple si ladki thi Jo bhatak kar galti se us darwaze Tak pohoch gyi thi. Us darwaze ke us aur kya tha aur us ladki ke sath kya hua kisi ko kuch nhi pata chala. Phir kuch time baad vo ladki dubara dekhi gyi. Lekin hairani ki baat ye thi ki vo ladki 10 saal se laapta thi aur jab vo mili tab vo bilkul pehle jaisi thi---"

" Pehle jaisi thi mtlb???? " Luna ne bich me hi Daniel ko tokte hue pucha .

Ava ne kaha " pehle jesi thi mtlb uski Umar bilkul bhi nhi badhi thi . Vo 10 saal pehle jitni Jawan thi utni hi Milne ke smaay thi. " Ye sunkar sab hairan to the lekin abhi bhi kisiko is kahani per bharosa nhi tha .

Daniel ne aage kaha " Us ladki se jab pucha gya ki vo itne saal kaha thi to us ladki ne koi jawab nhi Diya vo bas roye jari thi aur keh Rahi thi ' Mujhse galti ho gyi ..... Mujhe maaf kardo.....mujhe bacha lo ......mein marna nhi chahti ......' Ye sunkar sabhi gaon wale hairan the lekin vo ye samajh hi nhi paa rahe the ki vo ladki aakhir dar kisse rahi hai. " Daniel ne thoda ruk kar phir kaha " Do din baad us ladki ki laash jungle me ek ped ke niche mili .... Aur vo wahi ped tha jisme ye darwaza bana hua hai..... Us ladki ke gale per do daanton ke nishaan the jisse logon ne ye Maan liya ki us darwaze ke us paar Vampires hain jinse jitna door raha jaye utna acha .......  Us din ke baad logon ne us jungle me ya us ped ke paas Jana band kardiya . Lekin kuch bachhe jo excitement aur thrill ko mehsoos karna chahte the unhone us ped ke paas Jane ka decide Kiya lekin usme se ek bachhe ne mana kardiya ..... Vo bachhe bhi us din ke baad aajtak kisiko nhi mile . "

Ava ne phir excited hote hue kaha " kyun na hum un bachho ko dhundhne chale???? "

Is baat per April ne darte hue kaha " Nhi Nhi !!!! Jab vo jagah itni khatarnak hai to hum wahan kyun jayenge bhala agar hum log bhi gayab ho gye to ???? "  Phir usne thoda sochne ke baad dubara kaha " aur agar hum wahan chale bhi gye to kya guarantee hai ki vo bachhe hume milenge ye baat to 200 saal purani hai na .... "

Sam ne kaha " Lekin agar vi bachhe mare na ho to ???? I mean vo ladki jab khoyi thi aur jab vo mili thi tab uski Umar utni hi thi . Kya pata un bachhon ki Umar bhi utni hi ho . Aur kahani ke mutabik vo ladki kisi se maafi maang Rahi thi aur apni Jaan bakhshne ko keh Rahi thi. Kya ho agar usne dusri duniya me koi galti ki ho jiski saza use mili??? Aur agar vo galti un bachho ne nhi ki hogi to shayd ho sakta hai vo log abhi bhi us duniya me zinda ho????? ."

" Exactly!!!!!! I think we should do it . Vese bhi hum log aajkal boht zyada mobile use kar rahe Hain .... Hume aisa kuch adventurous try karne ka agar moka mil Raha hai to hume karna chahiye . " Luna ne excitement se kaha .

Dev aur Abhinav ne bhi Luna ki baat se agree Kiya . Ab kyunki 7 me se 6 log raazi thi to April ne bhi is adventure ke liye haan kardi . Sabne milker plan banaya ki vo apne Ghar per trip per Jane ka bahana banayenge . Aur Sunday shaam ko Milne ka plan Kiya . Raaste ka dhyan rakhna aur route ka decision Sam aur Dev ka tha.
Khane ke saman ki zimmedari Daniel aur Ava ki thi. Camping ka saman aur baki sabhi zaruri saman ki zimmedari Luna , April aur Abhinav ki thi.