Remember Me

Episode - 5. April????

Jab Agle din sabki aankh khuli to unhone sabse pehle is jungle se bahar nikalne aur kisise madad mangne ka decision liya. Halaki Sam is baat se raazi nhi thi aur na hi Abhinav. Vo log Ava aur Luna ko liye Bina yahan se nhi Jana chahte the. Vo log bakiyon se is baare me kuch baat karte usse pehle hi unhe Dev ke chillane ki aawaz sunai di. Vo sab wahan pohoche to unhe dekha ki Haveli ke back side ek pole se Luna ki laash latak rahi hai aur April gumsum si bas use ghoor rahi hai. Luna ko aise dekhkar vo sab Darr gye. Aur rone Lage. Unhone Luna se use na bacha pane ke liye maafi maangi .

Sam is jhatke ko bardasht na kar saki aur behosh ho gyi. Abhinav ko ab Ava ki aur bhi zyada chinta hone lagi usne socha ' Kya Ava thik hogi?????? Vo bhi to Luna ki aawaz ka picha karte karte kho gyi thi. Kahin use bhi to----- ' aise bure khayalo ko apne Mann se nikalte hue Abhinav ne sir jhatka .

Dev ne Sam ko uthaya aur Haveli ke back yard me use jahan baarish ki wajah se thodi narm zameen thi wahan use leta diya
Daniel ne Luna ki laash ko niche utara. Uski body per koi khaas chot ke nishaan nhi the. Lekin...... uske gale per kisike kaatne ka nishaan zarur tha. Ye bilkul us kahani jesa tha. Jab Tak vo log kuch samjh pate vo danav wahan aagya aur Sabko dur bhaga kar Sam ke behosh shareer ko utha kar jungle me kahin gayab ho gya.

Bas yehi moka tha Abhinav , Daniel , Dev aur April pe apne dosto ko bachane ka aur pata lagane ka ki aakhir Ava kahan hai aur ye danav Sam ko kahan le ja Raha hai.

Unhone uska picha Kiya phir ek ped ke piche jakar vo danav gayab ho gya. Unhone aas paas dekha to wahan kuch nhi tha. April ne un sabko us ped ki taraf ishara karke ikattha Kiya. Unhone jab dhyan se dekha to paya us ped me ek darwaza tha. Jo kafi bada tha lekin ped ke ghane hone ki wajah se chipa hua tha. Ye darwaza bhi bilkul us kahani ki tarah tha. Un sabne andar Jane ka decide Kiya kyunki vo kisiko is jungle me akele nhi chhod sakte the . Aur vo Sam aur Ava ko bhi bachana chahte the .

Vo sab jab us darwaze me ghuse to unhone paya ki vo usi jungle me hain.....lekin wait wahan din tha lekin yahan andhera hai. Vo log itna to Jaan chuke the ki vo kisi aur jagah aa chuke Hain lekin kahan ??? Iska jawab milna abhi baki tha. Vo log us ghane andhere jungle me aage badhte gye. Unhe us danav ke pairo ke nishano se pata chal Raha tha ki vo kahan gya hai.

Vo nishaan unhe ek boht hi Sundar Haveli tak le gye. Vo dekhne me aisi thi mano us purani haveli jisme vo kuch der pehle the uska kisine renovation Kiya ho. Ye Haveli kafi badi aur Sundar thi. Mano is haveli ke ek ek kone ki bohot ache se dekhbhaal ki gyi ho. Vo log us haveli ke paas gye aur khidkiyon se andar jhank kar dekhne lage. Wahan unhone paya ki jo aadmi kal us danav se baat kar Raha tha vo ab sofe per betha tha. Aur Sam usi ke sath sofe per behoshi ki halat me leti Hui thi. Sam ke sir ko usne apne seene se laga kar rakha tha aur vo apni ungliyon se uske baalon ke sath boht pyaar se khel Raha tha. Danav ek kone mein Un dono ki pehre dari kar Raha tha. Taki unhe koi disturb na kare.

Ye dekh kar Dev ko boht tez gussa aaya lekin jese hi vo aage badhne wala tha use Daniel aur Abhinav ne rok liya. Vo log gate ke paas khade hi the ki April ne unhe Haveli ke andar dhakka de diya. Vo log sidhe us danav ke pairo ke paas jake gire. Us danav ne turant Abhinav aur Daniel ko apne haathon se utha liya aur ek pair Daniel per rakh Diya taki vo wahan se kahin aur na Jaye.

Vo aadmi jo sofe per betha tha itna sab hone se ab boht gusse me tha aur April ko gusse bhari aankhon se ghur raha tha. April muskurayi aur boli " WHAT'S UP BROTHER!!!!!!!! IT'S BEEN A LONG TIME !!!! Kya aapko meri yaad nhi aayi?????....." April ke hao bhao ab bilkul badal chuke the. Abhinav , Dev aur Daniel to use aise dekh kar sadme me the. April us danav ke paas gyi aur use gusse me dekha aur kaha " Daniel ko chhod do nhi to mujhse bura koi nhi hoga " Us danav ne dar se apna pair turant Daniel per se hata liya. "

April aage badhi aur Daniel ke samne Beth kar use bohot pyaar se dekhne lagi phir usne apni ungli Daniel ke chehre per boht aaram se pheri aur kaha " Bhaiya !!!!! Meet Daniel.... My love....." Daniel ne apna chehra dusri aur ghumaya aur gusse me April ko dekhte hue kaha " To tum sabkuch pehle se janti thi?????? Is sab me tumhara hath tha....... Luna ne tumhara kya bigada tha.....uske sath aisa kyun Kiya tumne . "

Jab April ne Daniel ke muh se Luna ka naam suna to uske chehre per jo Khushi thi vo gusse me badal gyi aur use trip per aane se ek din pehle Jo Luna ne usse kaha tha vo yaad aaya.

Trip se ek din pehle :

" April me ye baat sirf tumhe bata Rahi hu. Tum please ye baat kisiko mat batana .... Daniel ko to bilkul nhi. Daniel ko me kafi samay se pasand karti hu lekin usse kabhi kehne ka moka nhi Mila . Ab jab humlog is trip per ja rahe Hain to mein soch Rahi hu ki use apni Dil ki baat isi trip per sahi moka dekhkar bata du. " Luna ki aisi baatein sunkar April ko andar hi andar boht gissa aaya lekin usne apne chehre ke expressions normal rakhe.

" OMG!!!!! REALLY ....... It's gonna be so romantic...... I am rooting for you..... Best of Luck " April ne jhooti muskurahat ke sath kaha.

Present Time:

April ko jab purani baatein yaad aayi to vo Daniel ko gusse se dekhne lagi aur usne kaha " Use tum pasand the ........ Lekin Aisa kese ho sakta.... You are my love...... I love you........aur mere alawa tum kisi aur ko pasand kar bhi nhi sakte......" April itna kehkar Daniel ke chehre ke paas gyi aur uske gale ke boht paas pohochne ke baad jab vo use apne honthon se chune hi wali thi Daniel ne use khud se dur kar Diya. Daniel ki aankhon me jo gussa tha ab uski jagah ghin ne le li thi. Use April se nafrat ho Rahi thi. Daniel purani April jo khush rehti thi , kam bola karti thi , sweet aur caring thi, ko yaad karke ab boht udaas bhi ho chuka tha.

Daniel ko April pasand thi. Lekin vo April ab badal chuki hai ye ladki April nhi ho sakti......Daniel ke dimag me itni cheeze sath chalne se use chakkar aagye aur vo wahin behosh ho gya. Uske behosh hone per April khadi hui aur usne us danav ko kaha " In dono ko basement me band kardo aur Daniel ko mere room me le jao ...... Muhe apne Bhai se kuch baatein karni hain. "

" Vlad bhaiya aap jante hain na ki mein aapse naraz hu...... Mtlb ek ladki ke liye aap apni behen ko bhool gye. Mujhse pehle aapko iss ladki se milna tha?????? " April jhut ka gussa dikhate hue Vlad se ye baatein bolte hue sofe per Beth gyi .

Vlad jo ki abhi bhi gusse me tha , usne Sam ke sir ko aaram se sofe per rakha aur April ka hath pakad kar khinchte hue use haveli se bahar le gya. Phir usne gusse me April se kaha " Yaad...... aur tumhari????? Kabhi nhi...... Tumhe kya lagta hai ki mujhe nhi pata ki tumne kya Kiya hai. In logon ko yahan aane se tumhi thi na jo mana kar Rahi thi . Ye jante hue bhi ki inka yahan aana mere aur Akshat ke liye kitna important hai........ Aur tum khudko meri behen batati ho..... " Vlad ne gussa dikhate hue April ko daanta .

April ne gusse ka jawab gusse se hi Diya . " Akshat aur aapki galti hai agar aaplogo ki ye ladkiyan pasand aayi to .... Akhir aaplog itni badi galti kese kar sakte ho ... Ye jante hue bhi ki inke sath kya hoga... Kya vo dono aaplogo ko janti hai,??????? " April ki ye baat sunke Vlad ek dum shaant khada ho gya. Uski aankhon me khalipan saaf nazar aaraha tha. April ne Vlad ko aise chup dekha to kaha " Bataiye!!!!!!!!! Kya unhe kuch bhi yaad hai???????? Aur agar aaplogo ne unhe sabkuch yaad dila bhi Diya to kya aapko lagta hai ki vo dono aaplogo ko accept karengi. Apne bhavishya ki chinta unhe nhi hogi is baat ki kya aap guarantee lete hain???????????"

April ke yu chillane per Haveli ke bahar se aati hui ek Aurat ne haste hue kaha " Kis baat ku guarantee maang Rahi ho apne Bhai se???? Acha hua tum aa gyi waapas. Lekin aate hi aise jhagda karna sahi nhi hai. " Us aurat ko aate dekh Vlad aur April dono hi shant ho gye. April ne jhuk kar us aurat ko greet Kiya phir usne kaha " Maa , aap aa gyin !!! Aap thak gyi hongi aaram kar lijiye. "

" Tumne sahi kaha insaano ka shikar karne ke baad thodi thakaan to ho hi jati hai . Kher tumlog bhi andar jao. Aur haan mein umeed karti hu ki 200 saal pehle Jo yahan hua tha vo phir dubara na ho. Umeed hai tumlog samjh gye hoge. " Aisa bolkar vo aurat haveli ke andar chali gyi..........