Remember Me

Episode - 7 Yaadein

" Me vaada karti hu , tumhe kabhi bhi nhi bhulungi. Mein hi nhi hum me se koi bhi tumhe nhi bhulega. " Ava ne apne chote pyare hathon se Akshat ko promise Kiya.

" Tum bhi Karo !!!! Promise !! Ki tum mujhe kabhi bhi nhi bhulogi . " Chote se Vlad ne apne aansoo chupate hue Sam se promise karne ko kaha.

Akshat , Ava , Abhinav aur Dev sabhi Vlad ko aisi rone wali halat me dekha to hasne Lage. Un sabko yu Vlad per haste dekh Sam ne un sabko ghoor kar dekha aur unhe chup hone ko kehne lagi phir usne Vlad ka hath pakda aur usse kaha " Tumhe agar me kabhi bhul bhi gyi to bhi tumhe dekhne ke baad me tumhe pehchan lungi. Tum kyun itni tension le rahe ho. "

Bachho ko aise ek dusre se waade karte dekh aur sabko sath dekh Amar ke chehre per ek muskaan cha gyi. Lekin achanak kisi aadmi ne aakar Amar ke kaano me kuch kaha . Us aadmi ke baatein sunne ke baad Amar ke chehre ki muskaan jhatke se gayab ho gyi aur uske chehre per Darr ke bhav aagye. Usne turant Abhinav , Ava , Sam aur Dev ko us aadmi ke sath bhej diya..

Vlad aur Akshat bakiyon ko jate dekh bohot dukhi ho gye lekin vo sab samjh rahe the. Ava ki aankhon me aansoo the lekin usne unhe behne nhi Diya . Vo bachpan se hi boht mazboot thi. Usne Sam ka hath pakda aur jitni tez ho sakta tha bakiyon ke sath wahan se bhaag gyi.

Vo aadmi unhe usi ped ke paas le aaya . Jaise hi vo log us darwaze me ghuse unke saamne Bohr tez roshni hui aur unhe Amar ke cheekhne ki aawaz aayi. Amar ki cheekh sunke Ava bhi chillayi " Papaaa..............-"

Ava ek cheenkh ke sath uthi ,uska chehra paseene se bheega hua tha. Uski aankhon me aansoo the. Use kuch samjh nhi aara tha . Usne jab aas paas Nazar dodayi to paya ki vo usi kamre me hai.... Lekin ab wahan Luna nhi hai . Hosh me aane ke kafi der baad bhi uske samne wahi kuch dhundhli tasveere baar baar aa rahi thi. Ava mann hi mann me sochne lagi ' Kya vo koi sapna tha????? Ya koi yaad ?????!!!!!! Aakhir kon hai ye Vlad , Akshat aur sabse zaruri Amar ???? Mene use sapne me papa kyun kaha ?? Mein to use janti bhi nhi???Vo aadmi jo hume apne sath le ja raha tha uski shakal Sam ke papa jesi thi..... Aakhir is sapne ka mtlb kya hai "

Ava ke dimag me boht sari cheeze ek sath chal Rahi thi. Lekin use sabse pehle apne dosto ko dhundhna tha. Vo turant us kamre se bahar nikli . Vo chup chup kar dabe paon chal rahi thi taki vo pakdi na Jaye. Tabhi use ek kamre se Jani pehchani si aawaz aayi . Usne dekha to vo darwaza lock tha . Usne kaan lagake sunne ki koshish ki to use Abhinav aur Dev ki aapas me behas karte hue aawaz sunai di.

Usne knock Kiya aur pucha " Abhinav??? Dev ??? Kya tum log andar ho??? "Ava ki aawaz sunkar andar bethe Abhinav aur Dev ke chehre per umeed aur Khushi ki ek leher chaa gyi. Abhinav ne kaha " Ava???? Kya tum ho??? Kya tum theek ho???? Haan ye hum hi hain....tumse jitna jaldi ho sake yahan se bhaag jao Ava , Ye jagah bilkul bhi surakshit nhi hai "

Ava ne Abhinav ki awaz suni to uski Jaan me Jaan aayi. Usne Abhinav ki baaton ko ignore Kiya aur paas hi rakhe ek bhari flower pot se us kamre ke lock ko Tod Diya. Jab usne darwaza khola to paya Dev aur Abhinav ke hath aur paon bandhe hue hain. Usne jaldi se jake unke hathon ki rassi kholi.

Abhinav ke hathon ki rassi khulte hi usne Ava ko gale se laga liya. Use aisa laga mano uske shareer me dubara kisine Jaan daal di ho. Ava ne Abhinav ko aashwasan diya ki vo thik hai. Phir usne un dono se bakiyon ke baare me pucha .

Dev ne use April , Daniel aur Sam ke baare me bataya . Ye sab sukar Ava ke Dil per mano kisine teero ki baarish kardi ho. Is trip per aane ka idea sabse pehle vo layi thi. Sbako force usne Kiya. Ab apne dosto ki is halat ki zimmedar vo khudko manti thi. Usne jab Luna ke baare me kuch nhi suna to usne ladkhadati hui roni si aawaz me Nazar niche karke Dev se pucha " L......Luna kahan hai????..... Kya vo Tumlogo ko mili..... Mene use kal yahi per dekha tha. Vo yahin kahin hogi. Kya tum----"