Remember Me

Episode - 3 Anjaan Log

Pure mansion ko check karne ke baad bhi jab Luna ka kuch pata nhi chala to Sam ne gusse me kaha " Now tell me !!!!! tell me !!! Is it fun????? Are you excited now???? "

Ava ne bhi gusse me kaha " Is time tumhe ladne ki padi hai.... Hume milkar Luna ko dhundhna chahiye vo akeli hai . Tum jao na jao mein ja Rahi hu use dhundhne . Tumlog mansion me hi usko dubara dhundho mein bahar jakar dekhti hu . Ab baarish bhi ruk chuki hai. "

April to Ava aur Sam ko ladte hue dekhkar rone lag gyi aur kehne lagi " Tumlog aapas me kyun lad rahe ho. Aur Ava tum pagl ho kya . Is ghane jungle me tum akeli jaogi???? Luna ki tarah tum bhi kho gyi to????? "

April ki baat se sehmati jatate hue Abhinav ne Ava se kaha " Mein bhi chalta hu tumhare sath . Baki tum sab yahin raho aur sab sath me rehna . "

Abhinav aur Ava ko jate hue dekh Daniel bhi unhi ke sath chala gya. Ab Dev , Sam aur April mansion me the aur vo teeno milkar Luna ko mansion me hi khoj rahe the. Dusri taraf Daniel , Abhinav aur Ava teeno jungle me Luna ko pukaar rahe the.

Ava....... Abhinav aur Daniel ke piche chal Rahi thi. Tabhi use apne piche kisi ke hone ka ehsaas hua. Usne apna mobile nikalkar usme camera open Kiya aur apne piche camera ka use karke dekhne lagi . Use camera me kuch nhi dikha to usne piche mud kar dekha. Tabhi use Luna ke chillane ki aawaz aayi . Usne Daniel aur Abhinav ko kuch react na karte hue dekha to unse hairan hokar pucha " Tumlogo ne Luna ki cheekh suni???? " Ye sunkar Daniel aur Abhinav dono hairan ho gye.

Abhinav thoda aage badha aur Ava ke paas aakar usne usse kaha " nhi to humne to Aisa kuch nhi suna" Ava ye sunkar aur hairan ho gyi. Use dubara Luna ki cheekh sunayi di . To vo us cheekh ki aawaz me dodne lagi aur kehne lagi " Tumlog behre ho gye ho kya mene saaf saaf suna vo Luna ki hi aawaz hai. "

Abhinav aur Daniel dono Ava ke piche bhaagne Lage . Bhaagte bhaagte Daniel ka pair fisal gya aur vo niche gir gya . Abhinav ne Daniel ko uthaya ... Lekin Jab Tak Daniel khada hua Ava kahin gayab ho gyi.

Wahan mansion me Dev , April aur Sam milkar Luna ko dhoondh rahe the tab . Dhoondhte dhoondhte jab vo log kitchen me pohoche to unhe boht gandi smell aane lagi. April aur Sam ne apne scarf se apne chehre ko dhak liya . Dev ne jab is smell ka source pata karne ke liye kitchen ki chaan been shuru ki to fridge kholne per uske hosh ud gye.

April aur Sam ne jab aage badh kar dekha to unke muh se cheekh nikal gyi. April ko to ulti hi hogyi.  Fridge ke andar janwaro ki dead bodies aur unke body parts Kate hue rakhe the. Fridge me charo taraf khoon tha. Dev ne turant fridge ka darwaza band kardiya. Vo teeno sath milkar bhaagte hue haveli se bahar aaye. To unhone kisike bhari kadamo ki aawaz suni. Vo teeno haveli bahar hi jhadiyon ke piche chup gye. Unhone dekha ki ek hatta katta aadmi jiski height 10ft. se bhi unchi thi. Us haveli me gya. Ye dekhkar vo teeno ek dusre ko dekhne lage.

Udhar Abhinav aur Daniel ne Ava ko boht dhundhne ki koshish ki lekin vo unhe kahin nhi mili. Tabhi unhe kisi jungli janwar ke ghurrane ki aawaz aayi. Ye sunkar Abhinav ki aankhon me Darr aur aansoo the. Vo Ava ke khone ko apni galti samjh Raha tha . Daniel ko bhi ab Ava ki boht fikr hone lagi lekin vo bakiyon ki safety ko nhi bhul sakta tha. Usne Abhinav ke kandhe per hath rakha aur kaha " Abhinav ab andhera hone laga hai. Mujhe nhi lagta humara yahan thodi der aur rukna thik hoga. Ava ek bahadur aur samjhdar ladki hai . I am pretty sure vo thik hogi . Hum use sabke sath wapas dhundhne aajayenge . Lekin abhi hume chalna chahiye. Bakiyon ke bare me bhi hume koi jankari nhi hai. Chalo !!! "

" CHALU!??????  Ava ko is ghane jungle me jungli janwaro ke bich chhor ke????? Mein janta hu vo bahadur hai lekin....... Mein use aise khatre me akele nhi chhor sakta tumhe Jana hai to tum ja sakte ho . Mein use akela hi dhundh lunga. " Abhinav ne nazrein niche karke khud ko koste hue kaha. Aur jungle me andar ki aur jane laga. Tabhi unke piche se Sam ki aawaz aayi.

" Guys tumlog believe nhi karoge hum---- ek min. Ava kahan hai????? Aur Luna bhi nhi hai tumhare sath mtlb vi tumhe mili nhi . " Sam ne idhar udhar Ava aur Luna ko dhoondhte hue Abhinav se bechain hoke pucha .

Abhinav ka sir phir Ava ka naam sunke jhuk gya . Daniel ne Sam aur bakiyon ko bataya ki unke sath kya hua. Ye sunke Sam Jahan thi wahin Beth gyi. Uski aankhon me aansoo aagye. Ava uski bachpan ki dost thi. Vo dono ladti thi lekin ek dusre ki sabse zyada fikr karti thi.

Dev ne Sam ko uthaya aur usse kaha " Sam sambhalo khudko . Humlog Ava aur Luna ko kisi bhi haal me dhundh lenge. "

April ne Daniel aur Abhinav ko haveli me jo kuch hua sab bataya.
Ye sunkar un dono ko pehle to bharosa nhi hua lekin phir jab unhone April aur baki dono ka ghabraya hua chehra dekha to unhe ehsaas hua ki ye log boht badi galti kar chuke Hain yahan aakar.

Udhar Ava jab Luna ki aawaz ka picha karte hue bhaag Rahi thi to vo ek ped ke paas jake ruk gyi. Usne dekha ki us ped me bilkul vesa bhi darwaza hai jesa dev ne us kahani me bataya tha. Usne kareeb jake dekha to use us ped ke paas ek bracelet gira dikhayi diya. Usne use uthakar dekha to vo use turant pehchaan gyi. Vo Luna ka tha.............. Tabhi kisine uske muh per hath rakhkar use us darwaze me dhakka de diya. Ava ki aankhon ke samne vo darwaza khulte hi ek boht tez roshni hui aur vo achanak se behosh ho gyi.

Udhar baki sab jungle me Ava aur Luna ko dhoondhte dhoondhte wapas haveli ke paas pohoch gye . Unhone himmat karke haveli ke andar khidki se jhank kar dekha to paya ki sofe per ek handsome aadmi apni watch ko thik karte hue kisi baat per boht khush tha aur uske samne wahi hatta katta danav jesa aadmi sir jhuka kar zameen per betha tha.

Sam ne jab unki baatein dhyan se sunne ki koshish ki to use us aadmi ki aawaz boht Jani pehchani lagi mano vo use boht pehle se janti hai. Lekin use kuch thik se yaad nhi aaya . Us aadmi ne us danav se kaha " Finally, ab intezaar khatam hua......ab mujhe uska khoon peene se koi nhi rok sakta khud vo bhi nhi...... Sirf vo hi is kaabil hai Jo mujhe itna tadpa sakti hai...... Lekin ab vo khud apni marzi se mere paas aayi hai. "

Us danav ne darte hue kaha " lekin Malik agar unhone aapko pehchana hi nhi to--????"

Us aadmi ne gusse me us danav ko ghura aur ek pair se usse dhakka marte hue bola " Khabardar jo dubara aisi manhoos baat apne muh se nikali. " Kuch der baad uske chehre per jo gussa tha vo dukh me badal gya. Aise mano use us danav ki baaton me vo sachhai mehsoos Hui jisse vo bhaag Raha tha.

Udhar Ava ki aankh khuli to usne dekha ki Luna uske saamne ek kursi per bandhi hai aur vo hosh me nhi hai. Ava ke thoda hilne ki koshish karne per uske kaano me ek gehri si aawaz padi ..... " Uth gyi aap????? Chalo aapka sablog Hall me intezaar kar rahe Hain. " Ek aadmi ne Ava se chidhte hue kaha. Ava ne jab pura hosh sambhala to paya ki vo kisi Sundar lekin purane zamane ke style ke room me bethi hai. Us aadmi ne butler jese kapde pehne the . Ava kuch samjh pati usse pehle usne deewar par lagi ek tasveer me khudko aur ek anjaan aadmi ko dekha . Us tasveer me vo log muskura rahe the...... Usme Ava ne ya uske jesi dikhne wali us ladki ne purane zamane ke hi kapde pehne the. Ava ko kuch samjh nhi aara tha aur uska sir dard se phata jara tha.

Wahan Sam aur baki log ab boht pareshan the ..... Sam jab us aadmi aur danav ki baatein sunri thi to galti se uska hath kisi chiz per lag gya jisse us khidki ka already tuta hua kaanch niche gir gya jisse ek tez aawaz hui. Aawaz hote hi us aadmi ne Sam ki aur dekha dur vo daanav un logo ki taraf bhaga. Do pal ke liye hi sahi lekin jab Sam ki aankhein us aadmi se mili to usne paya ki vo Sam ko dekh kar muskura Raha tha............