ثَأَرُهآ نَآر المَلآك
الكاتبة: زمردة
____________بنات لا تنسون التعليق بين الفقرات لطفاً
.
.
.
.
.
.
.
.
.
.
.
.
____________________________
صفية:- تغير البتال من السمة للكاع و صار اربع و عشرين ساعة يضحك و يسولف و يشاقينةو كل سبوع نشوفة لان يخلص شغلة بابل
و امي كامت تلح عليه بموضوع الزواج رايدتلة بنت خالتي و الهة 4 سنوات تلح عليه يتزوجهة و هوة يرفض ما يريدهة لحد ما بيوم كاعدين و مسوين عصرانية
دخل علينة البتال سلم و كعد باوعتلة امي و كالت
:- متغير يبن بطني
:- الدنية ما تضل واكفة و كلشي يتغير
:- امم يعني اكو سبب لتغيرك
:- انتي شتكولين
:- اني اكول خلي اخطب الك بنت خالتك
:- يوووه يمة شسوي بنت خالتي لخاطر ربج ما مليتي من هاذة الموضوع
:- لا ما مليت اريد اشوف جهالك قبل ما اموت
:- لا اله الى الله
:- يمة خلي اخطب بنت خالتك و ازوجك و ارتاح هسة متكلي ليش متريدهة
:- يمة مكانتهة بمكانت صفية انتي وين تحجين
:- يا يمة شنو صفية هاي بنت خالتك زين عوفهة بنت خالك تجنن حلوة ادب و اخلاق
:- يمة اذا اتزوج اتزوج غريبة ماخذ من الاقارب
:- ليش دادة و شبيهم الاقارب
:- مابيهم شي بس اني اهوة الغريبة اكثر
:- امم يعني الكلب عاشك
:- يرحن فدوة الهة البنات
:- شمسويتلك و هيج مخليتك مخبل بحبهة
:- استغفر الله يمة يعني شتسوي مثلا و لا تكولين سحر و خرابيط ترة هاذة زمنجن مو زمنهة
:- اي ابني اول تالي يعشك و يتمعشك
:- ليش ما عندي مشاعر و بدون رحمة علمود ما اعشك
كام و هوة ضايج طلع برة
ام حسن:- ليش هيج والج ضيكتي خلك الولد
:- خالة ما شفتي شلون متخبل عليهة هسة تطلع مسويتلة سحر و مخليتة حلقة باصبعهة
:- دينة كافي شهل حجي عوفي الولد بحالة خليه يحب و بتزوج بكيفة
سكتت امي و كامت دخلت جوة
مر اليوم طبيعي و بليل فزيت علة صوت صياح طلعت اركض لكيت البتال كامش اخوية كهرمان من ياختة و يضرب بيه و امي تصيح و سلام يفاكك بيهم
أنت تقرأ
ثَأَرُهآ نَآر المَلآك
Romanceهل من مهرب من قسوة الحياة... ما ذنب بنت تتعرض لأقسة عواقب الحياة.... ما ذنب طفل يُتقل بسبب ثأر...... هل من ناجي من التقاليد.... و هل من فراقاً لهُ عودة....... انا بنت يا أيتُها الحياة ما ذني لأُقتل وانا صغيرة..... قسوة تتغلب على ضعف و كسرات ال...