ثَأَرُهآ نَآر المَلآك

part (17)

ثَأَرُهآ نَآر المَلآك

الكاتبة:  زمردة
___________

بنات لا تنسون التعليق بين الفقرات لطفاً

.
.
.
.
.
.
.
.
.
.
.
.
.
______________________________

صفية:- مرت الايام نفس الروتين و البتال صرنة نشوفة كل سبوع مرة

يجي علة مشاكل كهرمان و امي كامت تتذمر و تصيح يروح يم حبيبت الكلب و احنة مثل الجلاب عايفنة يشوفنة مرة بالسبوع

بيوم اجة و استقبلتة بابستامة دخل يضحك و اجة يحضني

البتال:- هلا هلا بحبيبة اخوهة

صفية:- هلا بيك شلونك

:- اسئل عنج

:- تسئل عنك العافية

:- امج وين

:- بالغرفة كاعدة

:- الحمدلله و الحجية

:- بغرفتهة

:- خوش

عافني متوجه لغرفة بيبي

ام حسن:- هلا بهل طول هلا بالغالي

البتال:- شلونج حجية مشتاقلج

:- والك وين مشتاقلي مخلصهة يم الجمال و عايفنة

:- حجية لو اضل العمر كلة يمهة ما اشبع

:- يا يمة انت تتمعشك و تحب و مخلينة هيج جيبهة خلي اشوفهة اتعرف علة مريتك نعرفة زينة مو زينة

البتال:- تدللين اجيبهة الج عكب باجر هية يمج علة العشة بس امي شيقنعهة

ام حسن:- مالك دخل بامك اني احجي وياهة

:- اتوكل عليج حجية اني اجيبهة ماريد ارجعهة ضايجة

:-تخاف علة زعلهة

:- شلون لعد تعبت لخاطر بس اشوف لمعت الحب بعيونهة الي

:- يمة لا تضلون هيج اخطبهة و اعقد عليهة ميصير ميجوز

:- كتلهة يمة بس هية رافضة الزواج هسة كالت خلي اخلص شغلي بالعراق و ارجع التركية يم بنيتي

:- ياع يمة وانت

:- منو كلج اخليهة تروح اجيبهة هية و اختهة يمج

:- خوش تسوي يمة

باوعلي و فتحة ايدة و كال

:- تعاي حبيبة شعندج واكفة بالباب

ركضت لحضنة

امي تكلي تبالغين بحبج للبتال بس اني العكس البتال صارلي ابو من يوم وفات ابوية و مدللني و ما يرفضلي طلب مخليني علة مزاجي بس بحدود

ثاني يوم البتال رجع لبابل و بيبي تكفلت امي بطالعان الروح وافقت تستقبلهة و تكعد وياهة