ثَأَرُهآ نَآر المَلآك

part (34)

ثَأَرُهآ نَآر المَلآك

الكاتبة: زمردة
_____________

بنات لا تنسون التعليق بين الفقرات لطفاً

.
.
.
.
.
.
.
.
.
.
.
.
.
.
.

__________________________________

-ملاك-
واكف و ادية ترجف عيوني بكل مرة تشوفة تغدرني بالدموع كلبي يم الاطفال لا يكعدون و يسمعهم بالي و تفكيري لا يعرف بوجودهم و ياخذهم مني عمرهم ما تجاوز ال3ايام
اباوع لعيونة الفارغة من المشاعر هاذة مو البتال الحبة كلبي
هاذة شخص بارد هيئتة قاسية و نضراتة باردة و هدوئة
مخيف رغم البتال عمرة ما مد أيدة علية بس بهل لحضة
حسيت بالخوف ماعرف شنو ممكن يسوي من غير مشاعر
الشوق الي اكلت كلبي عيوني تتوسل منة نضرت الحب
القديمة بس ماكو فايدة واكف مقابيلي و الجكارة ما نزلت من
أيدة يطحن بيهة طحن و من شريان ركبتة عرفت بلكوة
كامش اعصابة ضليت على وضعي ما تحركت بس اباوعلة
و هوة يبادلني نضرات باردة فارغة من المشاعر بدي اركض
هسة و احضنة بدي ابجي بحضنة و اطلع الي بكلبي بس الخوف
من ردت فعلة دمرتني من بعد صمت طويل اردف بهدوء
و نبرة ساخرة

البتال:- شلونهة زوجتي بعيد عني

رديت واني بلكوة كامشة نفسي ما اشهك
ملاك:- ماعرف

البتال:- ليش هية حزورة اشوف احوالج تمام بعيد عني دام البعد هيج مريح الج جان طلبتي طلاك و طلكتج بدون كلام

ملاك:- بهل سهولة تكدر طلكني

البتال:- اكيد و اكدر اثبتلج هسة

ملاك:- شلون تثبتلي

جاوبني برود و بسرعة غير متوقعة
البتال:- انتي طالق

هوة كالهة لو حكم علية اعدام كلبي ما كدر يتحمل من الصدمة فتحت عيوني على وسعهة و كلبي يرجف عيوني تلالي بالدموع حسيت بجسمي يرجف كمت ارجع لورة مصدومة كلبي ملجوم رفعت ايدي اكتم شهكاتي و هوة يباوعلي برود فزيت من دخلت كزازة برجلي

حسيتهة دخلت كلبي من الوجع انتبه علية و مثل الي صابتة لحضة ادراكة بدون اي مقدمات تقدم علية سريع و نزل يشوف رجلي
رجعت لورة امنعة رفع راسة و باوعلي بعيون تعبانة

البتال:- لا تمشين عليهة تتأذين

اردفت بغصة واني ابتعد عنة
ملاك:- لا تدخل بية انت هسة غير محلل علية

كام وكف و تقدم بسرعة نزل نفسة و شالني بين اديه عطت بيه واني اضرب على متنة
ملاك:- وخررر عنيي نزلنييي بتاللل