ثَأَرُهآ نَآر المَلآك
الكاتبة: زمردة
_____________
بنات لا تنسون التعليق بين الفقرات رئيكم مهم
.
.
.
.
.
.
.
.
.
.
.
.
.
.
.
.
_____________
_________________
________________________
- ملاك -
اباوعلة و الدموع تحرك بعيوني من تنزل رجع راسة لورة و الحسرة يجرهة بغصة ينطق كلامة و صوتة يرجف
البتال:- كسرتي ضهري ملاك ما ضل بية حيل
سكتت بس اباوعلة بدموع
البتال:- شلون تقررين الفراك وحدج ليش ما حجيتيلي ليش ما واجهتيني اخويةة ادري من انعل ابو الخوة الي تهدم الحيل والج ملاك دمرتيني
رجع أردف بهدوء و نبرة صوتة مهزوزة
البتال:- لهاذة السبب رضيتي برجع منسا و يوسف وياي؟
هزيت راسي أي ساكتة ما بية حيل احجي الكلام صار ثكيل على كلبي حيل
رجع راسة يتنهد بحسرة ادري بكلبة ملجوم حيل بهل لحضة لهاذة السبب ما
حجيتلة سبب سفرتي لتركية كهرمان خلاني بالقائمة الحمرة و محد راح يرحمني
خصوصاً بعد ما عرف الجرايم البشعة الي متسببين بيهة أسرافيل و كهرمان
و عندهم القتل مثل شربت الماي و بكلمة منهم يكدرون يلكون و يقتلون
و يتهمون أي شخص كائن من يكن و الأكبر من هاذة البتال داخل ويا أسرافيل بشرااكة
بسبب ابوه الي متورط وياهم
تنهدت بحسرة و أردفت بهدوء
ملاك::- و أطفالي بتال
البتال:- يم صفية
ملاك:- ليش اتصل بيك هاي الفترة ما تجاوبني
البتال:- الهم أكل حيلي
ملاك:- امانك منسا و يوسف بتال
البتال:- تاخذين روحي ملاك بس لا تفاركيني
نزلت دمعتي بغصة و رجعت لورة أشهك بصوت عالي كلامة جان مثل النار يحرك بكلبي كعدت على الجرباية احس بنَفسي ضاك ما عندي القُدرة الكافية علمود اواجهة بهيج موضوع ضليت على وضعي ماخذة وضعية الجنين و نايمة على الجرباية ماعرف شوكت و يمتة نمت بس ما حسيت غير الصبح على صوت فيروزة تكعدني
فيروزة:- لج تنبل مال نوم متكليلي ملاكك البتال أجة يريدج
فزيت مفزوعة من كلامهة صفنت بوجهة أستوعب و صحتني من صفنتي ضربتهة على خدي بخفة علمود تصحيني باوعتلهة و أردفت بخفوت
ملاك:- صدك البتال هنا
فيروزة:- و روح دموع
أنت تقرأ
ثَأَرُهآ نَآر المَلآك
Romanceهل من مهرب من قسوة الحياة... ما ذنب بنت تتعرض لأقسة عواقب الحياة.... ما ذنب طفل يُتقل بسبب ثأر...... هل من ناجي من التقاليد.... و هل من فراقاً لهُ عودة....... انا بنت يا أيتُها الحياة ما ذني لأُقتل وانا صغيرة..... قسوة تتغلب على ضعف و كسرات ال...
