صدفه عرفته وصار اغلى ماعندي...

Part 2

ابتسام : اكيد بس نمشي سوا وهي معانا
نور : بتجي تجي عادي بس اهم شيء انك تجين
ابتسام : اوك
افنان : يسسسسس
نور : سييييييي

._______________________.

في بيت ابو رعد
دخل رعد وسلم على ابوه و امه وراح لغرفه افنان
دخل الغرفه وشافهم على الجوال يكتبون و يقرئون بصوت مسموع
وسمع من لما قالت افنان يسسسسس وبعدها نور قالت سييييييي
رعد : خلصتو
افنان باستغراب : ايوه ؟
رعد جلس على السرير جنبهم : و الحين بالحرف الواحد بتقولون لي عن وش كنتم تتكلمون
نور شهقت : ما تكلمنا عنك
رعد : طيب انا قلت انكم تكلمتو عني ؟
نور : لا
افنان : لا
رعد : عن وش كنتم تتكلمون
افنان : عن حبيبي
رعد شهقت و قام على طول لكن
تكلمت افنان بسرع : امزح امزح ، كنا نتكلم عن إبتسام
رعد : ومن ذي
افنان : الي تعيش مع شروق
رعد : ايوه عرفتها ، شروق هذي وش تقرب لها ؟
نور : ما ندري
رعد : كيف يعني ما تدرون
افنان : هي اصلا ما قالت لنا
رعد : ابتسام تعيش جنب بيتنا من لما انولدت كيف ما تعرفون مع مين تسكت !
نور : نعرف ، هي تسكن مع شروق
رعد : اقصد شروق وش تقرب لها ، محد يعرف
نور : محد يعرف لا انا ولا افنان ولا جيرانهم ولا اي احد
افنان : و انصحك ما تحاول تعرف لانك بتندم
رعد : ليش اندم انشاء الله
افنان : لاننا فيه مره سألناها ومن بعد سوالنا تغيرت ملامح ابتسام ميه و ثمانين درجه وصارت تستفرغ وتسوي اشياء غريبه وبعدها غابت عننا شهر كامل
رعد : بسم الله كل هذا عشان سالتوا عن من الي تقرب لها
نور : لا مو بس عشان كذا ، نحنا سالناها اكثر من سوال
رعد بفضول : وش الاساله ؟
نور : السوال الاول ، من هم اقاربك ؟
افنان : السوال الثاني ، وش تقرب لك شروق ؟
نور : السوال الثالث ، عندك اخوان ؟
افنان : السوال الرابع ، امك وينها ؟
نور : السوال الخامس ، فيه شيء صاير ببيتكم ؟
افنان : السوال السادس ، في احد مخوفك او شيء ؟
نور : سالناها بس هذي الاساله
رعد الي جاه شعور غريب بس تجاهله : ايوه و بـ وش كنتو تتكلمون قبل شوي
افنان : كنا نتكلم عن الفساتين و وش راح نلبس وكذا
رعد : اوك
نور : بس كذا انتهت القصه ؟
رعد رماها بالوساده : كلي تراب و اسكتي
نور : ياخي انا اتعرف للتعنيف
افنان : بلا كذب
رعد : انا غلطان اني جاي عندكم
نور : صح صح غلطان
رعد : انتي اسكتي
نور شهقت : اناااا اناااا اسكت يا ابن اللذين
رعد : ايوه وش بتسوين يعني
نور قامت على السرير : انا اوريك
اخذت الوساده وصارت ترمي عليه و بالغلط رمتها على افنان وهربت على طول منهم
لحقوها افنان و رعد وكل واحد معه وساده يبي يرجع الضربه ، يلحقون بعض ويتضاربون لي دخلت عليهم امهم و صرخت
ام رعد : صحيح اني ما عرفت اربي
رعد : لا يالوالده انتي تعرفين والله تعرفين
نور : امي معاها حق شوفو النتيجه بـ رعد
رعد ضربها بالوساده بقوه وطاحت : اكلي تراب
و اسكتي
نور بعصبيه : انت الي اكل تراب
افنان تنضر فيهم و تضحك بصوت مكتوم عشان ما يسمعونها و يقومون عليها
ام رعد : صحيح اني ما عرفت اربيكم بس دامني ما قدرت اربيكم في ابوكم يربيكم
اخذت جوالها عشان تتكلم على ابو رعد بس افنان اخذت الجوال منها و هربت
رعد بضحك : كفو افنان والله كفووو
افنان : كفوك الطيب يالاخو
لحقتها امها و هربت بسرعه للغرفه
نور وهي على الارض نارضت الوساده وناضرت رعد
رمت الوساده على رعد و هربت بسرععع للغرفه
رعد بصراخ : نوررررر يالكلبه
نور بصراخ وهي فوق الدرج : انت الكلب
وهربت للغرفه وقفلت الباب عليها