صدفه عرفته وصار اغلى ماعندي...

Part 11

المجهول : ابغاك تروحين عند الشخص الي اسمه ثامر و تقتلينه ، و مـ راح تدفعين شيء
ما ردت عليه
المجهول : لو ما قتلتيه بزود سعر الفلوس و اخليها 700 الف
سكرت جوالها بحزن
ريوف : بس القتل حرام حرامممم
صرخت ريوف بكل ما اوتيت من قوه ، وطاحت مغمى عليها ، دخلت ام راكان و ابو راكان و انصدمو لما شافو ريوف على الارض مغمى عليها و الدمعه على خدها
توجهت ام راكان لـ غرفه ولدها راكان تكلمه يجي
دخلت عنده : راكان الحق اختك اغمى عليها
فز راكان : وش صار
ام راكان بخوف على بنتها : مدري و انا امك مدري ، سمعنا صراخها و لما جينا لقيناها مغمى عليها
ركض راكان متوجه لغرفه اخته
شالها متوجه فيها للمستشفى وهو  خايف عليها
دخل فيها للمستشفى و دخلوها احد الغرف ، مدت دقايق معدوده ،حس راكان كانها سنين
طلعت الدكتوره
فز راكان بـ خوف : وش فيها
الدكتوره : وش الي صار لها
راكان بـ خوف : مدري بس صرخت بقوه و لما دخلنا لقيناها مغمى عليها
الدكتوره : اغمى عليها من الخوف
راكان الي بدا يشعر بـ قليل من الراحه : شكراً
الدكتوره : واجبي
راكان : اقدر ادخل لها ؟
الدكتوره : تقدر تدخل ، لكنها لسى ما فاقت
راكان : تمام
دخل راكان عند ريوف و جلس بالكرسي الي جنب سريرها
راكان بهمس : ريوف ، قومي و انا اخوك ، وعد مني الي خوفك اضربه لين يموت بس قومي
همس بخصه : فقدت وحده من اخواتي و تحملت بس ما اقدر افقد الثانيه ، تكفين لا تتركيني ، قومي ريوففف
، قومي و وعد مني اني اندم الشخص الي خلاك بـ ذي الحاله
حس فيها بدت تتحرك ، سكت و ناضرها لين فاقت ، مد لها المويه تشرب منها
اخذت المويه برجفه و شربت منها
راكان وهو يحاول يخفي خوفه عليها : كيفك
ريوف بكذب : بخير
راكان : من السبب
ما ردت عليه
راكان بعصبيه : ريوففف ردي علي ، تراني اعرف سبب اغمائك
ريوف ناضرته بـ خوف
تنهد و تكلم بهدوء : اغمى عليك من الخوف ، ابي اعرف من وش خفتي
ريوف بكذب : شفت فلم رعب
راكان : كم مره قلت لك الافلام الرعب لا تشاهدينها ، كل لما تشاهدينها ما تقدرين تنامين زين و اليوم كله تقعدين خايفه ، ريوف تكفين إذا كنتي تكذبين قولي الحقيقه ، انا اخوك و اكيد بتفهم الوضع بس قولي لي وش سبب خوفك و اكيد بساعدك
نزلت راسها بحزن : الموضوع صعب صعب محد يقدر يساعدني ، إلا انا ، في حل اقدر اتخلص من الموضوع بس صعب علي
( قصدها ان راكان ما يقدر يدفع المبلغ
و صعب عليها انها تقتل شخص )
تنهد راكان و هو خايف عليها : قولي لي قولي وش صار و انا انشاء الله اقدر اساعدك
بكت ريوف
حضنها يهديها و يطمنها انه موجود معها
همست ريوف : المبلغ الي طلبه 900 الف
تعمدت ريوف تزود المبلغ من 700 الف إلى 900 الف عشان راكان ما يحاول يجمع المبلغ ، لو قالت 700 كان حاول حتى لو اخذ دين من احد
راكان : وش الي هددك فيه
ريوف : صوري
بعد راكان و ناضرها : انتي ارسلتي صورك له ؟
ريوف : لا ، كنت بزواج و فيه احد صورني و انا ارقص
كملت ريوف : اوعدني انك ما تقول لاحد هذا الشي
راكان : بس لو بلغت عليه بيهكرون رقمه و يقدرون يحذفون الصور من عنده و يمسكون
ريوف : لا تسوي كذا
استغرب راكان
ريوف : مقدر اقول لك السبب بس تكفى اوعدني انك ما تقول لاحد هذا الشيء
وعدها راكان بعد تردد
غمضت ريوف عيونها وهي تتذكر انه ارسل صور لما تطلع من البيت و لما تروح للمدرسه كلها من سنه لحد الحين الصور كلها موجوده و ارسلها كلها بيوم و قال لها انها مراقبه بكل وقت ولو حاولت تبلغ الشرطه بيق/تل امها و ابوها و اخوها ، خافت عليهم و عشان كذا قالت لـ راكان انه ما يبلغ الشرطه و انها بتحل الموضوع بنفسها