صدفه عرفته وصار اغلى ماعندي...

Part 9

- اليوم الثاني
- الساعه 7 صباح
عند رعد
جالس بسيارته ويفكر
رعد بداخله : لين الآن اتذكر الي سوته لي اتذكر انقاذها لحياتي ، ودي اشكرها بس ما فيه طريقه تجمعنا بموقف اقدر فيه اشكرها ، امس ما قدرت لما شفتها مع الولد لاني كنت وقتها معصب مره من الموقف و حاولت اهدي نفسي قدر الإمكان ، لكن اليوم اكيد بلاقي طريقه
فكر بطريقه لين لقا وابتسم براحه : لقيت ، اخذ جوال وحده من اخواتي واخذ رقمها و ارسل عليها و اقول اني بحذف رقمها بس اخذته عشان اشكرها بس..
سكت شوي يفكر ، اكيد مو متشكرها بالكلام فقط لازم يجيب لها هديه او شي
بعد تفكير و تفكير و تفكير لقا الحل
رعد بداخله : نور او افنان ، استدرجهم بالكلام لين اعرف اي نوع تحب من الفساتين و اجيب لها فستان هديه
ابتسم وتكلم بغرور : اكيد بلاقي الحل،انا رعد آل عبدالله
رعد بهدوء وهو يفكر برده فعلها : بتفرح ولا بتكون رده فعلها عاديه ، طيب و الفستان بـ تقبله ولا بترفضه ولا بتاخذه مجامله و ما تلبسه ولا بتقبله و تلبسه ولا وش؟؟
شوي و كمل : لو وحده من اخواتي حبت تجيب لها شي بيسهل الامر ، كذا اقدر اخذ الغرض و الفستان و اوديه لها و الفستان يكون بكيس و جوه الكيس مع الفستان ورقه ومكتوب انها مني و هذي هديه بسيطه على الي انقاذها لي
تذكر لما كان يصارخ باعلى صوته عشان احد يسمعه و ينقذه ومحد لحق عليه إلا هي، هي اول وحده وصلت و انقذتني ، اما الباقين وصلو متأخرين شوي ، يعني لو هي ما جات في احتمال اني صرت بخبر كان ، او انهم ينقذوني بس بـ إصابت و حروق

._______________________.

عند ابتسام
بغرفتها و معها شروق
من الساعه 8 و هي و شروق بالغرفه
و الآن الساعه 10
ابتسام تلبس الفستان و توريه شروق
و شروق بكل صراحه تمدحه الفستان لابتسام
بس ابتسام تنفي و تقول انه مو حلو و تدور فستان ثاني
صار لهم من الساعه سته على هذا الحال
طلعت ابتسام وهي لابسه فستان اخضر مريح للعين طويل و حلو و بسيط، وحطت الفستان الي لبسته قبل على السرير مع باقي الفساتين
شروق : واوووو هذا حلو
ابتسام ناضرت نفسها بالمرايه وتكلمت بزعل : لاااا ، مو حلو ، لو كان قصير بيصير احلى
و اخذت اخر فستان و دخلت تغير
تغيرت ولبسته ، طلعت وهي لابسه فستان بينك منفوش من اسفل و من شوق عليه اشكال ورد بينك و قصير
شروق بـ انبهار : هذا الفستان لايق على بشرتك الثلجيه و حلو مره و حتى شوفي لو اخذتي التاج البينك وحطيتيه على شعرك ولبستي اكسوارات بينك بيطلع تحفه
ابتسام بكت وتكلمت وهي تبكي و تشاهق : بس.. بس هذا ل.. لبسته.. لبسته.. اكثر من مره.. ( انفجرت بكي اكثر من قبل ) مستحيل اروح بهذا ، لبسته كثير ، مستحيل مستحيل
و طلعت من الغرفه تجري
شروق بداخلها : يبنتي ليه ما تشوفين نفسك من ناحيه ايجابيه بشكلك ، كل الملابس الي لبستيها حلوه عليه بس انتي مو مقتنعه ، كل هذا من زوجت عمك الي دايم تجرحك بالكلام ، انا عارفه انها السبب بقله ثقته بمضهرك
تنهدت : بس لو قلت لك هذا الكلام عارفه وش بيصير عارفه انك بتنكرين و بتزيد حالتك سوء اكثر من كذا ، دام بدايتها خلتك تقلين ثقتك بمضهرك اجل بعدين وش بتسوي هذي العقربه !
ناضرت للملابس وهي تشوف كان فيه لبس ما انتبهت له وما لبسته ، لان يمكن تلبسه و يعجبها
عند ابتسام
نزلت تحت تبكي وفجأه سمعت صوت الجرس