صدفه عرفته وصار اغلى ماعندي...

Part 10

ابتسام تلبكت و حاولت تطلع الي على عينها بس نور كانت رابطتها بقوه و بـ طريقه ما تنفك بسهوله
رعد لفها عشان يفكه الربطه الي على عيونها
انفاسها تتسارع من القرب الي هم فيه ، وهي معطيته ضهرها ، حست بانفاسه القريبه منه و بيده الي حطها على شعرها و بدا يفك الربطه
رعد بداخله : اخخخ انا وش فيني ليه ليهههه اناضرها ؟؟؟ ( صد عنها و كمل يفك و يكلم نفسه ) بس بس ليه و انا على علمي انها موجوده خرجت ليه ؟؟ و ليه قلبي ينبض بسرعه ليه احس باحساس اول مره احسه ، قربها ، قربها مني هو السبب ، لما قربتها مني حسيت بشعور اول مره احسه ..
قاطع افكاره ابتسام الي فوراً اخذت جوالها و خرجت جري بس قبل توصل للباب لفت و تكلمت
ابتسام : ترا جوال افنان يصور
وخرجت جري
اخذ جوال افنان و شافه فعلاً يصور ، وقف التصوير و دخل للاستيديو وشاف الفيديو من بدايته و رقصها ، لكنه بسرعه استوعب على نفسه و حذف الفيديو و ترك الجوال ، راح لبس ملابسه و شال الجوال بيوديه لـ افنان
بس وقفه كلامهم
كانو افنان و ابتسام بغرفه افنان و نور كانت عند امها الي نادتها
افنان : قولي الحقيقه شفتيه
ابتسام ما ردت
افنان بـ فرح : تراني عارفه انه كان بالحمام و انا متأكده من صوت الاغنيه المرتفع انه خرج ، ايه صحيح نحنا غطينا عيونك يعني انتي ما شفتيه بس هو الي شافك
ابتسام : كلي تراب و اسكتي تكفين
افنان : يعني هو شافك صدق
ابتسام تذكرت شكله و خجلت : ما كنت اعرف انه موجود
افنان صعدت على السرير : هذا المطلوب
ابتسام : لحضه انتي اوليه ليه صرختي بصوت عالي و نحنا عندك
افنان : عشان حبيبك يعرف ان حبيبته الي هي انتي موجوده ، و تتقابلون و يصير موقف رومنسي بينكم و انا مصوره كل شيء و بكذا اوريه ابوي و امي و يغصبونكم تتزوجون عصب عنكم ، و بكذا يتجمعون البطل و البطله
ابتسام : الله من افكارك الزفت ، و بعدين انا و هو ما عندنا مشاعر اتجاه بعض
افنان : اعرف و المشاعر بتجي مع مرور الوقت ، لا تخافين
ابتسام : ياخي انا ما احبه و هو ما يحبني ليهه تبين تجمعينا بالغصب
افنان : هذاك اليوم لما دخل عليك الغرفه اخخخخ حسيت انكم لايقين لبعض و حلفت اني اجمعكم
ابتسام : هو دخل بالغلط كان يحسبك انتي و نور موجودات بالغرفه
افنان : ما علينا ، الحين بروح اجيب جوالي و اورطكم
دخل رعد بعصبيه من افنان : هذا جوالك و المقطع حذفته
اخذته افنان و فتحته ، ثواني و صارخت بفرحه
افنان بصراخ : لقيته
رعد و ابتسام انصدمو
افنان وهي تضحك : ههههههههههه لقيته بسله المهملات
كملت : مير ما شفته بس شفت شكله الخارجي وعرفته ، كان شكل ابتسام من الخارج
وهنا بالغلط افنان حذفته
افنان وهي تحاول ما تبين لهم انه انحذف : تمام الحين اوريه امي و تتصرف معكم
ابتسام+رعد ، بصراخ : لحضه
رعد : اسوي الي تبين بس احذفيه
افنان ناضرت ابتسام
ابتسام بـ توتر : حتى انا
افنان : تنفذون الي ابي لمده اسبوع
رعد+ابتسام : تم
افنان بـ ابتسامه : من اليوم لين يوم الخميس الثاني اوك ؟
رعد : اوك
ابتسام بتسأل سوال و رفعت يدها
افنان بتكبر : اسمح لكِ بـ التحدث لكن بادب و هدوء
ناضرهم رعد باستغراب
ابتسام : لين ينتهي يوم الخميس الجاي ، او لما يبدأ
افنان : لين ينتهي احذفه
ابتسام : اوك
افنان بـ خبث : اللله اللللللله ، انتي بدون عبايه و مو مغطيه شعرك قدامه ، و انت تناضرها من اوليه بالغرفه و الحين زياده ، ما شبعت ؟ اجل تزوجها و بعدين اخذ راحتك ، ناضرها لين تشبع
رعد الي توه يستوعب صد بسرع
ابتسام بـ خجل و توتر : استأذنكم
و خرجت بسرع
عند نور
جلست بالصاله و صادف هذا خروج ابتسام
جلسو عند بعض و سولفو قليل و جات شروق و رجعت هي و ابتسام لبيتهم