صدفه عرفته وصار اغلى ماعندي...

Part 17

في بيت ابو رعد
بغرفه نور و افنان
افنان : نور
تركت جوالها و لفت لاختها : هلا
افنان : ممكن تنادين رعد و تطلعين لان فيه موضوع ضروري لازم اكلمه فيه
اخذت جوالها وطلعت من الغرفه بدون ما ترد
افنان : تمام الحين برسل لـ ابتسام ان الطلب الاخير بيكون الليله
اخذت جوالها و ارسلت لها : السلام عليكم ورحمة الله وبركاته ، الطلب الأخير بيكون اليوم بالحفله
نزلت جوالها بعد ما ارسلت الرساله هاذي وقامت فتحت درجها و اخذت كل مكاييجها و نزلتها بالارض
دخل رعد و انصدم من كميه الاشياء الي على الارض
افنان : اسمع ياخوي الساعه خمسه و نص ابغاك تكون بغرفتي و ابغاك تلبس الثوب الاسود تمام ؟
رعد : ليش ؟
افنان : بعدين تعرف ، و اسمع ترا الطلب الاخير بيكون بالمساء بالحفله
رعد : تمام يلا بروح البقاله اجيب عصيرات وبمر الكافتريا اجيب شاورما لنا ، تبغين عصير ايش ؟
افنان : ريتا
رعد : طيب

._______________________.

عند ابتسام
جالسه على السرير وهي تفكير كيف تقدر تطلع بدون عبايه !
وبعد تفكير ، جاتها فكرة وبتنفذها لما يجي الليل
ناضرت الغرفه بهدوء ، شروق منعتها انها تستعمل اليكب و منعتها انها تسوي شعرها وبعد تفكير لقت لها حل
ابتسمت بمكر وهي تتذكر ريتال ( ريتال : هي نفسها البنت الي ضربت ريوف )
اخذت جوالها ولقت رساله من افنان
افنان : السلام عليكم ورحمة الله وبركاته ، الطلب الأخير بيكون اليوم بالحفله
ردت عليها : وعليكم السلام ورحمة الله وبركاته ، تمام
قفلت جوالها و خبته

._______________________.

عند تركي
كان بالكافتريا طلب له شاورما و اشترى له عصير ديو
ولما جاء بياخذ الشاورما جات بنت و اخذتها منه و عطته الفلوس و روحت
تركي بصدمه : بسم الله الرحمن الرحيم ، على طول اخذتها و هربت
طلب له واحد ثاني بفلوس البنت الي حاسبت فيها و هربت
برا كان مالك معصب من ترف لانها نزلت تشتري و المكان كان فيه رياجيل لكن هدى لما شافها خرجت بثواني ومعها الشاورما
مالك : مسرعك اخذتي شاورما و حاسبتي وكل ذا بثواني
ترف بضحك : شفت تركي بالكافتريا و طلبه تجهز
فـ اخذته منه و حاسبته
مالك : مجنونه انتي ! تاخذين شي مو لك
ترف : صار لي لاني حاسبته ، وبعدين هوا اكيد بيطلب ثاني
مالك : طيب عدي بالسياره لين اجي
ترف : اوك
دخل مالك المحل وشاف تركي ينتضر طلبه
مالك : احم انا آسف
تركي : على وش
مالك : اختي اخذت الشاورما حقتك
تركي : عادي ولا يهمك
سلموا على بعض و جلسوا يسالفون لين استوت الشاورما حقتهم و كل واحد اخذ الشاورما حقته وقبل يروحون دخل رعد المحل و صاروا يسولفون دقايق وكل واحد راح بأتجاه
دخل مالك السياره و قبل يحرك وصله صراخ ترف عليه بسبب تأخره ومن كثر صراخها طلع من السياره لين تهدي شوي و يدخل
فتح تركي قزاز سيارته : وش فيك ؟
مالك : لا بس اختي الله يهديها تحب تصارخ
ضحك تركي الي عرف ان البنت الي سرقت الشاورما هي ترف و هي الي قاعده تصارخ على مالك و تبهذله
تركي و هوا لسا يضحك : وليش تصارخ عليك
مالك : عشان تاخرت عند حضرتكم وهي بالسياره تنتضر
فطس تركي ضحك على مالك
فتح مالك باب السياره وبان صوت ترف الي كانت تقول : تتاخر وفوق هاذا طالع تسولف مع هاذا و تتضاحك معاه و انا هنا انتضر ، اوريك يا مالك الزفت كان ما ربتك ما اكون ترف ، اوريكككككك اوريك والايام بيننا والله اخذ حقي يا مالك والله اخذ حقي و اخليك تندم وانا حلفت و الي وراك شاهد على هذا الشي
دخل مالك السياره و مشى بسرعه ، يبغى يوصل البيت و يفتك من صراخها