صدفه عرفته وصار اغلى ماعندي...

Part 8

عند رائد
طلعت امه بعد ساره عشان تكلم الحريم
رائد بداخله : اخخخ يا ريوف وش السحر الي سويتيه فيني، مني قادر انساك ولا اني قادر انسى تفاصيلك
تذكر لما طاح عليها تذكر قربه منها تذكر ريحه عطرها تذكر تفاصيل وجهها تذكر جسمها تذكر كل شيء فيها وهو فعلاً مو قادر يفكر باي شيء غيرها
استولت تفكيره وربماً قـلـبــة ايضاً
قام راح للباب سكره و راح للدولاب واخذ له بذله بيضاء
نفس الي اعطاها ريوف، و جكيت اسود و بنطلون اسود وكلها نفس الي اعطاها ريوف
دخل للحمام ( يُـكرم القـارئ ) شان يغير بس شاف شيء على الارض، التنوره حقت ريوف، ولقا جنبها قلاده وعرف انها حقت ريوف، اخذها وطلع من الحمام ( يُـكرم القـارئ ) وخباها بالدولاب حق الملابس
دخل للحمام ( يُـكرم القـارئ ) واستحم على السريع ولبس وطلع من الغرفه وراح لغرفه ساره
وسمع كلامهم

._______________________.

طلعت ريوف من الغرفه ودمعتها نزلت ودخلت غرفه ساره وصارت تبكي
دخلت عليها ساره و راحت عندها
ساره بأسف : اسفه انا السبب
ريوف: لااا، لا تتاسفين، وبعدين ترا مو انتي السبب، وانتي تعرفيني حساسه وبكايه، ابكي من اتفه الاسباب
ساره بضحك : ايوه يا بكايه
ريوف بنفس الضحك : ايوه يا مجنونه
ساره شهقت : انا مجنونه يا بكايه
ريوف والدمعه بعينها : طيب لا تقولين اني بكايه
ساره : بكايه
ريوف تلحفت بالحاف وصارت تبكي
دخل رائد واشر لـ ساره تجي
طلعو برا الغرفع
ساره : هلا
رائد بشبه صراخ : ليش تبكينها
ساره بمزح : اصلاً هي دلوعه، معقوله تبكي بس عشان انقطعت البذله
رائد بعصبيه : اكيد بتبكي لو انقطعت بذلتها لانها وقتها راح تبقا بلبسها الداخلي فقط واكيد هذولي الغثيثات ضربوها
ساره بداخلها : يا عيني على الحب
ساره : اكيد بس كنت امزح
رائد : اسمعيني، إذا ما تبيني اعاقبك سوي الي اقولك عليه
وقال لها خطته..
ساره بداخلها : هذا هو الحب يا جاهلين المحبه
ساره : تم بس كان تبيني اسكت حـ ( كملت بداخلها وهي تقول : حبيبتك ) ريوف عطني خمسين ريال
رائد بدون تردد اعطاها
ساره : يلا باي بروح اسكت حبيبتك
وهربت
رائد بهمس : حبيبتك!
لكن قطع شروده امه
ام يوسف : الاولاد برا يسألون عنك
رائد: طيب
وطلع وشاف زيد و مشاري و مالك
رائد بأستهبال : يا هلا وغلا بالي يحبوني وفقدوني
زيد : اقول اسكت يابو راس مربع ، لنا سنه ندورك و بالاخير طالع و مغير ملابسك و مبسوط ولا على بالك
رائد : ابااااا سنه
مالك : ما عليك منه، الحق ابوك بيجلدك جلد لو ما جيت
رائد : تراني ما تاخرت وش صار للدنيا
مشاري : صار العجب، لما انت طلعت و تأخرت الكل خاف وصرنا ندورك وبالاخير اتصلنا على امك تقول انك بالغرفه و الحين تناديك
رائد : طيب يلا مشينا بسرع قبل ابوي يجلدني
و فعلاً راحو و فهمو ابو يوسف ان رائد راح يغير ملابس لا اكثر ومو قصده يخوفهم عليه

._______________________.

استانسو البنات بقعدتهم لكن ترف كانت شوي هاديه على غير العاده
الي صار لها» ( ثروباك : لما دخل رائد للغرفه، و صرفتهم ساره للمجلس ما مر وقت طويل و ام يوسف تقوم و تلحق ساره و ترف راحت للمطبخ تشرب مويه
دخلت ترف للمطبخ واخذت مويه، شربت منها شوي و راحت تجيب مويه من الثلاجه للبنات و امهاتهم و بنفس الوقت دخل تركي المطبخ ومن العجله ما انتبه لها واخذ المويه الي هي شربت منها وشربها التف بيروح إلا ويلمح بنت شعرها اشقر كيرلي ولابسه بلوزه بيضاء و جينز رصاصي، لفت و شافته، ولد اسمر البشره بس مو لذيك الدرجه يعني اسمر حبتين وعيونه حاده و وقوفه هيبه
، شعره الاسود كثيف نوعاً ما و حريري، لابس جينز اسود وبذله سوداء وجوكيت ابيض
استوعبو على نفسهم و كل واحد لف وجهه بجهه
و ترف بسرع راحت للبنات
دخلت للبنات قبل جيه ام يوسف بدقايق قليله واعطتهم الماء و جلست وهي كل شوي تسرح بالولد الي شافته
انتهاء الثروباك. )