أحـبـبـت تـلـك الـمـريـضـة

bart 1

البارت الاول من قصه أحببت تلك ألمريضه

ملاحضة: خل اكول مواصفاتي عيوني خضر وكبار شعري ألنهاية ضهري وشفايفي كبار وزني تقريبا55

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كـعدت من النوم وانا أمد بجسمي لان اهواي نمت وتذكرت انو عطلت وهسة أكدر انا واكعد بكيفي ومافكر بالمتحانات نزلت جوة وصبحت على اهلي
همس: صباح الخير كايزز

الكل رد دخلت للمطبخ لكيت ماما موجودة
همس: ماما سويلي ريوك
مريم: حاضر عيوني

صعدت للغرفة لزمت التلفون لكيت صديقتي مراسلتني
لمى: هـلا يالبذاته طبعاا عطلتي صارت لمى ايـع لاسلام ولاكلام
همس: ولج شلحكتي تشتاقيلي أشو أمس عطلنه! لاوالله اول مارجعت من الامتحان سبحت ونمت طكيتها نومه وهسه يالله كعدت
لمى: حتا انا اول مارجعت سبحت وكتبت المسلسلات الاريد اتابعهن ونمت وكعدت هستوني
همس: يالله ولي خل أشوف مسلسلي
لمي: يالله باي

سديت الاتصال منها صاحتني ماما علمود اُكل رحت كليت وغسلت أماعيني صعدت لغرفه اخوي دفرت الباب وهوه طفر
همس: فضل روح أشتريلي
فضل: دطيري ماتشوفين الشمس متحلفه بينه
همس والله تره اكول ال ماما عليك
فضل:أستغفرلله جيبي

انطيته الفلوس وراح للمحل هوه يعرف شحب فـه ماوصيته دخلت للغرفه شحنت التلفون وجبت الاب توب وشغلت مسلسلي كملت طفيتها ونمت

كعدت أتثاوب دخلت الحمام غسلت وجهي وفرشت أسناني طلعت خذيت التلفون الاساعة 2:52
أنصدمت
همس: شكدد نمت
نزلت جوه البيت دخلت المطبخ لكيت اختي كاعد تاكل
همس: أحم أحم حبيبتي رُسل عادي اتسويلي أنـدومـي
رُسل: ماتسوين النفسج عيوني مگرمه
همس:اهوو هسه شحجيت
سويتلي اندومي وجبت قوطيه ببسي وصعدت للغرفه حطيتهن وجبت الاب توب شغلت مسلسلي وكعدت أكل من خلصت غسلت الاماعين وبقيت كاعد للـ 6يالله نمت كعدتنه ماما بـ 11وانا مابيه حيل

مريم: يالله يالله راح أنروح لبيت أختي مسويه عازمتنه
همس: ماما حبابه خل أبقه مابيه حيل نعسانه
مريم: لالا ممنوع تبقين بالبيت الوحدج بالله اجه حرامي
همس: أطكه بالطاوة عادي ماما
مريم: مايكعد راحه جنتل مان كومي يالله اخوانج كلهم كعدو

كمت مستسلمه للأمر سبحت مشطت شعري ولبست
بنطرون أسود وهاينك اسود ولبست فوكاه قميص أبيض وربطه سوده
نزلت جوه
همس: شـلونـي بربكم
فضل: يعني حلوة موكلش
همس: والله احلا منك

باوعت الـ رُسل صفرت بأعجاب
همس: لك شنو هل أناقـه
رُسـل: أهـو تراا أخجلل
همس: أموتت اموتت اناا على اليـخجل
رُسل: يله أنجبي

نزلـو اهلي وطلعناا للسيارة وطبعا مثل كل يوم لازم نتعارك على الجامة
همس: رُسـل صعدي لا انتف شـعرج
رُسـل: أخرر مره انتِ يم الجامة فتنجبين وانا أصعد هسه
همس: أوكي بس بالرجعه انا أصعد يم الجامه وطبعا الكل جان صاعد بالسيارة وانا وهمس نتعارك
صعدت وانا أتأفأف طول الطريق جنت لازمه التلفون من وصلنه دخلنه على البيت سلمنه
خالتي (لارا): هلا هلا أشلونج يا حلوة
همس: الحمدلله خالتي أنتِ أشلونج
خالتي: الحمدلله بخير
دخلنه شافتني منار بنت خالتي وهيه تجي تگمزز عليه تحضني
منار: هلا يالبذاته أشلونج
همس: الحمدلله انا بس كسرتي عضمي
منار: عادي فداي
همس: دطيرري

دخلنه الجوه أتغدينه وخلصنه دخلنا الغرفه وبدنا نحش

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

455 كـلـمـة