أحـبـبـت تـلـك الـمـريـضـة

Bart 9

تعال اخطبني
ماادري شنو اجاني وكتبت هيچ
بس چان اكو شعوري داخلي اشتياق وأخاف اخسره من ايدي

نمت واني افكر گعدتني رُسل الصبح اراجع الهة
وترتني وياها وراجعت الهة وسويت الهة اكل وطلعت لامتحان اجه سايقها

فتحت التلفون لگيت عباس ما شايف المسج حزز بخاطري وردت امسح الرساله بس تراجعت رحت اسبح ومن طلعت لگيت عباس متصل عليه مرتين
رجعت اتصلت عليه

عباس: همس تحچين صدگ اتأكدتي من مشاعرچ
همس: امممم
عباس: انتضري باچر واهلي يجونكم
سديت الخط من خلصت حچي وياه
ومشاعري مختلطه خوف وقلق كل ما اتذكر ارڪان

گعدت شوي ودخلت رسل تبچي من صعوبه الاسئله واسكت بيهة
نامت واني گاعده اريد اعرف شلون راح اصارح اهلي
خابرت عباس وگلت اله

همس: عباس متوتره خابر بابا وگول اله راح تجي تخطبني باچر
عباس: تدللين يا روحي

استحيت وطفيت الجهاز واني فرحانه
اجه الغده وابوي چان يحچي النه على طفولته ويقارن جيلنه بجيلهم واني الف فكره براسي
اجاه اتصال من عباس تخربط اوضاع شكله وجاوب

اهلا ايي' اعرفك' نتشرف بيكم

گال هاي الكلمات واني متت فرح حاولت ما ابين واجه ابوي ورة الغده ملتمين وصارحني بالموضوع

ابراهيم: همس عندي موضوع وياچ بحضورنه كلنا هنا نريد نسمع جوابچ

همس: اي بابا گول حبيبي

ابراهيم: دكتور عباس يريد يتقدم الچ باچر

مثلت الصدمة ورُسل طفرت تضحك وتگلي جوابچ ولچ وفضل يصيح ايي نخلص من همس
اله امي اخذت وضع الساكن
التفت الهة وگلت الهة امي رأيجج سكتت بس ابتسمت

همس: بابا الي تشوفه مناسب

رحت للغرفه وايدي ترجف اجتني رُسل وتضحك ماسكتت ونست دراستهة وتسخت يمي
دخلت امي علينا وطلعت رُسل واجتني بوجه بشوش

مريم: همس حبيبتي انتِ تحبين عباس
همس: لا ماما ما احبه بس هو خوش رجاال

مريم: الله يكتب الي بيه خير اتمنالج السعاده

همس: ماما شبيچ احسچ ما راضيه

مريم: مو سهله الام تنخطب من عدهة بتهة

همس: اووووو ماما هسه احنه كل شي ماكو بس حچي

بستهة وضلت يمي ورتبت ملابس لباچر وامي وياي واحچي الهة شگد متوترة واخذت راحتي اله شوي اگول الهة اني معجبه بيه
طلعت امي ورحت خابرته واني اضحك

همس: امممم اهلي موافقين تدري وفرحانين

عباس: ان شاء الله تتم الفرحة وتكملين نص ديني وتعوضيني عن الماضي