أحـبـبـت تـلـك الـمـريـضـة

bart17

همس: اشتاقيت اله
رُسل: شنو؟
همس: والله اشتاقيت اله اجاني بالحلم يعاتب
رُسل: همس لخاطر الامام العباس اسكتي
همس: ليششش
رُسل: ردتي تموتين
تخبلتي هذيچ الفترا وامه حيـة
واختـة ربحچ بس بميس
تگدرين بس ميس حبابه وياچ وعباس هم

همس: ميس و عباس وياقوت وعمار
تضل هند وام عباس ضدي

رُسل: بلا وجع راس الچ ولاهلي كافي الي شفناه

همس: ومشاعريي؟

رُسل: دوسي عليهن شلون ما اني دايسه عليهن

همس: شنو دايسه عليهن تحبين؟

رُسل: شنو؟

همس: شنو  هاا؟

رُسل: ثول شبيچ اني اگول اي شخص مو اله حَب حَب
ادوس على مشاعري

همس: هاااااا

عفتهة عرفت ضامه عليه شي بس غلست هيه تحچي الي

رحت لحساب عباس و على ستورياته
ناشر حزين
شافني شفت الاستوري و دزلي رساله

_همس؟

هملت الرساله عشر دقايق

_اي همس
_شايفه الاستوري؟
_اي شفته بيهة شي؟
_لا مابيهة
_ايي اگول لان اذا بيهة سوي حسابك خاص
_عوفي حسابي
اشتاقيتلچ والله اعيشچ بعيد عن اهلي
_عوفني لا تفكر بيه اني كافي الي عشته
_ليش هيچ تسوين بيه والله ما اريد غيرچ
_واني مااريد
_شنو ماتردين
_غيرك
_صدگ همس
_عوفني
_شنو شنو من باچر اشوف حل
_اهلي ما يوافقون
_اخليهم يوافقون
_اني ما اوافق
_اخليچ توافقين
_عوفني اعيش حياتي هسه ادرس
_ادرسي والله كريم اتخلص من  كم شغلة  واچيج
_بعدك تحبني؟
_اكيد احبچ
_تمام اروح
_باي
_باي

عفته ورحت شنو هذا البرود والتسرع ليش ما ذليته ليش استسلمت
اهلي ما يوافقون
ادري كلش زين
طردت الافكار من راسي ورحت يم اهلي

مريم:  صح النوم حبيبتي
شگد تنامين
ابراهيم: خطيه تعبانه
خليهة تنام
همس: والله يا بابا صح تعبت اسبوع وامتحان بيه تخيل
ابراهيم: هيه هاي الدراسه
فضل: تردين يضحكونچ لو يدرسونچ
همس: ماعليك انتَ
وعندي موضوع وياك
مريم: شنو لازمه لزمه
همس: لا لا يعرف
فضل: انچبي خيتوا بعدين نسولف
ابراهيم: الله يستر منكم

دخلت غسلت وطلعت اتعشى وياهم

ميس::::

اجتي الجمعه انقاذ لعقلي  الي تعبه السادس

طلعت اشوف الحيه

مرام: اشرقت وانورت ست ميس
گومي تعاي سولفي اجيت اتونس وياچن

ميس: تتونسين ويه طالبه سادس؟
شگد فارغة اذا هيچ؟

هند:  لسانچ ميسسس
ميس: انتِ مو متزوجه روحي لعيالچ باچر بس يصير شي بينكم لاطشه هنا 24 ساعه تجين تتبچبچين يمنه