_عوفي ابني
چانت الكلمه الي مثل السم
_ليش اعوفه خطيبي وابنچ يحبني واني احبه
مااعتقد غلط من خطبنه ليش حاقده عليه
_ابني بسببچ راد يموت بطلقة قريبه على گلبه وانتِ عاشگچ ابن عمچ عوفي ابني
واني ما موافقه على الخطوبه بس بعد شسوي لعباس عوفي ابني لا احول حياتچ جحيم
سديت الخط بوجهة وگعدت ابچي شبيهة وياي ليش هيچ لزمت عباس حظرته من كل المواقع
طلعت لاهلي گلت الهم اريد افصخ خطوبتي
مريم: اسم الله شبيچ شجاچ توكم شحلاتكم
ابراهيم: هي مو لعبة اطفال الزواج ليش وافقتي
همس: مااريد هذا اخر كلامي
اجت رسُل تريد تفهم من عندي
ما حچيت شي وصيت بابا يتصل على عباس يفصخ ويطلع اركان من الحبس
دخلت الغرفه وكلمات امه تضرب بدماغي
ضليت الليل كله ابچي وقافله الباب عليه
الغرفة صارت بيتي ومااطلع من عدهة مـر يومين وطلع اركان وعباس ماكوو وابوي يتصل مايجاوب
ولا فتحتت البلوك ولا راسلت بس ابچي والاكل شلـته من حياتي
اتصلت عليه ميس من رقم ثاني الاول حاظرته
ميس: ليش هيچ تسوين بأخوي حرررام عليچ
امي اعرفهة ضغطت بالكلام بس لازم تواجهين عباس
همس: امچ ماتريدني خلي عباس يفصخ كافي مذلة هيه؟
ميس: والله احاول احچي وياه ما جاي يسمع من عندي مقضي وقته بالعياده
همس: هو وين؟
ميس: طلع للعياده
سديت الخط وطلعت لبست ملابس واتصلت على بابا ماگدر يجيني اتصلت على فضل اجه وياي وصلني لعياده
دخلت ولگيت مريضه هناك يدرب بيهة انصدم من شافني
گعدت انتضره واني ميته بچي المريضه خلص وقتهـة وطلعت تباوعلي باستغراب
عباس: شجابچ هنا؟
همس: اريد افصخ
عباس: اوكي براحتج
همس: ماتسئل شنو السبب
عباس: مايهمني
همس: ماتحبني
سكت ماجاوبني وصرت اصرخ بوجهة وحچيت اله كلام امه وابچي واصرخ العياده انهزت هزز اجوي الدكاتره الباقين واتعذر منهم وسكتني
عباس: صوتچ ليش ماگلتي الي امي هيچ حچت
همس: خفت امك تخرب حياتي
لحظة غباء خفت من عدهة
عباس: امي ماتريدچ لان اخذت ريم المرحومه وهيه ماتريدهة تريد بنت اختهة وهسه هم ماتريدج لنفس السبب
همس: بنت اختهة ماتزوج منتضرتك؟
عباس: ايي تزوجت وانفصلت وامي تريدهة
همس: لو تموتني امك مااعوفك
عباس: صارت بيهة عناد هههههههههه
همس: ابتسمت وغلست على كلام امه
جانت ابدا ماتحب الخير لابنها المهم بنت اخته واختهة الي يتحكمون بحياتهة
طلعت من عياده واخذني لمطعم
ضلينا نحچي
عباس: بعد شهرين لدوام
همس: ايع عباس شنو هذا الموضوع
راح تنسد نفسي
عباس: ههههههههه ماتردين دوام وخلصتي فترة العلاج خايفه لا يجي وانتِ بعدچ
هسه شهرين تخلص وتداومين وبعطلة نصف السنه زواجناا
همس: اي عادي خلي يجي دوام
عباس: ليش وجهج تعبان هيچ
همس: من البچي
عباس: عفيه وبعد
همس: اتوقع اكلت من اكلت وياك
عباس: عفيه عفيه همسس
أنت تقرأ
أحـبـبـت تـلـك الـمـريـضـة
Short Storyفتاة يذهب بها ألقدر ألى أيادي الدكتور عباس وتبدأ قصتها عند شلل أقدامها
